Feykir - 10.06.2020, Blaðsíða 7

Fáðu Líf í tún og akra
Fjölbreytt úrval áburðar í Líflandi
Hafðu samband við söluráðgjafa okkar í síma
540 1138 eða við verslun okkar á Blönduósi í
síma 540 1155 og fáðu nánari upplýsingar
um áburðarúrvalið.
Einnig er hægt að senda tölvupóst á
aburdur@lifland.is
REYKJAVÍK
LYNGHÁLSI 3
SÍMI: 540 1125
LÍFLAND SÖLUDEILD
BRÚARVOGI 1-3
SÍMI: 540 1100
lifland@lifland.is
AKUREYRI
ÓSEYRI 1
SÍMI: 540 1150
BORGARNESI
BORGARBRAUT 55
SÍMI: 540 1154
BLÖNDUÓSI
EFSTUBRAUT 1
SÍMI: 540 1155
HVOLSVELLI
ORMSVELLI 5
SÍMI: 487 8888
4. flokki við að þróa líkamlega
hlið leiksins. Victor er reyndur
þjálfari sem hefur lokið prófi í
knattspyrnuþjálfun við Uni-
versity Campus of Football
Business í London. Hann mun
vinna með 3., 4. og 5. flokki á
margþættan hátt, þar á meðal
með myndbandsgreiningu og
persónulegum tæknifundum.
„Þeir munu síðan þurfa að láta
verkin tala á vellinum!“ segir
Jamie en hann vill bæta við
einum sterkum leikmanni til
viðbótar til að styrkja hópinn.
Í hverju felst starf þitt hjá
Tindastóli? „Ég er yfirþjálfari
meistaraflokka karla en auk
þess er ég einnig yfirþjálfari
unglingaliðanna. Ég þjálfa 3., 4.
og 5. flokk stráka og aðstoða
aðra þjálfara félagsins við störf
sín. Ég sé fram á mjög annasamt
sumar!“
Að mati Jamie er starf hans
þríþætt. „Í fyrsta lagi að hjálpa
þjálfurum félagsins okkar til að
þróa og framkvæma æfingaplan
sem hjálpar sem flestum ung-
mennum að elska fótbolta. Við
erum að reyna að gera þetta
með æfingum sem eru
skemmtilegar og með því að
skapa umhverfi sem hvetur þau
til að læra.
Í öðru lagi að þróa
æfingaplan sem býr til leikmenn
sem eru tilbúnir til að keppa í
meistaraflokki við 18 ára aldur.
Þetta er mjög mikilvægt. Við
erum með fullt af leikmönnum
sem eru með góða tækni en það
er ekki það sama og að vera
góður leikmaður. Til að vera
góður leikmaður verður þú að
skilja leikinn. Fallegar
spilæfingar, dans milli keilna og
notkun sérstaks æfingabúnaðar
lítur vel út fyrir fólk úr fjarlægð
en kennir það ungu
leikmönnunum hvernig þeir
eiga að spila leikinn?
Hæfileikinn til að senda
boltann eða reka hann snýst um
tímasetninguna, þetta snýst um
að geta framkvæmt undir
pressu, þetta snýst um
ákvarðanir sem leikmennirnir
taka. Þeir sem geta framkvæmt
það sem þeir kunna þegar allt í
kringum þá er á hreyfingu og
hitt liðið er að reyna að stöðva
þá – það eru góðir leikmenn.
Í þriðja lagi að byggja upp og
þjálfa lið í meistaraflokki karla
sem vekur ástríðu hjá
bæjarbúum og getur keppt í
Inkasso-deildinni – þar sem ég
tel að lið frá Sauðárkróki eigi
heima. Það er langt bil í næstu
kynslóð leikmanna hjá okkur
en það eru strákar sem eru 15-
16 ára núna. Við verðum að
vera snjöll þegar kemur að
félagaskiptum og þróa mögu-
leika fyrir leikmenn til að koma
hingað og mynda sterkan hóp
með okkar hæfileikaríku
leikmönnum. Ég tel að þetta sé
mögulegt og ég vona að við
getum áunnið okkur stuðning
bæjarbúa í leiðinni!“
Ragmagnsofn, frosinn
matur og kertaleysi í
vetrarstormi
Hvernig hefur þessi tími verið
síðan þú gekkst til liðs við
Tindastól síðasta sumar?
„Tími minn á Íslandi hefur
verið frábær hingað til. Þetta er
eitt fallegasta land sem ég hef
ferðast um og ég fæ aldrei nóg
af því að upplifa eitthvað
spennandi á mismunandi
stöðum á Íslandi. Ég skemmti
mér meira að segja vel í vetur.
