Morgunblaðið - 18.10.2021, Qupperneq 10

10 FRÉTTIR
Innlent
MORGUNBLAÐIÐ MÁNUDAGUR 18. OKTÓBER 2021
PON er umboðsaðili
PON Pétur O. Nikulásson ehf.
Melabraut 21, 220 Hafnarfjörður
Sími 580 0110 | pon.is
Við bjóðum alla Jungheinrich eigendur velkomna!
GÆÐI OG ÞJÓNUSTA
Hann segir að frá því að heims-
faraldurinn skall á hafa börn í op-
inberum skólum ekki getað mætt í
skóla, aðeins einkaskólar hafi verið
opnir.
Án kennslu í tvö ár
„Einkaskólarnir hafa allir til-
einkað sér tæknina við að halda
starfi sínu áfram. Opinberir skólar
hafa orðið út undan. Börn sem
koma frá fátækari fjölskyldum hafa
því ekki getað sótt menntun þar
sem engin tæki eru í boði fyrir þau.
Styrkþegar okkar hafa ekki haft að-
gang að tækjum og óttast að falla
enn lengra aftur úr. Þess vegna
reynum við að valdefla þau til þess
að læra á tækni.“
Auk þess segir Bala að tækin
komi sér áfram vel, þó svo að
heimsfaraldur líði hjá. Fyrsta
skrefið sé að þjálfa kennara við
kennslu á tækjunum. Ætlunin er
svo að hvert barn fái eigið tæki,
með því sé hægt að koma í veg fyrir
stöðnun eða jafnvel afturför í námi
barnanna þegar kemur að því að
þau geti snúið sér aftur að skóla
sem og aukið þekkingu og sjálfs-
traust barnanna til að halda áfram í
námi.
Bala segir mikla ánægju með
verkefnið, og stuðning Rótarý Ís-
lands þar sem allir Rótarý klúbbar
á landinu lögðu verkefninu lið.
Heildarfjárhæð styrksins nemur
rúmum 38 þúsund bandaríkjadölum
sem samsvarar um 50 milljónum
króna.
„Samstarfsaðili okkar Pudiyador
hefur unnið að brúa þetta bil í gegn-
um leikskóla, grunnskóla fyrir börn
og unglinga auk þess sem félagið
bíður upp á yfirgripsmikla fullorð-
insfræðslu í tveimur hverfum; Bes-
ant Nagar og Ramapuram. Í þeim
hverfum býr fólk af Irula-þjóðflokki
og farandverkafólk. Mikið er um að
fólk í þessum hverfum vinni lág-
launastörf á borð við þjónustufólk á
heimilum og bílstjórar,“ segir Bala.
„Samfélagið sem um ræðir er
dreifbýlt þar sem í gegnum tíðina
hafa verið rottuveiðimenn en í dag
er þar mikið af fólki sem tínir og fer
í gegnum rusl í leit að endurvinn-
anlegum efnivið,“ bætir hann við til
að benda á að fólkið á svæðinu er í
lægstu tekjuhópunum.
Karítas Ríkharðsdóttir
karitas@mbl.is
Rótarý á Íslandi hlaut nýverið
styrk frá Alþjóðlega rótarýsjóðnum
til þess að ráðast í samstarf með fé-
lagasamtökunum Pudiyador Chari-
table Trust í Indlandi.
Verkefninu er ætlað að stuðla að
því að brúa bilið í námsgetu þeirra
barna sem hafa aðgang að einka-
skólum og þar með kennslu við tölv-
ur og þeirra sem sækja opinbera
skóla og hafa ekki haft tækifæri á
kennslu með tölvubúnaði. Fram-
lagið felst í tölvum og spjaldtölvum
fyrir bæði kennara og nemendur
allt frá leikskólaaldri til táningsald-
urs í Chennai í Indlandi.
Ýti undir stéttaskiptingu
Bala Kamallakharan, félagi í Rót-
arý Reykjavík International, segir
að bilið á milli barna sem sækja op-
inbera menntun frá fátækari fjöl-
skyldum og þeirra sem sækja
einkarekna skóla mikið og að það
hafi veruleg áhrif færni og þroska
barna og ýti undir frekari stétta-
skiptingu.
Málefnið sé honum sérstaklega
hugleikið þar sem Bala er sjálfur
frá einu af hverfunum þar sem Pu-
diyador heldur úti starfsemi í
Chennai.
„Við höfum séð tæknina kalla
fram ofurkrafta jafnvel í börnum
sem koma frá mjög fátækum heim-
ilum,“ segir Bala í samtali við
Morgunblaðið.
Glaður Pudiyador Charitable Trust í Indlandi hefur starfað í tuttugu ár og aðstoðað á þriðja þúsund barna.
Vilja brúa bilið í mennt-
un barna á Indlandi
- Rótarý á Íslandi styrkir almenningsmenntun á Indlandi
Morgunblaðið/Eggert
Rótarý Bala Kamallakharan er fé-
lagi í Rótarý Reykjavík Inter-
national. Hann segir tæknina geta
kallað fram kraftaverk fyrir börnin.
Steinar Ingi Kolbeins
steinar@mbl.is
Borgarráð samþykkti á fundi sínum
nú á fimmtudag að veita heimild til
þess að ganga frá uppgjöri um eign-
ina Starhaga 1 sem áður var staðsett
á Laugavegi 36. Árið 2014 gerðu
Reykjavíkurborg og Minjavernd
samning um samvinnu við flutning,
endurgerð og sölu hússins. Nú sjö
árum síðar hefur húsinu verið komið
fyrir á varanlegum stað á Starhaga 1
og það verið endurgert.
