Morgunblaðið - 18.10.2021, Page 4

4 FRÉTTIR
Innlent
MORGUNBLAÐIÐ MÁNUDAGUR 18. OKTÓBER 2021
Bi
rt
m
eð
fy
rir
va
ra
um
pr
en
tv
ill
ur
.H
ei
m
sf
er
ði
rá
sk
ilj
a
sé
rr
ét
tt
il
le
ið
ré
tti
ng
a
á
sl
ík
u.
At
h.
að
ve
rð
ge
tu
rb
re
ys
tá
n
fy
rir
va
ra
595 1000
ys
tá
n
fy
rir
va
ra
. Val di Fassa
að
ve
rð
ge
tu
rb
re
ys
tá
n
fy
rir
va
ra
.
á Ítalíu í janúar eða febrúar
Verð frá kr.
137.450
ÚRVALSKÍÐAFERÐA
Fagna tillögu um íbúðabyggingu
- Sjálfstæðismenn vilja tafarlausa uppbyggingu 3.000 nýrra íbúða í Reykjavík
- Forystumenn í bæði verkalýðshreyfingu og atvinnulífi styðja tillögurnar
Andrés Magnússon
andres@mbl.is
Aðilar á vinnumarkaði virðast ein-
huga í stuðningi sínum við tillögur um
uppbyggingu á íbúðamarkaði í höfuð-
borginni. Ef eitthvað er óttast þeir að
nýframkomin tillaga sjálfstæðis-
manna um tafarlausa uppbyggingu
3.000 íbúða gangi ekki nógu langt.
„Ég hef sagt að það þurfi uppbygg-
ingu á við nýtt Breiðholt og þessar til-
lögur minnihlutans í borgarstjórn
fara saman við það. Það þarf stórauk-
ið lóðaframboð til þess að byggja af
þeirri stærðargráðu, sem þéttingar-
stefna meirihlutans nær ekki að
anna,“ segir Ragnar Þór Ingólfsson,
formaður VR og formaður húsnæðis-
nefndar ASÍ. Hann kveðst fagna
þeirri tillögu.
„Ástandið er hrikalegt og það verð-
ur slæmt áfram, en ég fagna því að
einhverjir séu að sýna lit, að koma
með hugmyndir. Ég get bara ekki séð
hvernig í ósköpunum meirihlutinn í
borginni ætti að geta staðið í vegi fyr-
ir því að það sé farið í að flýta skipu-
lagi og uppbyggingu á t.d. Keldum
eða því svæði í Úlfarsárdal, sem er
nánast tilbúið til uppbyggingar,“ seg-
ir Ragnar Þór.
Vantar fleiri íbúðir
Sigurður Hannesson, fram-
kvæmdastjóri Samtaka iðnaðarins
tekur í sama streng.
„Það vantar fleiri íbúðir á mark-
aðinn, það er grunnvandinn.“ Hann
minnir á að Húsnæðis- og mannvirkj-
astofnun telji að á landsvísu vanti
30.000 íbúðir á þessum áratug, en
vegna þess að fjölgunin verður meiri
á fyrri hluta hans, þurfi um 3.500
íbúðir á ári á næstunni, langflestar á
höfuðborgarsvæðinu.
„Þannig að þetta er fullhófleg til-
laga hjá sjálfstæðismönnum. Hins
vegar er markmið meirihlutans í
borginni að það verði þúsund nýjar
íbúðir til á ári, sem er allt of lítið.“
Sigurður furðar sig á því að borg-
arfulltrúar meirihlutans séu ekki bet-
ur upplýstir um stöðuna. „Stærsta
sveitarfélag landsins, sem er Reykja-
víkurborg, getur ekki orðið hluti af
lausninni ef meirihlutinn áttar sig
ekki á því hvert vandamálið er. Þess
vegna fögnum við þessari tillögu, sem
fram er komin í borgarstjórn, um að
bæta myndarlega í uppbygginguna,
þó kannski þurfi hún að vera meiri en
þar er gert ráð fyrir. En hún er skref í
rétta átt.“
Hann beinir spjótunum að meiri-
hlutanum: „Stóra myndin er þessi:
Það þarf fleiri íbúðir en núverandi
meirihluti er ekki með ráðgerðir um
að þær verði til í Reykjavík.“
Upprennandi kosningamál
Bæði Ragnar Þór og Sigurður eru
ekki í vafa um pólitíska þýðingu máls-
ins.
„Það verður erfitt fyrir meirihlut-
ann að sækja sér umboð í næstu kosn-
ingum ef þessi tillaga nú verður
felld,“ segir Ragnar Þór. Hann kenn-
ir óbilgirni vegna þéttingarstefnunn-
ar, en ekkert annað sé í boði hjá borg-
inni. „Þessi tillaga minnihlutans er í
raun neyðarkall. Þetta er allt hægt,“
segir hann og finnst dapurlegt að
horfa upp á að kreddufesta og oflæti
komi í veg fyrir lausn málsins og
stefni kjarasamningum í óefni, því
ella þurfi að gera himinháar kröfur til
þess að standa undir síauknum kostn-
aði vegna grunnþarfa eins og hús-
næðis.
„Ég skil þetta ekki. Ég bara skil
ekki af hverju við erum í þessari
stöðu í Reykjavíkurborg, að það sé
ekki hægt að víkja frá þéttingarstefn-
unni til þess að mæta neyðarástandi á
húsnæðismarkaði. Þegar pólitíkin
þvælist svona fyrir, þá er ég viss um
að kjósendur muni segja skoðun sína
á því,“ segir Ragnar Þór.
