Bibliotheca Arnamagnæana - 01.06.1951, Síða 300
286
ANATOMES
Assiduis convitiis depudere didicit. Cujus rei ulterior appli-
catio in caput sequens reservanda est, ne prolixitas disputatio-
num anatomen hiulcam reddat spectatorumque turbet animos
et attentionem.
Signa tamen hujus mali merito hic attingenda forent; quorum s
unum pro multis in præfatione attigimus, nempe Blefkenium
non puduisse libellum tam futilem, spurcum, fædum, qualem
eum caput sequens coarguet, Ordinibus Hollandiæ dedicare. De
quorum celebritate tacere malo, quam parum aut insufficienter
dicere. 10
Concurrunt hic tam INSIPIENTIA quam IMPUDEN-
TIA; nam ut virtutes, sic vitia sæpe invicem cognatione quadam
junguntur.
Insipiens quippe est illud opinari Blefkenium: libelli sui
fæditatem ulla dedicatione abstergi aut palliari posse. Impudens is
vero et inverecundum nimis adeo illustribus Hollandiæ et West-
frisiæ Ordinibus å lectione, dedicatione et possessione tam male
feriati opusculi non pepercisse. Quorum Celsitudinis interesse
sciebat hujusmodi libellos famosos vel in primis pæna civili af-
ficere, nedum muneris vel oblationis loco non excipere, aut ad 20
patrocinandum eidem suscipere. Me itaque Dithmari Blefkenij
miseret; qui dum scripta publico celebrari cupit et Ordines Hol-
landiæ sibi conciliare, nec cerebrum habeat, nec frontem. De
cujus impudentiå quum in præfatione et præcipué in epistolå ad
lectorem nostrå prolixius agatur, ut et ipso secundo capite, nobis 25
capitis vel Cerebri anatome sic absoluta sit. Pectus sequitur.
Partis Prioris Membrum II. De Pectore.
Hue hue spectatores, hue oculos non lippos convertite. Nam
si supremus venter attentionem vestram requirebat, etiam hic
medius, Pectus inquam et hoc contenta. Ecce quam tumeant 30
hujus viri præcordia, ut rupi jam jam existimes. Quare summa
hic arte opus est, ne quid å naturali statu sectoris ineuriå de-
clinåsse videatur. Opus quoque vestrå est, spectatores, patientiå,
ne quid meå tarditate offendamini. Nec enim vulgariter tractan-
dum est hoc cadaver; operas appello, ut subjectum scamnum 35
quoquo modo editius statuant, quo magis conspicua fiat dis-
sectio.