Hlutur borgarinnar
27 milljónir
Heildarkostnaður verkefnisins
hljóðar upp á rétt tæplega tvö
hundruð milljónir og er mismunur-
inn milli kostnaðar og söluverðs
hússins rúmar fimmtíu milljónir.
Heildarhlutur og kostnaður Reykja-
víkurborgar í verkefninu eru þá
rúmar 27 milljónir. Líkt og áður seg-
ir var samþykkt í borgarráði að klára
uppgjör við Minjavernd vegna verk-
efnisins.
Borgarráðsfulltrúar Samfylking-
arinnar, Viðreisnar, Pírata og
Vinstri grænna lögðu fram bókun
um málið. Þar segir meðal annars að
„víðtæk samstaða“ hafi verið á sínum
tíma um að endurgera húsið. Slíkar
framkvæmdir feli þó ávallt í sér
óvissu sem „skýri það hvers vegna
samið var um að deila hagnaði eða
tapi eftir því hver niðurstaðan yrði“.
Gríðarhár kostnaður
á hvern fermetra
Borgarráðsfulltrúar Sjálfstæðis-
flokksins sátu hjá við afgreiðslu
málsins en lögðu þó fram bókun. Þar
var bent á að enn á ný væri viðgerð-
arkostnaður borgarinnar „gríðar-
lega hár“. Fram kom einnig í bók-
uninni að kostnaðurinn væri vel á
aðra milljón á hvern fermetra að
meðtöldum lóðarkostnaði, sem væri
mun hærra en kostnaður við ný-
byggingu.
Borgin greiðir 27
milljónir vegna
endurbyggingar
- Mismunur á kostnaði og söluverði
50 milljónir - Dýrara en nýbygging
Morgunblaðið/Árni Sæberg
Nýuppgert Gamalt hús á nýjum
grunni við Starhaga 1 í Reykjavík.
Steinar Ingi Kolbeins
steinar@mbl.is
Menntakvika sem er árleg ráðstefna
Menntavísindasviðs Háskóla Íslands
var haldin nú á föstudag. Þar voru
flutt 280 mismunandi erindi sem snúa
að menntamálum. Meðal þeirra er-
inda sem flutt voru á þinginu var er-
indið „Félagslegt réttlæti og fram-
haldsskólinn á tímum Covid-19“. Þar
var fjallað um frumniðurstöður viða-
mikillar rannsóknar sem ber heitið
„Framhaldsskólinn á tímum Co-
vid-19: Kreppa, áskoranir og aðlög-
un“. Guðrún Ragnarsdóttir, dósent á
menntavísindasviði, er ábyrgðarmað-
ur rannsóknarinnar.
Um er að ræða þriggja ára rann-
sóknarverkefni en styrkur fékkst frá
Rannís fyrir rannsókninni nú í jan-
úar. Guðrún segir í samtali við Morg-
unblaðið að rannsóknin sé í raun
stóra „Covid-19-úttektin“ hvað varð-
ar áhrif faraldursins á framhalds-
skólana.
„Við sendum út spurningalista á
nemendur, foreldra og starfsfólk
framhaldsskóla og höfum svo tekið
viðtöl við hóp kennara, nemenda,
stjórnenda, foreldra og ráðgjafa. Við
erum að byrja að vinna úr þessum
gögnum núna en það eru margar vís-
bendingar í gögnunum sem benda til
þess að félagslegt ójafnræði hafi auk-
ist í framhaldsskólunum vegna far-
aldursins,“ segir Guðrún.
Hún segir margt spila inn í þegar
kemur að þessu félagslega ójafnræði.
Til að mynda menntastaða og tungu-
mál foreldra, mismunandi aðgengi
nemenda að upplýsingum, einsleitari
kennsluhættir, skipulag skólastarfs
og margt fleira. Einnig bendir hún á
að skólinn og kennarar voru kjölfesta
nemenda í faraldrinum.
Einsleitari kennsluhættir
Guðrún segir þá einnig að skil-
greina megi fjarnámið í fyrstu bylgju
faraldursins sem eins konar neyðar-
fjarkennslu og með því er átt við að
námið var ekki fyrir fram skipulagt
sem fjarnám. Kennarar hafi, gott sem
yfir eina helgi, þurft að umbreyta öllu
náminu og færa yfir í fjarnámsformið.
Vegna þessa hafi kennsluhættir
orðið einsleitari, minna hafi verið um
samvinnu og að félagslegi hlutinn hafi
að mestu leyti horfið. Hún bendir þó
einnig á að svo virðist vera að þegar
að líða tók á faraldurinn þá hafi kenn-
arar náð að beita fjölbreyttari
kennsluháttum. Rannsókninni er þó
ekki lokið enda um að ræða frumnið-
urstöður. Fram undan sé mikil
gagnavinna og stefnt sé að því að
koma aftur inn í skólanna til að „sjá
hvað skólarnir hafa lært og hvað
breytist í kjölfar faraldursins“.
Félagslegt ójafnræði aukist
- 280 erindi um menntamál - Viðamikil rannsókn á áhrifum Covid-19 á framhaldsskólana - Stóra Co-
vid-19 úttektin - Menntun og tungumál foreldra skiptir máli við aðstoð heima - Skóli kjölfesta barna