Ég mun þó sjá til þess að eiga
nægan mat og kerti fyrir
óveðrin næsta vetur. Ég komst
að því síðasta vetur að
rafmagnsofn, frosinn matur og
kertaleysi er ekki besti
undirbúningurinn fyrir
vetrarstorm í norðri!“
Hvað varst þú að fást við áður
en þú komst á Krókinn? „Áður
en ég kom til Íslands starfaði ég
í London hjá Enska knatt-
spyrnusambandinu við að
kenna knattspyrnuþjálfurum
og sá um kennslu á ensku
útgáfunni af KSÍ 1 og 2
námskeiðunum og einnig
UEFA námskeiðunum. Ég vinn
enn við UEFA námskeiðin og
þess vegna hverf ég stundum í
viku eða tvær til að kenna í
London.“
Hvað finnst þér um
íþróttaaðstöðuna hér á
Sauðárkróki? „Mér finnst
aðstæður til íþróttaiðkunar
hérna alveg ótrúlegar. Það er
gaman að sjá tækifærin sem
krakkarnir hér hafa til að æfa
allt árið um kring, bæði
körfubolta og fótbolta. Mér
finnst magnað að rölta upp á
völl, stundum klukkan 22:00 á
sumrin, og þar eru börn að spila
fótbolta. Að stunda sitt hvort
sportið og fá tækifæri til að æfa
stanslaust, ég held að þetta sé
eitt það besta sem fullorðnir
geta gert fyrir börnin.
Hvað varðar íþróttir
fullorðinna þá elska ég þá
hugmynd að strákarnir spili
allir fyrir sitt lið og sinn bæ. Það
er skuldbinding hér sem er
sjaldgæf á öðrum stöðum í
heiminum þar sem ég þekki til.
Við erum með 14–15 leikmenn
sem vilja aðeins spila fyrir
Tindastól og það er magnað að
vinna við slíkar aðstæður!
Aðstaðan er líka mögnuð og
miklu betri en hjá svipuðum
félögum í Englandi og á öðrum
stöðum sem ég hef heimsótt í
Evrópu. En ef einhver getur
byggt fyrir okkur hús í kringum
gervigrasvöllinn, þá verð ég
ofsakátur!“
Hvaða væntingar hefurðu til
sumarsins og hver eru helstu
markmið Tindastóls-liðsins?
„Fyrir utan að fá þrjá mánuði af
sólskini?“ segir Jay eldhress og
heldur svo áfram: „Það eru þrjú
takmörk fyrir okkur sem félag:
1. VINNA 3. deildina. 2.
Komast áfram í 3. umferð
Mjólkurbikarsins. Ef við náum
því þá væri gaman að fá eitt af
stóru liðunum hingað heim á
Krókinn. 3. Að halda áfram að
koma á fót faglegu
fótboltaumhverfi sem mun gera
okkar félag samkeppnishæft við
liðin sem við viljum keppa við í
Inkasso-deildinni. Allt frá
faglegri greiningu í að setja á
laggirnar fjölmiðlateymi.
Það eru nokkur mjög góð lið
í 3. deildinni. KV og Augnablik
gætu orðið okkur hættuleg
vegna leikmanna sem þeir geta
kallað til frá KR og Breiðabliki.
Það eru fleiri lið sem hafa náð
að bæta við nokkrum góðum
erlendum leikmönnum og það
eru líka nokkrir mjög góðir
þjálfarar í þessari deild. Ég tel að
við og fjögur önnur lið muni
berjast núna um toppsætin og
ef okkur tekst að ná síðustu
tveimur félagaskiptunum í gegn
myndi ég líta á okkar lið sem
það líklegasta til að vinna þessa
deild.“
Hvernig fannst þér leikurinn
gegn nágrönnum okkar í
Kormáki/Hvöt? „Mér fannst
leikurinn áhugaverður. Það var
frábært að sjá hversu margir
stuðningsmenn mættu og
vonandi verður framhald á því.
Við verðum að muna að
strákarnir hafa ekki spilað
alvöru leik í átta mánuði og
ensku strákarnir hafa ekki einu
sinni æft síðustu fjóra mánuði.
Lið gestanna spilaði vel, þeir
voru með gott leikskipulag sem
gerði okkur erfitt fyrir. Að skora
fyrsta markið í leiknum hjálpaði
þeim líka. Okkar frammistaða
var ekki frábær en við áttum
von á því. Við höfðum rætt það
dagana fyrir leikinn að það yrði
ekki auðvelt að fara að spila á
ný. En við náðum í þau úrslit
sem við þurftum og við höldum
áfram að bæta okkar leik,“ segir
Jamie að lokum en næsti leikur
Tindastóls er nú á laugardag
þegar lið Samherja kemur á
Krókinn í 2. umferð
Mjólkurbikarsins.
23/2020 7