Morgunblaðið - 14.07.2021, Page 11

FRÉTTIR 11Erlent
MORGUNBLAÐIÐ MIÐVIKUDAGUR 14. JÚLÍ 2021
Dalvegi 16c | 201 Kópavogur | Sími 568 6411 | rafvorur@rafvorur.is
Amerísk heimilistæki
rafvorur.isRAFVÖRUR ehf
Þvottavélar
og þurrkarar
sem taka
10-17 kg
Mikil mótmæli standa nú yfir í Írak
vegna lélegs aðbúnaðar í
heilbrigðiskerfinu en að minnsta
kosti 90 hafa látið lífið og yfir hundr-
að slasast eftir að eldur kviknaði í
Covid-19-einangrunardeild á al-
Hussein-sjúkrahúsinu í írösku borg-
inni Nasiriya í gær. Talið er að eld-
urinn hafi kviknað þegar neistar frá
rafmagnslögn náðu til súrefniskúts
sem í kjölfarið sprakk.
Aðstandendur sjúklinganna hafa
lýst yfir mikilli reiði yfir aðbúnaði á
spítalanum.
Brutust út átök milli mótmælenda
og lögreglumanna en kveikt hefur
verið í tveimur lögreglubifreiðum.
Heilbrigðiskerfið í Írak er komið að
fótum fram eftir margra ára átök í
landinu en fyrr á árinu létust yfir 80
í eldsvoða á sjúkrahúsi í höfuðborg-
inni Baghdad.
Yfir 90 hafa látist
og hundrað slasast
ÍRAK
AFP
Eldsvoði Mótmæli brutust út í Írak í
kjölfar eldsvoða á sjúkrahúsi.
Kanadískt flugfar sprautar vatni yfir Seih Sou-
skóginn við borgina Þessalóníku í Grikklandi í
tilraun til að koma í veg fyrir umfangsmeiri
skógarelda. Mikill hiti hefur verið undanfarna
daga í Grikklandi en slökkviliðsmenn hafa unnið
hörðum höndum við að slökkva eldana í Seih Sou
sem komu upp í kringum hádegi í gær. Talið er
líklegt að hitinn muni valda fleiri eldum en fyrir
mánuði kom upp skógareldur við Aþenu.
AFP
Reyna að koma í veg fyrir umfangsmeiri elda
Barist við skógarelda við Þessalóníku í Grikklandi
Hólmfríður María Ragnhildardóttir
hmr@mbl.is
Miguel Diaz-Canel, forseti Kúbu,
segir að rekja megi óeirðirnar og
mótmælin sem standa nú yfir þar í
landi til Bandaríkjanna og viðskipta-
þvingana þeirra. Þúsundir Kúbverja
hafa nú flykkst út á götur til að mót-
mæla bágu efnahagsástandi og ein-
ræðislegum stjórnarháttum stjórn-
valda þar í landi.
Ósáttur við ummæli forsetans
Anthony Blinken, bandaríski ut-
anríkisráðherrann, sagði það alvar-
leg mistök af hálfu kúbverska forset-
ans að kenna bandarískum
stjórnvöldum um mótmælin og rétt-
ara væri að rekja þau til kommún-
ískra stjórnvalda, vanhæfni við
rekstur efnahagskerfisins og
slæmra viðbragða yfirvalda við kór-
ónuveirufaraldrinum.
Bandaríkjamenn settu viðskipta-
bann á Kúbu árið 1962 og var það
ekki fyrr en í stjórnartíð bandaríska
forsetans Barack Obama sem slakað
var á í þeim efnum. Hins vegar varð
aftur mikil tregða í sambandinu milli
landanna þegar Donald Trump tók
við forsetaembætti árið 2016. Herti
Trump á ný á viðskiptabanninu og
hafa þær ráðstafanir fengið að
standa óbreyttar í stjórnartíð núver-
andi forseta Bandaríkjanna, Joe Bi-
den.
Mótmæli hafa nú geisað í Miami í
Bandaríkjunum þar sem farið er
fram á að Biden skerist í leikinn og
komi mótmælendum á Kúbu til
bjargar. Borgarstjóri Miami, Franc-
is Suarez, var meðal þeirra fimm
þúsund sem tóku þátt í mótmælun-
um. Taldi Suarez að binda þyrfti
enda á 60 ára stjórn kommúnista á
Kúbu og að komið væri nóg af kúgun
og grimmd.
Fleiri sýna samstöðu
Evrópusambandið og Sameinuðu
þjóðirnar hafa nú einnig skorist í
leikinn og fara þau fram á að yfirvöld
í Kúbu virði tjáningarfrelsi og frið-
samleg mótmæli. Joseph Borell, sem
fer með utanríkis- og öryggismál í
framkvæmdastjórn Evrópu-
sambandsins, sendi ákall til stjórn-
valda Kúbu þar sem hann fór fram á
að hlustað yrði á óánægjuraddir
mótmælenda.
Jair Bolsonaro, forseti Brasilíu, og
Donald Trump hafa einnig lýst
stuðningi við mótmælendur. Segist
Trump standa 100% með Kúbverjum
í baráttu þeirra fyrir frelsi.
Rússar og Mexíkóar taka þó ekki í
sama streng og vara við því, að mót-
mælin á Kúbu verði nýtt sem for-
senda fyrir erlendum afskiptum af
innanríkismálum þar. Hefur Nicolas
Maduro, forseti Venesúela, einnig
lýst stuðningi við ríkisstjórn Kúbu.
Forseti Argentínu hefur einnig farið
fram á að Bandaríkin aflétti við-
skiptabanninu.
Hart tekist á um mótmælin á Kúbu
- Forseti Kúbu kennir viðskiptaþvingunum Bandaríkjanna um mótmælin - Blinken segir stjórnvöld
eyjunnar geta litið í eigin barm - Rússar og Mexíkóar vara við erlendum afskiptum vegna mótmæla
AFP
Kúba Bandarískir mótmælendur vilja að Biden veiti Kúbverjum aðstoð.
Norska kvennalandsliðinu hefur
verið meinað að spila í stuttbuxum á
Evrópumótinu í strandhandbolta.
Eiga leikmennirnir yfir höfði sér
sektir og mögulega brottrekstur úr
keppni hyggist þær hunsa þessa
ákvörðun.
Í reglum Alþjóðahandknattleiks-
sambandsins er kveðið á um að
kvenkyns leikmenn verði að keppa í
íþróttatoppum og bikiníbuxum í
strandhandbolta og mega buxurnar
ekki vera lengri en 10 sm á hlið-
unum. Karlkyns leikmenn mega hins
vegar vera í stuttbuxum sem eru allt
að 10 sm fyrir ofan hnéð og erma-
lausum bolum. Þessari reglugerð
hefur verið mótmælt undanfarin ár
og er hafið ferli innan Evrópska
handknattleikssambandsins um að
endurskoða hana. Það kom því
norska landsliðinu á óvart sektar-
greiðslum var hótað ásamt hugs-
anlegum brottrekstri úr keppni þeg-
ar þær ætluðu að mæta í stuttbuxum
á fyrsta leik mótsins. hmr@mbl.is
Bikiní eða brottrekstur
- Neyddar til að
spila í bikiníi á EM
í strandhandbolta
Ljósmynd/Marcus Cyron
Strandhandbolti Reglur Alþjóðahandknattleikssambandsins kveða á um að
kvenkyns leikmenn verði að spila í bikiníbuxum og íþróttatopp.