Bibliotheca Arnamagnæana - 01.06.1951, Blaðsíða 102
88
RERUM ISLANDICARUM
Hic præterire nequeo, quod cum titulus de homicidio late
pateat et fuse tractetur, parricidii mentionem nullam invenias.
99 Eam procul dubio ob causam, quam Lycurgus Spartanus ille
legislator reddidit quærenti: Cur is in suis Rhetris et institutioni-
bus nullam parricidio pænam statuisset? Nempe, quia nullum
eo dementiæ processurum crederet, ut parricidio se inquinaret.
Quod idem responsum pro nostris veteribus Nomothetis af-
ferimus. Sed et convitiis ac probris, oratione ligata vel secus,
coram vel aliter, in aliquem jactis graves animadversiones ob-
iectæ: ita ut etiam ob hæc cædis in præsenti, ut loquuntur,
commissæ culpa mitigari potuerit. Denique de cæde å cane,
tauro, urso cicure facta certæ leges. Quas omnes, ut in præce-
dentibus titulis, abrumpimus consulto, hane spartam aliis forsan
relicturi, qui ingenio et Academico otio magis abundabunt, ut
corporis juris nostrat(i)um anatomen ex professo instituant, sic-
que ex diligenti anatome Epitomen conficiant ordine aliquo magis
Digressiun- logico omnium oculis subiiciendam. Qui demum ingenuus magis
culal et idoneus fuerit, in hoc sané literarum humanarum genere, ad
vitam communem studiorum fructus, quam vel tabernas vel
quid deterius sequi, vel alioqui annos juveniles in otium illiberale
convertere, vel etiam eosdem in nudis Sciolorum ostentamentis
consumere, aliosque velut ex alto præ se despicere. Proprium
enim est fere ejusmodi ingeniorum fastum in æquales, in su-
periores adulationem exercere, relietå interim penitiore illå
sapientiæ moralis cognitione (quod nihil aliud est quam pro
Penelope ancillas amplexari), qua societas et vita humana
maxime indiget,' quæque secundum Divinas literas ex historiis
et variarum gentium moribus, institutis, legibus invicem collatis
potissimum hauritur. Nam alioqui historia, quæ etiam leges et
instituta gentium complectitur, non esset vitæ humanæ magistra.
Qua laude eximia apud Cic. 2. de Orat. ex imitatione Plat. in
Cratylo, apud Herodotum libr. 1., apud Livium præcipue et
alios excellere meruit.
5
10
15
20
25
30
1 Add. AJ.