„Það kæmi mér mjög á óvart ef
þetta yrði ekki fyrirferðarmikið fyrir
komandi sveitarstjórnarkosningar,“
segir Sigurður. „Það finna þetta allir
á einn eða annan hátt. Sumir beint,
sem eru að leita sér að húsnæði, en
einnig allir aðrir landsmenn óbeint,
því allir finna fyrir verðbólgunni.“
Uppbygging 3.000 íbúða í Reykjavík
Tillaga borgarfulltrúa Sjálfstæðis-
flokksins um flýtimeðferð
Grunnkort/Loftmyndir ehf.
BSÍ-reitur
500 íbúðir
=100 íbúðir
Úlfarsárdalur
500 íbúðir
Keldur og Keldnaholt
2.000 íbúðir
Ragnar Þór
Ingólfsson
Sigurður
Hannesson
Sjálfstæðismenn í borgarstjórn
leggja til að byggðar verði allt
að 3.000 íbúðir á þremur bygg-
ingarsvæðum, sem fengju sér-
staka flýtimeðferð til að mæta
brýnni þörf á íbúðarhúsnæði í
Reykjavík. Þær kæmu til við-
bótar núverandi húsnæð-
isáætlun Reykjavíkurborgar.
Byggingarsvæðin, sem um
ræðir eru í Keldnalandi og
Keldnaholti, á BSÍ-reitnum og í
Úlfarsárdal. Lagt er til að skipu-
lagið fengi sérstaka flýti-
meðferð, en í framhaldinu þyrfti
að skipuleggja a.m.k. 3.000
íbúðir til viðbótar, sem kæmu í
næsta áfanga.
Uppbygging í biðstöðu
Minnt er á að uppbygging í Úlf-
arsárdal hafi verið helminguð
frá samþykktu skipulagi og
auðvelt snúa því við og úthluta
500 íbúðum. Þá er bent á að
BSÍ reitur hafi verið settur á ís í
óvirkum stýrihópi, þar sem út-
hluta megi öðrum 500 íbúðum.
Loks séu 117 hektara flæmi á
Keldum og Keldnaholti, þar sem
2.000 íbúðir væru hóflegt
fyrsta skref. Það megi gera án
þess að framtíð rannsókn-
arstöðvarinnar á Keldum liggi
fyrir eða hróflað sé við strand-
lengjunni og útivistarsvæði
henni tengdu.
Tillaga um
3.000 íbúðir
BORGARSTJÓRN
Karítas Ríkharðsdóttir
karitas@mbl.is
Risakílóafatamarkaður Rauða krossins fór fram um
helgina. Rauði krossinn hefur haldið slíka markaði
nokkrum sinnum á höfuðborgarsvæðinu og víðs vegar
um land. Markmið með slíkum kílómörkuðum er að efla
alla endurnýtingu á góðum fötum innanlands.
Sannarlega var hægt að gera góð kaup á mark-
aðnum á laugardaginn og mætti fjöldi fólks. Rauði
krossinn reiknar með að um eitt tonn af fötum hafi
selst, sem er met á slíkum fatamörkuðum Rauða kross-
ins. Að sögn Bjargar Kjartansdóttur, upplýsingafull-
trúa Rauða krossins, fundu starfsmenn og sjálf-
boðaliðar fyrir mikilli tilhlökkun fólks í aðdraganda
markaðarins og mættu fjölmargir af tryggustu við-
skiptavinum Rauðakrossbúðanna á markaðinn.
„Fjölmennasti hópurinn sem mætti á markaðinn í
gær voru í aldurshópnum 18-25 ára sem er einmitt sá
aldurshópur sem verslar hvað mest í fatabúðum Rauða
krossins. Flestir viðskiptavinir versluðu milli 2-3 kg af
fötum á markaðnum. Kílóverð af fötum var 2.000 krón-
ur en lækkaði niður í 1.500 krónur ef keypt voru meira
en 3 kíló.“
Morgunblaðið/Óttar Geirsson
Eitt tonn af notuðum fötum seld
á stærsta kílóamarkaði frá byrjun
Oddur Þórðarson
oddurth@mbl.is
Þrír prestar hafa sent inn umsögn
um tillögu, sem leggja á fram á kom-
andi kirkjuþingi, þar sem þeir mót-
mæla fyrirhugaðri niðurfellingu
greiðslna vegna prestþjónustu eftir
gjaldskrá. Mikill munur er á vin-
sældum presta þegar slíkar athafnir
eru bókaðar og eru dæmi um að ein-
hverjir prestar fái talsvert fleiri
beiðnir um að sinna prestsverkumen
aðrir. Í umsögn Þorgeirs Arasonar,
sóknarprests í Egilsstaðapresta-
kalli, segir meðal annars að hann sé
samþykkur því að fella eigi niður
gjaldskrá Þjóðkirkjunnar til fram-
tíðar, en hann er þó ósáttur að engin
kjarabót fyrir presta sé fyrirhuguð.
Arnaldur A. Bárðarson, kjaramála-
fulltrúi Prestafélags Íslands, tekur í
sama streng í sinni umsögn. Þar
veltir hann því fyrir sér hvort yfir
höfuð sé fyrir hendi lagastoð að
Kirkjuþing ákvarði nokkuð um
aukaverkagreiðslur presta. „Að
greiða presti hóflega þóknun fyrir
þjónustu er því mörgum kærkomin
viðurkenning,“ segir Arnaldur.
Vilja enn fá greitt
fyrir aukaverk sín