Morgunblaðið - 18.10.2021, Page 8

8 FRÉTTIR
Innlent
MORGUNBLAÐIÐ MÁNUDAGUR 18. OKTÓBER 2021
Rauðarárstígur 12-14, sími 551 0400 · www.uppbod.is
Vefuppboð nr. 565
Gunnlaugur Scheving
Fjöldi glæsilegra verka á uppboð.is til 18. október
Svavar Guðnason
Forsýning á verkunum hjá
Fold uppboðshúsi og á vefnum uppbod.is
PERLUR
í íslenskri myndlist
Helgi Tómasson, prófessor í hag-
rannsóknum og tölfræði við
Háskóla Íslands, skrifaði athyglis-
verða grein um tölfræði og skýrslur
IPCC í Morgunblaðið í liðinni viku.
IPCC er samstarfsvettvangur SÞ um
loftslagsmál og skýrslum hópsins er
gjarnan tekið sem
stóra sannleik um þau
mál, einkum sam-
antektinni sem kynnt
er almenningi.
Skýrslurnar sjálfar
eru svo miklar að um-
fangi að fáir lesa þær.
Jafnvel vísindamenn-
irnir fjölmörgu sem
að skýrslunum koma
lesa eflaust ekki nema
lítinn hluta þeirra,
þann litla hluta sem
hver og einn kemur
að.
- - -
Helgi segir vísindamenn eiga það
til að „freistast til að vera með
glannalegar ályktanir út frá mæl-
ingum“ og útskýrir að þær töl-
fræðilegu aðferðir sem notaðar hafa
verið í skýrslum IPCC ganga ekki
fyllilega upp.
- - -
Hann vitnar líka í vísindamenn
sem segja spádóma sem Al
Gore kynnti á sínum tíma hafi verið
fráleita og hafi ekki gengið eftir.
- - -
Helgi vísar til tölfræðinga með
þekkingu á tímaröðum sem
dragi þá ályktun af gögnum að „þró-
un yfirborðshita jarðar sé treg-
breytileg með fast meðaltal“. Breyt-
ingarna séu mjög hægar „og
verðskulda alls ekki gildishlaðnar
upphrópanir eins og hamfarahlýnun
eða loftslagsvá.“
- - -
Getur verið að ákafinn í loftslags-
umræðunni sé orðinn slíkur að
réttar tölfræðiaðferðir komist ekki
að? Ef svo er, þarf þá ekki að breyta
því?
Helgi Tómasson
Vantar upp á vís-
indi loftslagsmála?
STAKSTEINAR
Al Gore
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
Velferðarráð Reykjavíkurborgar
hefur samþykkt tillögu að þróunar-
verkefni þar sem félagslegur stuðn-
ingur er veittur einstaklingum með
heilabilun, þar sem aðstæður eru
með þeim hætti að viðkomandi getur
búið í heimahúsi. Um 30 einstakling-
ar munu geta tekið þátt í verkefninu
sem er til tveggja ára og hefur verið
samþykkt að veita velferðarsviði
aukna fjárheimild sem nemur alls 36
m. kr. á árinu 2022 á grundvelli nýrra
reglna um stuðningsþjónustu.
Sérstakir starfsmenn heimaþjón-
ustu munu þá veita stuðning inni á
heimili einstaklings með heilabilun í
eitt til tvö skipti í viku, í um 2 til 3 í
klukkustundir í senn, til dæmis um
kvöld og helgar í samræmi við þarfir
heimilisins. Um leið og einstaklingi
með heilabilun yrði veittur stuðning-
ur myndi aðstandendum gefast kost-
ur á að fara út af heimilinu og sinna
sínum hugðarefnum með þá vissu að
hinn fyrrnefndi sé í öruggum hönd-
um. Með því móti er verið að mæta
þörf sem ekki áður hefur verið hægt
að mæta með markvissum hætti af
heimaþjónustu, að því er fram kemur
í greinargerð með tillögunni. Starfs-
fólk heimaþjónustu sem myndi inna
þjónustuna af hendi verða félagsliðar
sem fá sérstaka fræðslu og hand-
leiðslu til þess að sinna starfinu.
Styðja betur við heilabilað fólk
- Samþykkt að veita einstaklingum með
heilabilun félagslega heimaþjónustu
Morgunblaðið/Ómar
Stuðningur Þróunarverkefnið var
samþykkt á fundi ráðsins nýverið.
Tæplega þrefalt fleiri erlendir ferða-
menn komu til landsins um Keflavík-
urflugvöll í sumar heldur en í fyrra-
sumar en voru þeir nú um 304
þúsund talsins. Komu langflestir frá
Bandaríkjunum (43%), næstflestir
frá Þýskalandi (9%), þar á eftir er
Pólland (7%) en Bretland og Frakk-
land fylgja fast á eftir með 5% ko-
mufarþega frá hvoru landinu.
Flestir komu til landsins til þess
að fara í frí (90%), 4% komu vegna
heimsókna til vina eða ættingja en
2% vegna heilsu, náms og o.fl.
Þá var meðaldvalarlengd ferða-
langa 9,1 gistinótt og áttu Þjóð-
verjar til að dvelja lengst, eða í 11
gistinætur en Bretar styst eða í 7,8
gistinætur. Þá dvöldu Bandaríkja-
menn hér á landi í 8,1 nótt að með-
altali.
Brottfarir erlendra farþega að
sumri eru nú mun færri en fyrir far-
aldur. Árið 2020 fóru þær í sögulegt
lágmark og námu einungis 115.319
en nú stóðu þær í 304.371. Árið 2019
töldu þær 678.080 en 803.831 árið
2018 og 777.889 árið 2017.
Nærri tveimur af hverjum fimm
gistinóttum í skráðri gistingu sam-
kvæmt gistináttagrunni Hagstof-
unnar var eytt á hótelum, um 17% á
gistiheimilum og tæplega helming í
annars konar gistingu en samtals
voru skráðar gistinætur síðastliðið
sumar tæplega 2,7 milljónir talsins.
Voru þær 58% fleiri en í fyrrasumar
og um fjórðungi færri en sumarið
2019, þegar þær mældust um 3,5
milljón talsins.
Nýting á hótelherbergjum var
hæst á landsvísu í ágústmánuði eða
76% en nýtingin mældist hæst á
Austurlandi, eða 83%.
veronika@mbl.is
Þrefalt fleiri ferða-
menn í ár en í fyrra
- Flestir ferðamenn
frá Bandaríkjunum og
dvelja í um 8 nætur
Morgunblaðið/Eggert
Ferðamenn Flestir þeirra koma frá
Bandaríkjunum eða um 43%.