Bjarmi - 01.12.2021, Blaðsíða 16

16 | bjarmi | desember 2021
Lausanne-hreyfingin í Evrópu hélt ráð-
stefnuna: „Kröftugt fagnaðarerindi í
nýrri Evrópu“, á netinu dagana 17.-20.
nóvember sl. Upphaflega átti hún að vera
í fyrra í Póllandi, var svo frestað um ár
vegna faraldursins og fyrr á þessu ári var
ákveðið að halda hana á netinu. Rúmlega
eitt þúsund manns voru skráðir til leiks
og þar af fimm Íslendingar sem fylgdust
með ráðstefnunni að einhverju eða miklu
leyti. Við sem tókum þátt hér á landi erum
sammála því að þar var mikla hvatningu að
fá og afar fróðlegt var að fá innsýn í margt er
snýr að stöðu kristni í Evrópu. Ekki síst var
hvatningin til að ná til barna og ungmenna
með boðin um Jesú.
Þátttakendur gengu inn í samfélag
ótal tungumála, menningarheima og
ólíkra þjóðarbrota í Evrópu. Þar með urðu
menn sér betur meðvitandi um sína eigin
menningarlegu blindu, takmörk eigin
þjóðar, tungumálamismun og jafnvel
kynþáttafordóma sem enn leynast með
ýmsum hætti. Við þurftum að horfast í
augu við þarfir og áskoranir Evrópu sem
þarf á fagnaðarerindinu að halda.
FJÖLBREYTT DAGSKRÁ
Um var að ræða fjóra daga sem
einkenndust af samræðum á netinu,
myndrænum skýrslum, samskiptum og
gagnvirkum valstundum og biblíulestrum.
Það er sannfæring ráðstefnuhaldara að
þessi viðburður muni hafa áhrif á landslag
evangelískra eða mótmælendakirkna
í Evrópu á komandi öldum. Samtals
voru um 60 valstundir í boði þar sem
tekið var á margvíslegum áskorunum,
menningarstraumum, pólitískri þróun,
hugmyndafræði og fleiru sem mótar Evrópu
samtímans. Eins og Phipioe Monneyr
frá Frakklandi sagði: „Við rannsökuðum
hina nýju Evrópu með öllu sem þar blasir
við: Sjálfsmyndarvanda, menningarlega
fjölbreytni og afhelgun og skoðuðum síðan
með hjálp Filippíbréfsins hvað það merkir
að vera verðugir þegnar fagnaðarerindisins í
heimi sem er því andsnúinn. Við glöddumst
yfir framgangi fagnaðarerindisins áður fyrr
og heyrðum fjölda vitnisburða um hvernig
Guð er að verki í Evrópu samtímans, ekki
Kraftur
fagnaðarerindisins
enn hinn sami
RAGNAR GUNNARSSON
Lausanne-hreyfingin varð til eftir fjölmenna ráðstefnum í Lausanne í Sviss árið
1974. Lykilmenn í undirbúningi hennar voru Billy Graham og John Stott. Margar
kirkjur og samtök vísa til Lausanne-sáttmálans um grundvöll starfs síns.
Lausanne-hreyfingin hefur síðan verið samband og tengslanet auk guðfræðilegs
samræðuvettvangs, einkum á sviði kristniboðs og annars boðunarstarfs. Mikið af
efni ráðstefnunnar er að finna á lausanneeurope.org. Margvíslegt annað fræðsluefni
er einnig að finna á lausanne.org, t.d. umfjöllun sem hefur verið í gangi á liðnum
árum og áratugum og lykilskjöl í sögu hreyfingarinnar (Lausanne-sáttmálinn 1974,
Manilla-yfirlýsingin 1989 og Höfðaborgar staðfestingin 2010).
Oft hefur verið sagt að ávextir Lausanne-hreyfingarinnar vaxi best á trjám
annarra. Áfram er ætlunin að styðja við bakið á kirkjum og samtökum um alla
Evrópu, að fagnaðarerindið og boðun þess beri ríkulegri ávöxt.