Bibliotheca Arnamagnæana - 01.06.1951, Page 310
296
ANATOMES
citate et alijs quibusdam agrestioribus, quæ uspiam inter vulgi
sordes conquisiverat, necesse habuit tale opus titulo et præfa-
tione aliquid præclarius ostentante fucare.
An vero Blefkeni ex contemplatione tui orbis opificis Sapien-
tiam Bonitatem Potentiam ratiocinari nequiveras, nisi tua illa s
Islandiæ monstra et mirabilia accederent? An etiam ipsa con-
ceptione et formatione hominis in utero materno miraculum
Naturæ aliquod majus excogitare et ostendere poteris? An de-
mum, quia stupenda illa rerum omnium, quæ omnibus et ubivis
patent, conditio et conservatio ipso usu et frequentia sui tibi aut 10
alijs forte vilescit, minus idcirco habebit momenti ad conditoris
et conservatoris Sap. Bonit. Potentiam suspiciendam et extol-
lendam, quam scilicet fons ille aut mons tibi antea nunquam
visus et alterius forsan efficaciæ, quam fons iste tuus domesticus
aut mons vicinus? Quin tu, o bone et religiose vir, Davidem adi 15
et audi ab eoque disce: Invisibilia Dei ex visibilibus cognoscendi
et admirandi viam et methodum.
PSALM. C IV.
Benedic anima mea Domino (inquit vir Dei; quicum volupe
erit hunc Naturæ hymnum repetere, et quidem verbotenus fere), 20
Domine Deus meus, magnificatus es vehementer. Gloriam et
decorem induisti; amictus lumine sicut vestimento; extendens
cælum sicut pellem. Qui contignat in aquis tabernacula sua et
ponit nubes vehiculum suum et ambulat super pennas venti. Qui
facit angelos suos spiritus et ministros snos ignem flammantem. 25
Qui fundavit terram super stabilitatem suam; non inclinabitur
in seculum seculi. Abysso sicut vestimento operuisti eam, super
montes stabunt aquæ. Ab increpatione tua fugient, å voce toni-
trui formidabunt. Ascendunt montes, descendunt valles in locum
quem fundasti eis. Terminum posuisti eis, quem non transgre- 30
dientur, neque convertentur operire terram. Qui emittis scaturi-
gines in fluvios, inter montes pertransibunt aquæ. Potabunt
omnes bestiæ agri; sedabunt onagri sitim suam. Super eas vo-
lucres cæli habitabunt; de medio frondium dabunt vocem.
Rigas montes de superioribus suis, de fructu operum tuorum 35
saturabitur terra. Producens fænum jumentis et herbam seruituti