Morgunblaðið - Sunnudagur - 27.06.2021, Page 4

FRÉTTIR VIKUNNAR
4 MORGUNBLAÐIÐ SUNNUDAGUR 27.6. 2021
Þ
órdís Kolbrún Reykfjörð
Gylfadóttir, ferðamála-, iðn-
aðar- og nýsköpunarráð-
herra, bar sigur úr býtum í oddvitas-
lag sjálfstæðismanna í Norðvestur-
kjördæmi og Sigurður Ingi
Jóhannsson, samgöngu- og sveit-
arstjórnarráðherra, hlaut dyggan
stuðning í efsta sæti Framsóknar í
Suðurkjördæmi.
Mælt er með bólusetningu þeirra
sem sýkst hafa af kórónuveirunni í
ljósi þess að mótefnasvörun þeirra
virðist ekki vera eins mikil og hjá
þeim sem hafa verið bólusettir.
Greint var frá því í byrjun vikunnar
að flestir veitingastaðir væru
komnir með fulla afkastagetu og
megi taka við þeim fjölda sem þeir
hafa leyfi fyrir.
Heildarhluthafalisti félaga verður
tekinn út eins fljótt og unnt er af vef
Ríkisskattstjóra en Persónuvernd
hefur ákvarðað að birting hlut-
hafalista á opnu vefsvæði Skattsins
sé ólögmæt.
Ragna Kristín Guðbrandsdóttir
varð um liðna helgi yngsti ein-
staklingurinn sem hefur útskrifast
með B.Sc.-gráðu í læknisfræði hér á
landi. Hún er fædd árið 2000.
The Washington Post fullyrðir að
Michele Roosevelt Edwards, áður
Michele Ballarin, eigi ekki setrið,
þar sem hún tók á móti fréttateymi
Kveiks á liðnu ári. Fátt er sem fyrr
að frétta af endurreisn Wow air
undir hennar forystu.
Guðjón Óskarsson, rúmlega sjö-
tugur Reykvíkingur, hefur verið val-
inn Reykvíkingur ársins. Nafn-
bótina hlýtur hann fyrir starf sitt við
að hreinsa gangstéttir borgarinnar
af tyggjóklessum.
Á hverjum degi leita nokkrir á
bráðamóttöku Landspítalans vegna
rafskútuslysa. Meðal 18 ára og eldri
sögðust 40% hafa verið undir áhrif-
um þegar slysið átti sér stað.
. . .
Uppsveifla er í sölu á æðardúni.
Aðalinnflutningslandið er Þýska-
land.
Sorpsamlögin á Suðvesturlandi og
umhverfisráðuneytið hafa hafið
undirbúning að því að koma upp
sorpbrennslu fyrir allt svæðið. Á
brennslan að lágmarka þörf fyrir
urðun úrgangs.
Viðskiptavinum Orku náttúrunnar
(ON) verður endurgreitt fyrir notk-
un frá og með 11. júní, í kjölfar þess
að kærunefnd útboðsmála ógilti
samning borgarinnar við ON varð-
andi rafhleðslustöðvar.
Prestar í Prestafélagi Íslands hafa
samþykkt kjarasamning við kjara-
nefnd Þjóðkirkjunnar með um 2/3
hlutum atkvæða. Meðaltals-
launahækkun er um 3,25%.
Þríburarnir Þór, Jón Friðrik og
Kristján Guðjónssynir, 23 ára,
brautskráðust allir með BS-gráðu í
iðnaðarverkfræði frá Háskóla Ís-
lands um liðna helgi.
Karen Elísabet Halldórsdóttir,
bæjarfulltrúi Sjálfstæðisflokks í
Kópavogi, lét bóka gagnrýni á
Borgarlínu á fundi bæjarráðs og
bendir á að peningar til verkefnisins
komi ekki af himnum ofan.
Viðbrögð við mögulegri lokun Suð-
urstrandarvegar vegna hraun-
streymis voru rædd á fundi Grinda-
víkurbæjar, björgunarsveita,
lögreglunnar, Veðurstofu o.fl. í
byrjun vikunnar. Staðan er metin
frá degi til dags.
Ungbarnadauði var næstminnstur
á Íslandi árið 2019 í samanburði við
aðrar Evrópuþjóðir, en minnstur í
Liechtenstein, að því er fram kem-
ur í athugunum Eurostat.
Reykjavíkurborg og Félag ís-
lenskra landslagsarkitekta efna til
hönnunarsamkeppni um Lækjar-
torg og aðliggjandi gatnarými.
Enn ber á því að fólk sé að ganga á
hraunbreiðunni í Geldingadölum,
þrátt fyrir viðvaranir.
Guðni Bergsson, formaður Knatt-
spyrnusambands Íslands, KSÍ, seg-
ir komið að því að taka ákvörðun um
nýjan þjóðarleikvang í knatt-
spyrnu.
Samherji hefur beðist afsökunar á
ámælisverðum viðskiptaháttum sem
fengu að viðgangast í starfsemi út-
gerðarinnar í Namibíu.
. . .
Jón Sigurðsson, forstjóri Össurar,
segir fyrirtækið hafa staðið tæpt eft-
ir að kórónuveirufaraldurinn lamaði
heilbrigðiskerfi víða um heim í fyrra.
