Heilsuvernd - 01.02.1972, Blaðsíða 16

Ef við virðum fyrir okkur ástandið hér á íslandi, lítur dæmið
þannig út: Um 2/5 (40%) af fæðu Islendinga er hvítur sykur
og hvítt hveiti. Hvaðan fáum við þau fjörefni og steinefni, sem
við erum svipt með neyzlu þessara einhæfu fæðutegunda? Fjöldi
manna reynir það með fjörefnalyfjum, sem eru alls ófullnægjandi.
Margir nota hveitihýði og hveitikím, en það er enganveginn nóg,
enda eðlilegasta lausnin sú að borða hveitið ósigtað. Sykurinn
er ekki hægt að bæta upp með neinu móti, þannig að þar er eina
ráðið að skera neyzlu hans niður að verulegu leyti, og í staðinn
mundi af sjálfu sér koma neyzla efnaauðugri matvæla.
BLJ
Fundir í NLFR
1. Föstudaginn 26. nóvember 1971 var fundur í Náttúrulækn-
ingafélagi Reykjavíkur í Matstofu félagsins, Kirkjustræti 8. Eiður
Sigurðsson flutti þar erindi um barnaheimili fyrir munaðarlaus
börn, en vöntun er á slíkum heimilum hér á landi. Hann lýsti
heimsókn í barnaheimilið í Kumbaravogi við Stokkseyri, en það
annast frú Esther Jónsdóttir, fyrrverandi ráðskona Matstofu
NLFR, og maður hennar. Síðan las hann þýdda grein úr ensku
tímariti um barnaheimili, þar sem notað er mjólkur- og jurtafæði.
Að erindinu loknu urðu miklar umræður um fyrirætlanir NLFÍ
varðandi stofnun barnaheimilis í Sogni og önnur félagsmál, og
að siðustu voru bornar fram góðgjörðir.
2. Mánudaginn 13. desember var fundur á sama stað, einskonar
jólavaka. Frú Arnheiður Jónsdóttir las sögu eftir Selmu Lagerlöf:
Sýn Ágústusar keisara. Þá flutti séra Jón Thorarensen erindi um
jólahald á íslandi fyrr á öldum, Skúli Halldórsson tónskáld lék
nokkur lög á píanó, og frú Svava Fells las ljóð eftir Gretar Fells.
Að lokum þágu fundargestir veitingar.
16
HEILSUVERND