Feykir - 08.07.2020, Qupperneq 3

Meistaramót Íslands 11–14 ára
Meistaramót Íslands fyrir 11-14 ára fór fram á
Sauðárkróksvelli um helgina. Um 230 krakkar
voru skráðir til leiks frá 17 félögum víðsvegar
um landið.
USVH sendi fimm þáttakendur til keppni,
fjóra í flokki stúlkna 12 ára og einn í flokki pilta
11 ára og stóðu þau sig öll með prýði. Bestan
árangur þeirra átti Victoría Elma Vignisdóttir
sem varð Íslandsmeistari í spjótkasti, Saga Ísey
Þorsteinsdóttir sem hafnaði í 5. sæti í hástökki
og Bragi Hólmar Guðmundsson sem varð
annar í langstökki og 600 m hlaupi og þriðji í 60
m hlaupi. Þá hafnaði hann í 4. sæti í spjótkasti.
Stúlkurnar fjórar tóku svo þátt í boð-
hlaupskeppninni og enduðu þar í 5.sæti.
Frá USAH komu fjórir keppendur, einn í
flokki 11 ára og tveir í flokki 14 ára stúlkna og
einn piltur í flokki 11 ára. Harpa Katrín
Sigurðardóttir vann silfur í spjótkasti og varð
þriðja inn í úrslit af 33 stúlkum í 60 m hlaupi en
hafnaði í 5. sæti eftir úrslitahlaupið. Aðalheiður
Ingvarsdóttir varði Íslandsmeistaratitil sinn í
spjótkasti þegar hún kastaði spjótinu 30.66 m.
Unnur Borg Ólafsdóttir vann þrenn brons-
verðlaun á mótinu, í 80 m grind, í langstökki og
í spjótkasti.
UMSS átti 13 þátttakendur sem kepptu í sex
flokkum. Bestum árangri þeirra náði Súsanna
Guðlaug Halldórsdóttir sem varð í þriðja sæti í
kúluvarpi í flokki 11 ára stúlkna og Hallgerður
H.V. Þrastardóttir sem varð í fjórða sæti í
kúluvarpi í flokki 12 ára stúlkna. /FE
Frjálsar íþróttir
Hofsós
Vatnspóstur
vígður á Hofsósi
Glæsilegur vatnspóstur var
vígður á Hofsósi síðastliðinn
föstudag. Vatnspósturinn er
reistur til minningar um
Friðbjörn Þórhallsson frá
Hofsósi og er gefinn af ekkju
hans, Svanhildi Guðjóns-
dóttur, og fjölskyldu.
Pósturinn er úr stuðla-
bergi og stendur við sund-
laugina, ofan við Staðar-
bjargavík, en fagurt
stuðlaberg er einmitt ein-
kenni víkurinnar. „Hér lágu
sporin hans," stendur á plötu
á steininum en Friðbjörn átti
hesthús sín á bökkunum þar
sem sundlaugin stendur nú
og lágu því leiðir hans
ósjaldan um þessar slóðir. /FE
Íbúafjölgun
Sameining sveitarfélaga í Austur-Húnavatnssýslu
Íbúum Norðurlands vestra
fjölgar hlutfallslega mest
Fundað með ráðherrum og þingmönnum
Þjóðskrá Íslands hefur sent frá sér tölur um
íbúafjölda svo sem venja er um hver mánaða-
mót. Íbúum hefur fjölgað hlutfallslega mest á
Norðurlandi vestra frá 1. desember 2019 til 1. júlí
2020 eða um 1,3% en það er fjölgun um 98 íbúa.
Íbúum á höfuðborgarsvæðinu fjölgaði um 0,8 %
eða um 1.926 íbúa. Lítilsháttar fækkun varð í
tveimur landshlutum, á Vestfjörðum og á
Norðurlandi eystra. Fækkunin á Vestfjörðum
nam 0,5% en á Norðurlandi eystra um 0,1%.
Sé litið til einstakra sveitarfélaga á Norðurlandi
vestra má sjá að mest er fjölgunin í Sveitarfélaginu
Skagafirði þar sem fjölgað hefur um 66 manns og
er það fjölgun um 1,6%. Þar eru íbúar nú 4.103.
Mest hefur fjölgað hlutfallslega í Akrahreppi, um
2,4% eða fimm einstaklinga en þar búa nú 210
manns.
Í Húnaþingi vestra er íbúafjöldinn 1.217,
hefur fjölgað um sjö manns eða 0,6% og í
Blönduósbæ búa 957 sem er fjölgun um 15 íbúa
eða 1,6%.