Mikil fjölgun hefur orðið á tilkynn-
ingum til barnaverndarnefnda
vegna kynferðisofbeldis milli ára.
Fyrstu þrjá mánuði ársins voru þær
alls 224 eða 86,7% fleiri en á sama
tíma í fyrra.
Héraðsdómur í Svendborg í Dan-
mörku hefur dæmt íslenskan karl-
mann í fjögurra ára fangelsi fyrir
ítrekuð kynferðisbrot gegn dóttur
sinni.
Múlaþing hefur gengið frá kaupum
á fimm af þeim sex íbúðum sem eru
á hættusvæði vegna ofanflóða við
Stöðvarlæk, utan við stóru skriðuna
sem féll á Seyðisfjörð í desember.
Í næstu viku verður boðinn upp
enskur setter-hundur sem kallast
Rjúpnabrekku-Blakkur. Tekið er
fram í auglýsingu Sýslumannsins á
höfuðborgarsvæðinu að greiða
þurfi fyrir hundinn við hamarshögg.
Ekki er vitað til þess að hundur hafi
áður verið boðinn upp á vegum emb-
ættisins.
Ferðaþjónustuaðilum virðist ekki
auðvelt að halda íslenskri tungu á
lofti eða nota hana í þjónustu sinni,
ef marka má nýja rannsókn.
„Það er til gull í jörðu á Íslandi.
Spurningin er hvort hér finnst vinn-
anlegt magn,“ segir Þórdís Björk
Sigurbjörnsdóttir, forstjóri Iceland
Resources ehf., sem verður með
rannsóknarboranir í Þormóðsdal í
sumar.
Verðlag á Íslandi mældist það þriðja
hæsta meðal ríkja á Evrópska efna-
hagssvæðinu árið 2020 og var 37
prósentum yfir meðaltali Evrópu-
sambandsins.
Nýr loftslagsvegvísir atvinnulífsins
var kynntur. Vegvísirinn á að stuðla
að því að markmið um kolefn-
ishlutlaust Ísland náist fyrir árið
2040.
Álftin Svanhildur hefur tapað einum
unga frá í vor. Þeir eru nú tveir en
ekki þrír.
Fulltrúar stéttarfélaga starfsmanna
í álverinu í Straumsvík og Samtaka
atvinnulífsins og Rio Tinto undir-
rituðu nýja kjarasamninga til fimm
og hálfs árs.
Sumarið stakk óvænt við stafni á
höfuðborgarsvæðinu á miðviku-
dag. Hver veit nema það láti sjá sig
aftur um helgina. Og það jafnvel víð-
ar um land.
Búið er að bólusetja tæplega 90%
þeirra sem til stendur að bólusetja á
landinu. Bruna þurfti með 700
skammta af Pfizer úr Reykjavík til
Keflavíkur svo þeir færu ekki til
spillis.
Freyr Alexandersson hefur verið
ráðinn þjálfari danska knatt-
spyrnuliðsins Lyngby.
. . .
Góður árangur meðferðarátaks
gegn lifrarbólgu C hefur vakið at-
hygli út fyrir landsteinana.
Dæla þurfti vatni úr nærliggjandi
brunahana í Hvaleyrarvatn í vik-
unni. Yfirborð vatnsins hefur lækk-
að mikið síðustu vikur eftir þurrka-
tíð í vor.
Eftirlitsnefnd með starfsháttum
lögreglu hefur komist að þeirri nið-
urstöðu að háttsemi tveggja lög-
regluþjóna, á vettvangi í Ásmund-
arsal á Þorláksmessukvöld, geti
talist ámælisverð.
Flugvél flugfélagsins Play tók af
stað í jómfrúarferð sína á fimmtu-
dag frá Keflavíkurflugvelli. Ferðinni
var heitið til Lundúna og voru í vél-
inni um 100 farþegar. Forvarsmenn
félagsins léku á als oddi og horfa
björtum augum til framtíðar.
Icelandair er ekki síður bratt en
náðst hefur samkomulag við fjár-
festingasjóðinn Bain Capital um
kaup á 16,6% hlut í félaginu fyrir
tæplega 8,1 milljarð króna.
Fleiri konur en karlar sátu í nefndum
á vegum ráðuneyta í fyrra. Hlutfallið
var 51% konur á móti 49% karla.
Öllum takmörkunum innanlands
hefur verið aflétt.
Sumarið lét óvænt
sjá sig í borginni
Íslenskir karlmenn láta ekki segja sér það tvisvar að rífa sig á kassann þá sjaldan sólin er í heimsókn í bænum.
Morgunblaðið/Ómar
19.06.-25.06.
Orri Páll Ormarsson
orri@mbl.is
DUXIANA Reykjavik | Ármuli 10 | Reykjavik | +354 5 68 99 50 | www.duxiana.is
GÆÐI OG ÞÆGINDI
SÍÐAN 1926
DUX 8008 – UNDRAVERÐUR SVEIGJANLEIKI
Háþróuð tækni, alvöru handverk, strangar prófanir og vandlega valin efni tryggja góðan nætursvefn
og passa upp á að líkaminn fái góða hvíld þegar þú þarf mest á því að halda.