Morgunblaðið - 14.07.2021, Page 2

2 FRÉTTIR
Innlent
MORGUNBLAÐIÐ MIÐVIKUDAGUR 14. JÚLÍ 2021
COSTA DEL SOL
16. - 27. JÚLÍ | 11 DAGAR
FLUG OG GISTING
VERÐ FRÁ:
84.500 KR.
*Á MANN M.V. 2 FULLORÐNA
OG 2 BÖRN. INNIFALIÐ Í VERÐI
FLUG, GISTING, INNRITAÐUR
FARANGUR OG HANDFARANGUR
INNIFALIÐ Í VERÐI
FLUGSÆTI BÁÐAR LEIÐIR
FLUG OG HANDFARANGUR
FLUG
VERÐ FRÁ:
39.900 KR.*
WWW.UU.IS | HLÍÐASMÁRI 19, 201 KÓP. | 585 40000 | INFO@UU.IS
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson
menning@mbl.is Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Forsetinn bauð ólympíuförunum
ásamt fulltrúum ÍSÍ, SSÍ, STÍ og
FRÍ í heimsókn á Bessastaði síð-
degis í gær, til þess að óska þeim
góðs gengis, en leikar hefjast í
næstu viku í Tókýó. Heimsóknin
var óformleg að sögn Unu Sig-
hvatsdóttur, sérfræðings á skrif-
stofu forseta; kaffi og spjall.
Á sunnudag keppir Ásgeir
Sigurgeirsson í skotfimi af tíu
metra færi. Snæfríður Sól Jórunn-
ardóttir keppir í 200 metra skrið-
sundi á mánudag og 100 metra
skriðsundi á miðvikudag. Anton
Sveinn McKee keppir í 200 metra
bringusundi á þriðjudag og á
föstudag keppir Guðni Valur
Guðnason í kringlukasti. Anton og
Snæfríður gátu ekki þegið heim-
boð forsetans þar sem þau eru bú-
sett erlendis en þeir Ásgeir og
Guðni mættu ásamt fararstjórum
sínum.
Kapparnir mættu færandi hendi
með landsliðstreyjur til handa for-
setahjónunum sem munu að von-
um fylgjast spennt með gengi full-
trúa þjóðarinnar á Ólympíu-
leikunum í næstu viku.
Færðu forsetahjónunum landsliðstreyjur í heimsókn sinni á Bessastaði
Forsetinn
kvaddi
ólympíu-
farana
Morgunblaðið/Unnur Karen
Fjórir laumufarþegar voru um borð í súrálsskipinu sem kom til hafnar í
Straumsvík 8. júlí. Þeir höfðu ekki hugmynd um hvert förinni var heitið, að
sögn Jóhanns Karls Þórissonar aðstoðaryfirlögregluþjóns. Þeir vildu bara
komast af landi brott.
Laumufarþegarnir koma upprunalega frá Gíneu og tala einungis
frönsku en lögreglan hefur átt samskipti við þá með aðstoð túlks. Fóru þeir
um borð í skipið í Senegal en skipverjar urðu þeirra varir á fjórða degi
siglingarinnar.
Skipið sigldi fyrst til Brasilíu en mönnunum var ekki hleypt úr skipinu
og inn í landið þar. Þeir dvöldu því í einni káetu skipsins uns þeir komu að
landi á Íslandi. Jóhann telur ljóst að mennirnir hafi ekki ætlað sér sér-
staklega að koma hingað. Þeir verða sendir úr landi, en ekki er á hreinu
hvert.
Laumuðust um borð í skip til Íslands
Gert er ráð fyrir að í dag verði bólu-
sett í síðasta sinn við Covid-19 í Laug-
ardalshöllinni. Búið er að bólusetja
90% þeirra sem eru 16 ára eða eldri
en þeir sem ekki
hafa sinnt því að
mæta í bólusetn-
ingu verða ekki
eltir uppi sérstak-
lega.
Búist er við
bólusetningardegi
í minni kantinum
en 1.700 manns fá
seinni skammtinn
af bóluefni Mod-
erna og 2.000 manns hafa verið boð-
aðir í seinni skammt af bóluefni Ast-
raZeneca.
Í gær var fólk sem hafði fengið
fyrri skammtinn af Pfizer fyrir þrem-
ur vikum bólusett með seinni
skammtinum. Að auki mættu 2.000
manns sem höfðu ekki verið boðaðir.
Þeirra á meðal var fólk búsett erlend-
is og þurfti að skrá það sérstaklega
inn í kerfið. Urðu því einhverjar tafir
og raðir mynduðust. Ragnheiður Ósk
Erlendsdóttir, framkvæmdastjóri
hjúkrunar hjá Heilsugæslu höfuð-
borgarsvæðisins, sagði að um hundr-
að manns hefðu mætt sem áttu að
vera í sóttkví. Það fólk þurfti að fá
sprautuna út í bíl eins og um bílalúgu
væri að ræða.
Í lok dags voru um 75 skammtar
eftir en þar sem starfsfólkið vildi ekki
sjá þá fara til spillis var farið með
skammtana út í skemmtiferðaskipið
Viking Jupiter sem lá við festar í
Reykjavíkurhöfn.
Þórólfur Guðnason sóttvarnalæknir
segir að til skoðunar sé að bjóða lands-
mönnum upp á þriðja skammtinn af
bóluefni Pfizer eins og Ísraelar hafa
tekið ákvörðun um að gera og er til
skoðunar í fleiri löndum. Forsvars-
menn Pfizer ætla að sækja um leyfi
fyrir þriðja skammtinum hjá banda-
ríska Matvæla- og lyfjaeftirlitinu.
„Þetta er sérstaklega til skoðunar
hér fyrir þá sem hafa undirliggjandi
ónæmisvandamál og hafa kannski
ekki svarað bólusetningunni nægi-
lega vel,“ segir Þórólfur og nefnir
einnig þá sem hafa fengið Janssen-
bóluefnið.
Varðandi fylgnina milli Janssen-
bóluefnisins og sjaldgæfs taugasjúk-
dóms hefur Lyfjastofnun ekki fengið
neinar tilkynningar um slík tilfelli inn
á sitt borð. Þórólfur bendir á að
tengslin sem um ræðir séu afar sjald-
gæf, töluvert sjaldgæfari en þær
aukaverkanir sem sjást eftir Covid-
sjúkdóminn sjálfan.
Morgunblaðið/Árni Sæberg
Bólusettir Röðin í bólusetningu í Laugardalshöll náði langt út úr dyrum og raunar upp á Suðurlandsbraut.
Bólusett í höllinni
í síðasta skiptið í dag
Ragnheiður Ósk
Erlendsdóttir
- Afgangsskammtar fóru um borð í skemmtiferðaskip
- Þórólfur segir til skoðunar að gefa þriðja skammtinn