Í Sveitarfélaginu Skagaströnd fækkaði um
einn og sömu sögu er að segja um nágranna
þeirra í Skagabyggð. Á Skagaströnd búa nú 472
íbúar og 89 í Skagabyggð. Í Húnavatnshreppi búa
377 manns. Þar hefur fjölgað um sjö eða 1,9%
Upplýsingar um íbúafjölda má nálgast á vef
Þjóðskrár. Eru þær uppfærðar mánaðarlega og
byggjast á skráðri búsetu einstaklinga í þjóðskrá
þann 1. hvers mánaðar. /FE
Oddvitar og sveitarstjórar
sveitarfélaganna í Austur-
Húnavatnssýslu áttu, um
miðjan síðasta mánuð, fundi
með Þórdísi Kolbrúnu
Reykfjörð Gylfadóttur, ferða-,
iðnaðar- og nýsköpunar-
ráðherra, Sigurði Inga
Jóhannssyni, samgöngu- og
sveitarstjórnarráðherra og
Kristjáni Þór Júlíussyni, sjávar-
útvegs- og landbúnaðar-
ráðherra.
Einnig var fundað með
fjórum þingmönnum Norð-
vesturkjördæmis þeim Haraldi
Benediktssyni, Bergþóri Óla-
syni, Höllu Signýju Kristjáns-
dóttur og Sigurði Páli Jónssyni.
Tilgangur fundanna var að
ræða aðkomu Alþingis og
ríkisstjórnar að sameiningu
sveitarfélaga í Húnavatnssýslu
og helstu hagsmunum svæðis-
ins í atvinnu-, byggða- og sam-
göngumálum.
Sjá nánar á Feykir.is. /FE
Svanhildur ásamt fjölskyldu og vinum við vígsluna. MYNDIR: skagafjordur.is
Húsnæðis- og mannvirkjastofnun
13 hagkvæmar leigu-
íbúðir í Skagafirði
Húsnæðis- og mannvirkja-
stofnun (HMS) hefur
úthlutað ríflega 3,6 milljörðum
króna í stofnframlög til
byggingar og kaupa á 600
hagkvæmum leiguíbúðum
víðsvegar um landið,
svokallaðra almennra íbúða.
Leiguíbúðirnar verða í 15
sveitarfélögum en þar af verða
13 á Norðurlandi vestra.
Fjármunirnir eru hugsaðir til að
styðja við framboð ódýrra
leiguíbúða fyrir almenning og
verða nýttir til byggingar á 438
íbúðum og kaupa á 162
íbúðum.
Á vef Húsnæðis- og mann-
virkjanastofnunar segir að
stofnframlögin renni til bygg-
ingaraðila í almenna íbúða-
kerfinu og er ætlunin að slá á
þann mikla húsnæðisvanda
sem lág- og millitekjuhópar
hafa mátt stríða við undanfarin
ár. Þannig þurfi fólk sem leigir
íbúð í kerfinu ekki að verja jafn
stórum hluta af ráðstöfunar-
tekjum heimilisins til húsnæðis
og það myndi í mörgum
tilfellum gera á frjálsa leigu-
markaðnum og búi við meira
öryggi því ekki er hægt að segja
upp leigunni nema að ýmsum
skilyrðum uppfylltum. Alls
bárust HMS 35 umsóknir um
samtals 5,6 milljarða króna og
af þeim voru 31 umsóknir
samþykktar, ýmist að fullu eða
að hluta til. Sveitarfélög nutu
forgangs við úthlutunina og
hlutu alls um 1,2 milljarða
króna.
Alls fengu 15 sveitarfélög,
víðsvegar um landið, úthlutað
stofnframlögum. Þau eru
Akraneskaupstaður, Akur-
eyrarbær, Garðabær, Grinda-
víkurbær, Hafnarfjarðarkaup-
staður, Hveragerðisbær,
Kópavogsbær, Norðurþing,
Reykjavíkurborg, Seltjarnar-
nesbær, Seyðisfjarðarkaup-
staður, Snæfellsbær, Stranda-
byggð, Sveitarfélagið
Skagafjörður og Vesturbyggð.
Stofnframlag íbúðarbygg-
inga í Sveitarfélaginu Skagafirði
nemur rúmum 66 milljónum
króna og byggðaframlag tæp-
um 23 milljónum. Heildar-
framlag nemur því rúmum 89
milljónir króna. /FE
Frá fundinum með Þórdísi Kolbrúnu. MYND: sameining.huni.is
27/2020 3
Verðlaunahafar frá USAH. MYND AF FACEBOOK