Bibliotheca Arnamagnæana - 01.06.1951, Side 34
20
RERUM ISLANDICARUM
interjectu oppositam, ab orientali fluvius Joculsa in desertis
Solheimasande decurrens, ab occidentali etiam notabilis fluvius,
Albis nornen sortitus et in sinum Borgarfiord sese exonerans,
dividit. Adeo ut si liberet insulam humanå specie repræsentare,
orientalis Islandia capitis rationem obtineret, promontoria duo
insigniora Langanes et Reykianes, seu termini, ille Borealis, hic
Austrinus ut dictum, Brachiorum vicem gererent, deserta vero
secundum longit. insulæ porrecta dorsum vel spinam constitue-
rent: tum Borealis et meridionalis Islandia scapulas cum lateri-
bus: quæ in ipsis hypocondrijs sinus duo oppositi, Borgarfiordt
et Rutafiordur, å coxendice utrinque dirimerent, hic å meridie,
ille å Boreå. Occidentalis vero Islandia reliquam inde ab hypo-
16 condrijs corporis humani partem referret, quam sinus Breide-
fiordur, ab occidente ingrediens, in dextrum et sinistrum pedem
distringeret.
Insulæ etiam ambitus nihilo certius constat; vetus tamen
Ambitus fama et opinio (ut alibi quo annotatum est) 144. milliaria Nor-
isiand. veg|ca (uti existimo) numerat, hoc est Germanica 288, censente
Chytræo Norvegicum duo Germ. æquare, ab uno promontorio
isiandiæ ad aliud legendo; non per sinus, quos Borealis Islandia 11, Orien-
s,nus talis 21, Australis 6, Occidentalis 70, habere numeratur. Atque
ista sunt fere quæ de insula ipsa chorographicé initio attingenda
duximus, ut palam sit nos nec Thules nec alterius cujusquam ex
vicinis insulis, sed Isiandiæ incolas scribendos sumere. Topo-
graphica autem cum loci natura atque alijs insulæ adjunctis, quæ
in sequentibus non tacta fuerint, alijs scribenda relinquo: utpote
rerum sive Physicarum sive hyperphysicarum, herbarum nempe
et aliorum terra nascentium, tum aquarum, terrarum et spirituum
sive spectrorum historiam, et si quæ sunt alia ejusdem farinæ,
quæ quempiam vel scribere vel legere juvet. Ex his, inquam,
quæcunque1 omissa sunt, consulto omissa sunt. Etenim in gentis
descriptionem potissimum ego incumbo, quod hæc magis cum
libelli, Anno 1593. pro Islandia abs me editi2, argumento facere
videatur, quodque hoc scriptionis genus historiam, illam vitæ
magistram, plus sapiat, plus quoque emolumenti ad vitam com-
munem afferat. In hoc igitur proposito sic porro pergemus.
5
10
15
20
25
30
35
1 quæqunque ed. % edeti ed.