Feykir - 27.05.2020, Side 2

Aðlögunarhæfnin er mjög sterk í mannskepnunni. Ósjálfrátt
fer hugurinn að leita lausna þegar eitthvað breytist og oftar
en ekki sjáum við ný tækifæri í
mótlætinu og vinnum úr þeim
hráefnum sem að okkur eru
rétt. Þessi aðlögunarhæfni er
einstök sem er þó ekki alltaf
gott því oft erum við fljót að
gleyma og stöndum ekki við
það sem áður hefur verið sagt.
Hver kannast ekki við að hafa
sagt „Ég ætla aldrei aftur að
versla við þetta fyrirtæki“ ....
eða „þennan flokk mun ég ekki
kjósa aftur...“ sem er síðan
gleymt og grafið þegar frá líður.
En svo koma tímar þar sem
þessi eiginleiki bjargar okkur í raun og veru, sérstaklega þegar
við stöndum frammi fyrir miklum breytingum og áskorunum
eins og hafa dunið á okkur síðustu vikur. Breytingum sem við
höfum enga stjórn á og höfum ekkert um að segja, eins og
heimsfaraldur. Þá þurfa allir að leggjast á eitt og allir eru jafn
mikilvægir. Sumir fá það hlutverk að ákveða hversu langt má
vera á milli manna í búðinni á meðan aðrir sjá um að
óvætturinn dreifi sér ekki meira um samfélagið með því að
halda sig heima. Þá skiptir öllu að orða hlutina rétt. Við erum
ekki föst heima, heldur örugg heima. Það að við séum öll
almannavarnir er nefnilega engin vitleysa. Við berum ábyrgð á
okkur sjálf og okkar gjörðum og allt sem við gerum getur haft
gríðarleg áhrif á alla hina. Ef við sýnum ábyrga hegðun eru
meiri líkur á því að börnin okkar muni gera það sama í
framtíðinni.
Þegar öll þessi ósköp dundu yfir fann ég fyrir vanmætti og
pínu vonleysi. Fólk að missa vinnuna, heilsuna og jafnvel lífið.
Flestir að vinna heima og lítið um flakk. Heima hjá mér var
settur upp einn angi af vettvangsstjórn fyrir Skagafjörðinn sem
var nú bara nokkuð notalegt. Þá var nú ansi heppilegt að
krakkarnir voru í skólanum en ekki í heimakennslu. Við
vorum mjög dugleg að borða upp úr kistunni og nýta það sem
var til en á sama tíma hef ég sjaldan verslað eins mikið inn af
mat eins og þessa daga.
En öll él birtir upp um síðir og nú horfum við fram á bjartari
tíma yfir sumarið. Það er heldur tómlegt að vettvangsstjóri sé
aftur mættur til vinnu á sínum vinnustað. Ég er þakklát fyrir
það að getað ferðast í sumar. Þakklát fyrir að hafa fengið það
hlutverk að vera örugg heima yfir vetrartímann þó svo að ég
hafi verið frekar svekkt að missa af Andrésar Andar leikunum
og skíðapáskunum sem ég ætlaði að eiga í Tindastóli. Aldrei
hefur verið eins mikill snjór og gott færi eins og þennan
veturinn.
Þegar svona stendur á er gott að rifja upp æðruleysisbænina:
Guð – gef mér æðruleysi til að sætta mig við það sem ég fæ ekki
breytt, kjark til að breyta því sem ég get breytt og visku til að
greina þar á milli.
Góðar stundir
Soffía Helga Valsdóttir
blaðamaður
LEIÐARI
Aðlögunarhæfni
Málmey SK 1 landaði á Sauðárkróki í síðustu viku og var afli hennar rétt um 216 tonn. Auk
hennar lönduðu níu bátar á Króknum og var samtals landað þar tæpum 227 tonnum í
vikunni. Til Skagastrandar bárust rúm 54 tonn af 23 bátum og á Hofsósi lögðu fjórir bátar
upp með tæp tvö tonn. Heildarafli vikunnar á Norðurlandi vestra var 282.983 kíló. /FE
Aflatölur 17. – 23. maí 2020
Málmey með 216 tonn
SKIP/BÁTUR VEIÐARFÆRI KG SKIP/BÁTUR VEIÐARFÆRI KG
Guðrún Ragna HU 162 Handfæri 1.410
Hafdís HU 85 Línutrekt 995
Hjalti HU 313 Handfæri 2.035
Hjördís HU 16 Handfæri 1.889
Hrund HU 15 Handfæri 2.580
Húni HU 62 Handfæri 2.794
Ísak Örn HU 151 Handfæri 1.124
Kambur HU 24 Handfæri 1.916
Kópur HU 118 Handfæri 741
Loftur HU 717 Handfæri 2.670
Svalur HU 124 Handfæri 1.586
Sæunn HU 30 Handfæri 2.738
Viktor Sig HU 66 Handfæri 2.034
Víðir EA 423 Handfæri 2.651
Alls á Skagaströnd 54.402
HOFSÓS
Alfa SI 65 Handfæri 293
Elva Björg SI 84 Handfæri 297
Geisli SK 66 Handfæri 1.068
Skotta SK 138 Handfæri 340
Alls á Hofsósi 1.998
SAUÐÁRKRÓKUR
Gammur II SK 120 Handfæri 455
Gjávík SK 20 Handfæri 823
Hafey SK 10 Handfæri 1.885
Hafsól SK 96 Handfæri 503
Kristín SK 77 Handfæri 2.290
Málmey SK 1 Botnvarpa 215.999
Onni HU 36 Dragnót 1.603
Steini G SK 14 Handfæri 1.317
Vinur SK 22 Handfæri 1.527
Ösp SK 135 Handfæri 181
Alls á Sauðárkróki 226.583
SKAGASTRÖND
Alda HU 112 Handfæri 2.325
Ásdís ÓF 250 Handfæri 691
Beggi á Varmalæk HU 219 Handfæri 965
Bergur sterki HU 17 Lína 11.967
Blíðfari HU 52 Handfæri 2.373
Bogga í Vík HU 6 Handfæri 2.252
Bragi Magg HU 70 Handfæri 2.214
Dagrún HU 121 Handfæri 1.989
Geiri HU 69 Handfæri 2.463
Sumarafleysing Feykis þetta árið verður í
höndum Soffíu Helgu Valsdóttur og hóf hún störf
sl. mánudag. Soffía er gift Þorláki Helgasyni,
varaslökkviliðsstjóra hjá Brunavörnum
Skagafjarðar, og eru börnin fjögur. Fluttu þau á
Sauðárkrók fyrir tveimur árum þegar Þorlákur
tók við þeirri stöðu. Áður bjuggu þau á Akureyri.
