Morgunblaðið - 03.11.2021, Qupperneq 4

4 MORGUNBLAÐIÐ MIÐVIKUDAGUR 3. NÓVEMBER 2021FRÉTTIR
Eitt
klikk
og allt
getur
klikkað!
Með Netöryggistryggingu TM
er þitt fyrirtæki verndað gegn
fjárhagslegu tapi í kjölfar
netárásar, gagnaleka eða
auðkennisþjófnaðar.
Kynntu þér málið á tm.is
Hugsum í framtíð
Þótt ferðaþjónustan eigi enn eftir
að ná vopnum sínum er handagang-
ur flestum stundum í Leifsstöð. Í
september fóru ríflega 326 þúsund
manns um völlinn.
Og það var sannarlega líf í tusk-
unum þegar blaðamann og ljós-
myndara bar að gerði nýverið. Þar
tók á móti okkur Maren Lind Más-
dóttir, forstöðumaður mannvirkja
og innviða hjá Isavia, félagsins sem
á og rekur flugvöllinn.
Á hennar herðum hvílir nú stórt
og flókið verkefni sem felst í að
uppfæra farangurskerfi vallarins.
Er það aðkallandi verk þar sem ný
Evrópureglugerð kallar á end-
urnýjun svokallaðra gegnumlýs-
ingar- og sprengjuleitarvéla sem
ætlað er að tryggja öryggi farþega
og véla sem taka á loft frá flugvell-
inum á Miðnesheiði.
Útskipti í lifandi umhverfi
„Það sem gerir verkefnið mjög
flókið eru nýju tækin og útskipti
þeirra í lifandi umhverfi, en tækin
koma frá Smits Detection sem er
leiðandi fyrirtæki á heimsvísu í
framleiðslu öryggisbúnaðar af
þessu tagi, en tækin eru töluvert
umfangsmeiri en þau sem fyrir
eru.“
Þegar öllum öryggiskröfum hef-
ur verið fylgt fáum við að líta tösku-
flokkunarbúnaðinn sem tekur við
öllum farangri sem innritaður hefur
verið til flugs í Keflavík. Þar er
þröng á þingi, bæði fyrir búnað og
menn.
„Við munum gera þetta með
skipulegum hætti og við þurfum í
fyrsta lagi að taka svæði af innrit-
unarborðunum til þess að geta at-
hafnað okkur. En þá munum við
einnig þurfa að taka hluta af því
rými sem komuverslun Fríhafn-
arinnar hefur haft til umráða,“ seg-
ir Maren Lind. Bendir hún á að
samið hafi verið við fyrirtækið Als-
tef að undangengnu útboðsferli um
framleiðslu og uppsetningu á bún-
aði farangurskerfanna en fyrir-
tækið hefur mikla reynslu af um-
breytingaverkefnum af þessu tagi.
Miðað við teikningar af fyrirhug-
uðum framkvæmdum er ljóst að
300-400 fermetrar verða teknir af
núverandi verslun en töluverð
stækkun á komusvæðinu er í gangi
sem mun stækka verslunina nánast
tvöfalt frá því sem nú er þegar upp-
byggingu er lokið.
„Þetta er nauðsynlegt til þess að
koma þriðju og síðustu vélinni fyrir.
Þessi framkvæmd er hins vegar
hugsuð í samhengi við breytingar á
komusalnum þar sem farþegar geta
nálgast innritaðan farangur að flugi
loknu. Þegar líður á framkvæmda-
tímann mun verslun Fríhafnarinnar
flæða inn á það svæði sem nú er að
hluta undir komuböndin.“
Maren Lind segir ljóst að þessar
framkvæmdir muni hafa talsvert
rask í för með sér og að farþegar
muni finna fyrir því. Hins vegar sé
höfuðáhersla lögð á að upplýsa fólk
um hvað er verið að gera á hverjum
tíma og einnig að undirstrika að
þessar aðgerðir eru gerðar til þess
að efla þjónustuna til lengri tíma
litið.
