Heilsuvernd - 01.06.1975, Síða 13

sókn á áhrifum slímlosandi lyfja hefði ekki leitt í ljós neinn
árangur af notkun þeirra, og mér vitanlega hafa síðan ekki
komið fram nein slík lyf sem taki hinum eldri fram.
Til er fjöldi lyfja, sem draga úr eða deyfa ýmiskonar sjúkleg
einkenni, svo sem verki, svefnleysi, hósta, meltingartruflanir,
kláða o.s.frv. Yfirleitt er hér ekki um lækningu að ræða, heldur
aðeins bælingu meira eða minna óþægilegra sjúklegra einkenna,
sem eru í rauninni ekki annað en einskonar neyðaróp líkamans
og krafa um raunhæfar aðgerðir til úrbóta í stað þess að kveða
þessar raddir niður með varhugaverðum eiturlyfjum.
Fúkalyf og fleiri ný lyf
Með tilkomu fúkalyfja hefir læknum borist í hendur mikilvirkt
vopn í viðureigninni við lífshættulega smitsjúkdóma og aðra
sýklasjúkdóma. Lyf virðast hafa fundist við sumum geðsjúk-
dómum, og lyfjameðferð í sambandi við svæfingar og skurðað-
gerðir hefir tekið miklum breytingum til bóta og aukið mjög
möguleika á meiri háttar aðgerðum, m.a. á öldruðu og veikluðu
fólki.
Um skeið héldu læknar, að með nýrnahettulyfinu Kortison hefði
fengist varanleg lækning á hinni illræmdu liðagigt, því að við
inntöku þess hjöðnuðu bólgur í liðum eins og snjór í sólbráði,
og liðaverkir hurfu. En því miður komu einkennin fram á ný
þegar sjúklingurinn hætti að nota lyfið. Og það sem verra var,
við langvarandi notkun þess komu fram mörg óþægileg og jafn-
vel hættuleg sjúkdómseinkenni, svo sem minnkandi mótstaða
gegn árásum sýkla, úrkölkun í beinum, sjálfkrafa beinbrot,
vöðvarýrnun, magasár o.fl. Þessi lyf eru því ekki notuð lengur
nema sem neyðarúrræði í smáum skömmtum.
Um fúkalyfin er það að segja, að sýklarnir virðast öðlast ónæmi
fyrir mörgum þeirra, þar á meðal pensilíni, og þarf því ýmist að
stórauka lyfjaskammtinn eða finna ný lyf. Auk þess hafa komið
fram margskonar aukaverkanir af notkun þeirra; þannig eyða
þau stundum vinveittum gerlum, t.d. í þörmum, gerlum sem hafa
það hlutverk að halda niðri hættulegum sýklum. Við það koma
HEILSUVERND
61