Soffía segir að Skagfirðingar hafi tekið vel á
móti þeim og auðvelt var að kynnast fólki.
Hjálpaði íþróttaiðkun barnanna mikið til þar um.
„Er Skagfirðingar spyrja mig hvaðan ég sé
veit ég oft ekki hverju skal svara þar sem ég hef
verið á frekar miklu flakki í gegnum tíðina. Ég er
þó fædd í Reykjavík sem á enn vinninginn í
búsetuárum. Annars hef ég einnig búið í
Mývatnssveit og Danmörku og mikið dvalið á
ættaróðalinu í Súðavík sem er í eigu
stórfjölskyldunnar. Landsbyggðin togar alltaf
meira í mig heldur en borgin og vil ég kenna
gúmmískóárum mínum í Mývatnssveitinni um
það. Þar bjó ég með foreldrum mínum og
bræðrum í fjögur ár þegar pabbi vann í
Kísiliðjunni. Eftir það hef ég alltaf sótt út á land
og hafa sumarstörfin litast af því. Ég var
tjaldvörður, kom mér í sauðburð á hverju vori og
var svo landvörður í mörg sumur í Þjóðgarðinum
Jökulsárgljúfrum og Reykjanesfólkvangi,“ segir
Soffía.
Hún segir fjölskyldunni líða vel á Sauðárkróki
og hefur hún fest kaup á húsi í Víðihlíðinni og
nýtt Covid-tímann til að laga það að sér og eru
þau nú nýflutt þar inn.
Soffía mun skrifa fréttir í Feyki og Feyki.is og
sinna frétta- og efnisöflun ásamt tilfallandi
störfum. Netfang hennar er bladamadur@feykir.
is. /SHV
Soffía ráðin til sumarstarfa
Nýr blaðamaður Feykis
Nýi blaðamaðurinn, Soffía Helga Valsdóttir. MYND: PF
Blönduósbær hvetur á
heimasíðu sinni íbúa og
fyrirtæki til sameiginlegs
átaks í hreinsun í sínu
nærumhverfi. Næstu tvær
vikur býðst eigendum bíla og
stærri málmhluta aðstoð við
að færa þá til förgunar,
eigendum að kostnaðarlausu.
Eru þeir sem vilja nýta sér
átakið beðnir að láta vita á
netfangið: blonduos@blonduos.is
fyrir 5. júní nk. þar sem fram
koma upplýsingar um hvað á
að fjarlægja, hvar það stendur
og hver sé eigandinn.
Gámaplanið er opið
þrisvar í viku, mánudaga og
miðvikudaga frá kl. 15:00-
17:30 og á laugardögum frá kl.
13:00-17:00. Mánudaginn 1.
júní, annan í hvítasunnu,
verður aukaopnun frá kl.
13.00-17:00. Íbúar verða
aðstoðaðir við að flokka
úrgang á gáma-planinu og ef
veður leyfir verður boðið upp
á kaffi og kleinur laugardaginn
30. maí og mánudaginn 1.
júní. /FE
Hreinsunarátak næstu daga
Blönduós
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Páll Friðriksson, palli@feykir.is & 861 9842
Blaðamenn:
Fríða Eyjólfsdóttir, frida@feykir.is & 867 9744,
Óli Arnar Brynjarsson, oli@feykir.is Soffía Helga Valsdóttir, bladamadur@feykir.is
Auglýsingastjóri:
Sigríður Garðarsdóttir, siggag@nyprent.is
Áskriftarverð: 585 kr. hvert tölublað með vsk. Lausasöluverð: 720 kr. m.vsk.
Áskrift og dreifing: Nýprent ehf. Sími 455 7171.
Umbrot og prentun: Nýprent ehf.
Óháð fréttablað á Norðurlandi vestra - alltaf á miðvikudögum
2 21/2020