„Þegar farangurskerfið verður
fullbúið á rekstraröryggið að verða
tryggt á þann hátt að farþegar upp-
lifi ekki tafir á afhendingu farang-
urs í innritun. En við erum ekki að-
eins að breyta þessum hluta
farangurskerfisins heldur einnig
komuhlutanum,“ segir Maren Lind
og vísar þar m.a. til breytinga á
komuböndunum.
Fimm ný komubönd
„Við erum að reisa nýja viðbygg-
ingu sem á m.a. að hýsa svæði fyrir
ný komubönd. Þau eru þrjú í dag en
eftir uppfærslu verða þau fimm á
mun stærra svæði og með öðru
sniði.“ Eru það hringekjur og verða
þær með hallandi böndum, líkt og
meðfylgjandi tölvuteikning gefur
hugmynd um.
„Með þessu verður hægt að koma
fleiri töskum fyrir á minna svæði og
það þýðir að farþegi þarf ekki að
bíða eftir að annar farþegi fjarlægi
tösku til að skapa rými á bandinu.“
Þá bendir Maren Lind á að afhend-
ingu farangurs í yfirstærð verði
breytt og hún gerð aðgengilegri en
verið hefur.
Nýju farangursböndin verða tek-
in í notkun í áföngum. Fyrst þrjú í
nýju viðbyggingunni og verða þau
tekin í notkun í byrjun árs 2023. Í
síðari hlutanum bætast við tvö bönd
á því svæði sem hýsir nú komu-
böndin sem hverfa munu úr flug-
stöðinni og er það áætlað 2025.
Spurð út í kostnaðinn við hinn
nýja búnað, bæði þann sem tengist
öryggismálum við innritun en einn-
ig komuböndin segir Maren Lind að
fjárfestingin í honum nemi um 3,5
milljörðum króna. Hins vegar nem-
ur heildarfjárfesting framkvæmda-
verkefnisins sem kemur til við-
bótar, þar sem einnig er tekið tillit
til breytingar á núverandi húsnæði
og nýbyggingarinnar sem í heild
telur um 20 þúsund fermetra, um
20,8 milljörðum króna.
Mikið púsluspil fram
undan í Keflavík
Stefán E. Stefánsson
ses@mbl.is
Miklar framkvæmdir
standa yfir á Keflavík-
urflugvelli þessi misserin.
Afar flókið uppbygging-
arverkefni er í farvatninu
sem tengist móttöku og af-
hendingu farangurs þeirra
sem um völlinn fara.
Morgunblaðið/Árni Sæberg
Maren Lind fyrir framan flokkunarböndin sem staðsett eru aftan við innskráningarborðin.
Tölvuteikning sem sýnir hvernig ný salarkynni gætu litið út.
Bú Norðuráls Helguvíkur ehf. var
tekið til gjaldþrotaskipta með úr-
skurði Héraðsdóms Reykjaness
síðastliðinn fimmtudag, en félagið
var í eigu Norðuráls.
Fyrirtækið átti að sjá um rekstur
álvers í Helguvík en ekkert hefur
orðið af honum. Í fyrra seldi það
eignir til Samherja fiskeldis vegna
fyrirhugaðrar landeldisstöðvar út-
gerðarfélagsins.
Í ársreikningi Norðuráls Helgu-
víkur ehf. fyrir síðasta ár kom fram
að eigið fé var neikvætt um 14,5
milljarða kóna. Þá var tap félagsins
í fyrra 837 milljónir og árið þar á
undan 864 milljónir.
Í Lögbirtingablaðinu er skorað á
þá sem telja til skulda eða annarra
réttinda á hendur búinu eða eigna í
umráðum þess að lýsa yfir kröfum
sínum fyrir skiptastjóra innan
tveggja mánaða.
Norðurál Helguvík gjaldþrota
Eigið fé fyrirtækisins var neikvætt
um 14,5 milljarða kóna á síðasta ári.