Bjarmi - 01.12.2021, Blaðsíða 4

| bjarmi | desember 20214
SORG OG MISSIR Á AÐVENTU OG
UM JÓL
Mér brá dálítið í haust þegar var farið
að tala um „dag dauðra“ í kringum allra
sálna messu, en þá var ég að undirbúa
minningarstund í Munkaþverárkirkju í
Eyjafjarðarsveit. Það var í morgunútvarpinu
og barnatímanum sem svona var talað.
Minnt var á sið, m.a. í Mexíkó, en þar
um slóðir eru haldnar veislur við leiði
látinna ástvina. Mér fannst þetta dálítið
ónærgætið og krassandi að orða þetta
svona „dagur dauðra“. Kannski minn
tepruskapur.
Mér fannst það ónærgætið þar sem
maður sjálfur gengur stundum inn í þessar
viðkvæmu aðstæður þar sem fólk hefur
misst ástvin og ég hef misst sjálfur. Sumir
setja á sig sorgarmerki til að gera fólki
viðvart að umgangast sig með nærgætni.
Orð verða svo máttlaus í sorgarhúsi, þá er
það nærveran sem gildir.
Á aðventu og um jól verður sorgin
sérstaklega sár þegar haldin er
fjölskylduhátíð og ástvinur er horfinn
manni. Á aðventunni eru stundum
minningarstundir þar sem kveikt er á
kerti til að minnast þeirra sem hafa kvatt
þennan heim. Sumir fara í sorgarhópa til
að fá stuðning. Það er hollt og gott að
njóta samveru í sorginni, biðja, minnast
og þakka.
SORGIN KNÝR Á
Biblían flytur okkur huggunarorð. Í sorginni
getur farið á hvorn veginn sem er að þau
heyrast ekki fyrir tilfinningaólgunni eða að
þau festast í vitundinni fyrir lífstíð nema
hvort tveggja sé. Ég ætla að leyfa mér að
deila reynslu minni um aðventu og jól fyrir
mörgum árum þegar ég gekk þessi þungu
spor sorgarinnar. Vona að það megi verða
einhverjum hjálp sem fetar þann veg.
Faðir minn lenti í bílslysi í lok nóvember
á Hellisheiðinni. Hann var illa farinn eftir
slysið og fór í miklar aðgerðir. Við vorum
milli vonar og ótta í hálfan mánuð en hann
komst aldrei til meðvitundar eftir að hann
kom á sjúkrahúsið. Það var gott að vera
hjá honum. Fjölskyldan skiptist á að vera
á gjörgæslunni. Það var öllu verra að vera
annars staðar út af óvissu og óróleika. Einn
daginn vissum við að hverju stefndi og hann
Sorg og missir
GUÐMUNDUR GUÐMUNDSSON