Feykir - 10.06.2020, Blaðsíða 4

Á fundi sveitarstjórnar
Sveitarfélagsins Skagafjarðar
í síðustu viku var
ársreikningur þess fyrir árið
2019 samþykktur.
230 milljóna króna hagnaður
Óhætt er að segja að rekstur
sveitarfélagsins hafi gengið vel
og umfram áætlun. Niðurstaðan
sýnir rekstrarafgang upp á 729
milljónir króna fyrir
sveitarfélagið í heild sinni og að
teknu tilliti til afskrifta og
fjármagnsliða er niðurstaðan
jákvæð um 230 milljónir króna,
þar af 115 milljónir króna í
A-hluta. Framlegð eða EBITDA
nam 12,2% hjá samstæðu og 9%
í A-hluta.
Handbært fé A- og B-hluta
var í árslok 120 milljónir króna.
Veltufé frá rekstri A- og B-hluta
nam 667 milljónum króna eða
56 milljónum hærra en árið
áður. Veltufé frá rekstri
samstæðunnar er nú 11,2% í
hlutfalli við rekstrartekjur og
hefur ósjaldan verið betra.
Veltufé frá rekstri segir til um
hversu mikið fjármagn
reksturinn raunverulega skilar.
Skuldaviðmið aldrei lægra
Skuldahlutfall samstæðu A- og
B-hluta er 117,1% en var árið
2018 123,8%, án þess að
dreginn sé frá sá hluti af
lífeyrisskuldbindingum sem og
tekjur og skuldir veitna sem
heimilt er að gera. Samkvæmt
64. gr. sveitarstjórnarlaga er
kveðið á um að skuldahlutfall
megi ekki vera yfir 150% af
reglulegum tekjum, en ef dregið
er frá það sem heimilt er
samkvæmt reglugerðum, er
skuldaviðmið samstæðunnar
nú 88,2% sem er langt undir
þeim mörkum sem lögin setja
sveitarfélögum, og fer ört
lækkandi.
Geta til að greiða niður
skuldir á rúmum sex árum í
stað um 25
Á mynd á þessari síðu má sjá
þróunina á breytingu skulda-
hlutfalls og skuldaviðmiðs
sveitarfélagsins undanfarin ár
og sést þannig t.a.m. að
skuldaviðmið hefur lækkað úr
rúmum 130% árið 2015 niður í
88,2% árið 2019. Til að setja
skuldastöðu sveitarfélagsins í
betra ljós og samhengi má
benda á að það tæki
sveitarfélagið í dag rúm sex ár
að greiða niður allar skuldir
sveitarfélagsins ef ekki yrði
framkvæmt á sama tíma. Á
árunum eftir hrun hefði tekið
um 25 ár að gera sveitarfélagið
skuldlaust með sama hætti.
Ljóst er að mikill árangur hefur
náðst.
Miklar fjárfestingar og
eignamyndun
Sveitarfélagið Skagafjörður
hefur samt sem áður mikla getu
til fjárfestinga í nauðsynlegri
uppbyggingu í samfélaginu.
Fjárfestingar voru þannig
miklar hjá sveitarfélaginu á
síðasta ári og námu
fjárfestingarhreyfingar sam-
stæðunnar 563 milljónum
króna og fjárfestingar í
varanlegum rekstarfjármunum
578 milljónum króna. Eignir
samstæðu Sveitarfélagsins
Skagafjarðar hafa farið vaxandi
í takt við þetta og námu um
síðastliðin áramót rúmum 10,1
milljarði króna en voru í árslok
2018 rúmir 9,4 milljarðar
króna.
Miðað hefur verið við í
fjárhagsáætlunum síðustu ára
að ný lántaka sé ekki umfram
það sem greitt er niður af
lánum. Miðað hefur verið við
að ný lántaka sé á milli 400 og
500 milljónir á ári hverju sem
m.a. hefur verið notuð til
nýframkvæmda og viðhalds-
verkefna sveitarfélagsins. Ný
lántaka langtímalána árið 2019
nam um 422,5 milljónum króna
en afborganir langtímalána
voru 423,5 milljónir króna.
Sterkar stoðir til öflugrar
viðspyrnu
Mikilvægt er að halda áfram
uppbyggingu innviða í sam-
félaginu í þeirri vegferð að gera
samfélagið okkar í Skagafirði
enn sterkara sem og að auka
samkeppnishæfni þess. Í þeim
ólgusjó sem ríkið, sveitarfélög
ásamt fjölmörgum fyrirtækjum,
stofnunum og einstaklingum
ganga nú í gegnum í kjölfar
þeirra efnahagslegu hamfara
sem Covid 19 hefur haft á
heimsbyggðina alla og við íbúar
í Skagafirði höfum ekki farið
varhluta af er sennilega aldrei
mikilvægara en nú að hafa náð
eins góðum tökum á fjármálum
sveitarfélagsins eins og árs-
reikningur sveitarfélagsins fyrir
árið 2019 ber með sér. Ljóst er
að Sveitarfélagið Skagafjörður
mun taka á sig högg vegna
þessa líkt og öll önnur
sveitarfélög landsins en það er
jafn ljóst að við munum standa
það af okkur enda bera
kennitölur rekstrar þess merki
að undirstöður eru sterkar og
þola vel ágjöf sem þessa.
Sveitarfélagið Skagafjörður er,
og á að vera, í fremstu röð
íslenskra sveitarfélaga og
sennilega aldrei mikilvægara en
nú að snúa vörn í sókn og sækja
fram fyrir Skagafjörð, tækifærin
eru okkar, möguleikarnir eru
okkar.
Stefán Vagn Stefánsson
Gísli Sigurðsson
Regína Valdimarsdóttir
Ingibjörg Huld Þórðardóttir
Axel Kárason
AÐSENT
Áframhaldandi stöðugleiki í rekstri Sveitarfélagsins Skagafjarðar
4 23/2020