Feykir - 01.04.2020, Qupperneq 7

að finna út hvað það vill hafa,
það er svona mín áhersla í
þessu.“
Helga segir að vinnuferlið
gangi oftast þannig fyrir sig að
hún hitti fólk og geri sér grein
fyrir verkefninu. „Ég get svo
lagt fram teikningu eftir svona
tíu til fimmtán tíma vinnu, eða
eitthvað svoleiðis. Til að gefa
grunnhugmyndir þá er það
stundum nóg. Svo fer þetta
svolítið eftir því hvert fólk ætlar
að sækja. Ætlar það að fara í
IKEA og kaupa sér innrétt-
inguna þar, það getur verið
mjög þægilegt því að það er allt
í mjög stöðluðum einingum og
þá er stundum nóg að vera bara
með hugmyndavinnuna frá
mér og svo er þetta bara teiknað
í IKEA hvort eð er. En svo eru
aðrir sem fara í sérsmíði og þá
er það oft tímafrekara, bæði
innréttingarnar og meira um
smáatriði og þess háttar sem
þarf að teikna.“
Hönnun sýninga
með skemmtilegustu
viðfangsefnunum
Eitt af því sem Helga hefur lagt
stund á er nám í hagnýtri
menningarmiðlun. „Það var
mjög skemmtilegt nám sem ég
fór í eftir hrun eins og svo
margir, fór í háskóla, aðeins að
bæta á námslánaskuldirnar og
svona,“ segir Helga og hlær við.
„Það var alveg ofboðslega
skemmtilegt nám og þar náði
svo er ég leiðsögumaður og hef
verið að vinna við það líka. Svo
hef ég lært húsgagnasmíði og
myndlist, í raun og veru er það
það fyrsta sem ég fór í. Fór í
Myndlista- og handíðaskólann
áður en hann varð að Lista-
háskóla.“
Innanhússarkitekta-
nám á Ítalíu
Innanhússarkitektúr lærði
Helga í Mílanó á Ítalíu þar sem
hún dvaldi og stundaði nám í
rúm þrjú ár. Um tíma vann hún
svo á arkitektastofu í Reykjavík
en sú atvinnugrein varð hins
vegar afar illa úti í hruninu svo
Helga segir að það hafi í raun
verið sjálfhætt. „En ég hef alltaf
haldið mig við efnið og verið að
teikna heima, ég tek að mér
verkefni, bæði heima hjá fólki,
eldhús og baðherbergi og hina
og þessa ráðgjöf. Svo hef ég
fengið skemmtileg verkefni hér
í ferðaþjónustunni, gistiheimili
sem ég teiknaði herbergi inn í,
þannig að ég hef fengið fullt af
skemmtilegum verkefnum í
Skagafirði og það er bara mjög
gefandi að vera að vinna við
þetta fag sem ég menntaði mig
til.“
Helga lætur ágætlega af því
að hún fái nóg verkefni.„Já, ég
hef prófað að auglýsa og svo er
þetta nú líka svolítið þannig að
það verður umtal, það fréttist af
manni, einhver sem hefur látið
teikna fyrir sig segir öðrum frá
og það er auðvitað alltaf besta
auglýsingin. Þannig að ég er
með núna tvö verkefni, annað
er reyndar fyrir sunnan þannig
að það hefur verið fjarsamband
en ég hef líka kíkt þangað þegar
ég hef farið suður. Þetta er
auðvitað líka þess eðlis að ég
get sent teikningar á milli og
farið og hitt fólk þess á milli.
Þannig að það hafa verið alveg
ágætis skemmtileg verkefni. En
það er pláss fyrir meira.“
Er hinn almenni Íslendingur
opinn fyrir því að nýta sér
svona þjónustu? „Já, það hefur
alveg verið í gegnum tíðina.
Það er kannski smá mis-
skilningur stundum gagnvart
þessu. Umfjöllun í blöðum
hefur náttúrulega verið mjög
yfirborðskennd oft á tíðum og
mikið verið talað um að
eitthvað sé ofboðslega hall-
ærislegt og annað mikið
smartara og svo framvegis. Ég
er ekkert þar, það sem ég geri
er ráðgjöf til fólks sem langar
kannski til að skipta um.
