Bibliotheca Arnamagnæana - 01.06.1951, Page 295
BLEFKENIANÆ PARS I
281
Partis I. Membrum I. de Capite et Cerebro. 3
In Capitis et Cerebri dissectione, quod rationis sensuumque
interiorum, ut dictum est, sedes statuitur, primo loco SAPIEN-
TIAM, deinde VERECUNDIAM requiram; ad quam inqui-
s sitionem illa vitæ Blefkenii pars, quam in hoc opere nobis com-
municare dignatus est, obiter assumetur. Et sane, ad Sapientiam
quod attinet, non frustra, ut spero, inquiritur. Vos tantum oculis
animisque spectatores, adeste, ut Minervam ex hujus Jovis
Capite exsilientem contemplemini; ego Vulcani securim præ-
10 stabo introspecturis.
Minervæ vel sapientiæ Blefkenianæ nucleus hic est: velle per
hos commentarios de Islandia emergere et caput (ut ille inquit)
exerere umbris, 40. annos durantibus, tum qua eruditionem, tum
qua pietatem et mores. Heus puer, scalpellum mihi probe acuas,
15 nam et pericranium incrassatum est, et adeps alioqui peritonæo
et abdomini proprius Jovis hoc Capitolium invasit ac cerebri
claustra obsedit. Cedo novaculam: satis inddit. Fiat itaque aper-
tio bregmatis. Hem: video primum utraque consecta meninge
bene turgidum Blefkenii cerebrum; et quidem Sacerdotii, vel ut
20 ipse ait, pag. 19., Ministerii Verbi divini dignitate, quod ex vita
sua hic primum allegat. Est revera callidum hoc satis ad con-
ciliandam scripto fidem aucupium. Sed ne fraudem ipsi facere
puter, ipsum adite, pag. prædicta.
Anno 63., inquit, supra millesimum quingentesimum binæ
25 Hamburgo naves onerariæ in1 Islandiam navigare decreverant;
vectores antiqud consuetudine Verbi Divini ministrum sibi ad-
jungere volentes ecclesiæ Hamburgensis ministris munus hoc
committunt, orantque ut illis de ministro dispicere2 velint. Erat
tune Ecclesiæ Hamburgensis Superintendens Doet. Paulus ab
30 Eitzen. Quum vero ego Hamburgi substitissem, supellectilem
librariam Rostochio exspectans, familiaritatem cum Paulo et cæte-
ris ecclesiæ ministris contraxi; ad me igitur delata est provincia, 4
quam eo libentius, quod sitiens eram res novas et varias regiones
cognoscendi, et illorum hortationibus parens suscepi. Hæc Blefk.
35 Hine concludere recte videor Blefkenium jam tum se Verbi
Div. ministrum profiteri. Sed an tum primum Hamburgi ordi-
1 Om. ed. II. 2 Si c Blefk., despicere edd.