Segjum að það sé að kaupa
nýtt hús eða kaupa hús með
gömlum innréttingum í og
langar til að endurnýja og því
fallast hendur þegar það fer að
skoða úrvalið. Það er gríðar-
lega mikið til, mjög mikið um
alls kyns tískustrauma sem eru
ekkert endilega góðir af því að
þeir endast ekkert alltaf vel. En
það sem ég legg áherslu á er að
vinna með fólki að því að finna
lausnir. Stundum er hægt að
gera betri vinnuaðstöðu,
eldhús er náttúrulega bara
vinnustaður og samverustaður
og það verður að vera þannig
að það sé þægilegt að vinna
þar og eiga samverustundir
líka ef það er það sem fólk vill.
Svo ég er ekkert endilega
mikið að elta tískustraumana
þó að auðvitað smitist maður
af því sem er fallegt og er í
tísku og oft er tískan líka
þannig að hún er að koma með
nýjar lausnir, ekki bara útlit,
heldur bara hreinlega lausnir.
En ég legg áherslu á að vinna
með fólki og hitti það og tala
um hvernig það vinnur og
hvernig það kýs að hafa hlutina
því það er misjafnt. Og sama
gildir um önnur herbergi eins
og baðherbergi, það skiptir
máli að það sé þægilegt,
auðvelt að þrífa og allt þetta.
En svo er auðvitað voða gaman
líka að fá að velja liti og þess
háttar. Þá kemur að þessu með
smekk fólks og svona, ég er
ekkert að vaða yfir fólk með
minn smekk, heldur reyni ég
ég að sameina allt sem ég hef
áhuga á af því að ég hef áhuga á
hönnun og myndlist, sem ég
menntaði mig til, en svo er ég
líka búin að vera leiðsögu-
maður síðan 2006 og þar af
leiðandi er ég komin með
ferðaþjónustuna svolítið í blóð-
ið. Svo hef ég bara áhuga á alls
kyns menningu, hef verið í kór
mjög lengi og hef áhuga á
tónlist og hinu og þessu. Þarna
gat ég svo samnýtt allt sem ég
var búin að vera að fást við og
læra og gera í þessu fagi. Eitt
það skemmtilegasta sem ég
hef gert, það er að hanna
sýningar. Ég fékk það skemmti-
lega tækifæri að gera Laxasetur
Íslands á Blönduósi með
vinkonu minni sem var með
mér í þessu námi, Kristínu
Arnþórsdóttur, og það var
ofboðslega skemmtilegt en var
því miður ekki langlíft setur.
Við gerðum aðra sýningu í
Gerðubergi í Reykjavík, sem
var tímabundin en var uppi í ár,
hún hét Lesandi og var svona
safnarasýning. Þarna fæ ég
tækifæri til þess að sameina
hönnunina og þessa miðlun á
skemmtilegan hátt. Í því felst
oft einhver rannsóknarvinna,
maður þarf að kynna sér efnið
og finna út hvernig best er að
miðla því á sem áhugaverðast-
an hátt án þess að þreyta fólk
því það hefur litla þolinmæði til
að lesa mikla texta. Og þetta er
það skemmtilegasta sem ég
kemst í.“
Helga er mjög virk í félags-
starfi og á hún fjölmörg
áhugamál. Eitt þeirra er um-
hverfisvernd og er hún annar af
tveimur stofnendum Poka-
stöðvarinnar í Skagafirði sem
hefur saumað margnota inn-
kaupapoka til láns fyrir við-
skiptavini nokkurra verslana á
svæðinu. Þessa dagana er hún
svo önnum kafin við annað
verkefni sem tengist umhverfis-
vitund og sjálfbærni en hún,
ásamt vinkonu sinni, Solveigu
Pétursdóttur, stendur nú í
miklum framkvæmdum við að
koma á fót endurnýtingar-
miðstöð og er óhætt að segja að
þær hafi í nógu að snúast við að
koma þeirri hugmynd á
koppinn. Þær hafa fengið
gamalt hús á Hofsósi til afnota
og fékk blaðamaður að slást í
för með þeim og líta á fram-
kvæmdirnar og forvitnast um
þessa spennandi hugmynd.
Ekki gefst þó svigrúm til að
segja frá þessu skemmtilega
verkefni hér, heldur verður það
látið bíða frekari umfjöllunar í
næsta tölublaði Feykis.Á tröppunum við nýja húsið sitt í febrúar 2019. Bjart og stílhreint eldhús sem Helga teiknaði.
Helga sá um hönnun á Laxasetrinu á Blönduósi ásamt vinkonu sinni.
Með Jóhönnu systur sinni á tónleikum
kvennakórsins Sóldísar í febrúar 2019.
Tækjaskápur í eldhúsinnréttingu sem
er eitt af hönnunarverkum Helgu.
13/2020 7