Fréttabréf Siglfirðingafélagsins í Reykjavík og nágrenni - Apr 2021, Page 7

Siglfirðingablaðið Siglfirðingablaðið12 13
bjó. Þar á móti var Möllers-húsið en þar bjó Jóna Möller
ekkja Christian Möller, lögregluþjóns og foreldrar Jóhanns
Möller, Bassa Möller, Unnar Möller ofl. Á Suðurgötu 37
bjó frænka mín Helga Jóhannesdóttir og maður hennar
Jón Gíslason.
Binnudrengurinn stígur út úr unglingabókinni
Þegar ég er um 10-12 ára kom út bókin Fjórir á fleka sem
við vinirnir Gummi Ragnars og Björgvin Sveinn Jónsson
sökktum okkur í. Þetta var þýsk bók og gerðist við vatn
eða baðströnd og krakkarnir syntu í sjónum eins og enginn
væri morgundagurinn. Þau voru í félagsskap sem kallaði
sig Vatnsrotturnar og samkvæmt stofnskránni ætluðu þau
að láta gott af sér leiða. Við strákarnir vorum upprifnir
af þessum boðskap og ég man að ég var með fjólubláan
tuttuguogfimm krónu seðil í vasanum sem ég hafði ætlað
í að kaupa eitthvað hjá Agli Melsted á hjólið mitt eftir
samningaviðræður við Binnu Jóns. Eitthvað dróst að fara
til Egils og þennan morgun í hverfis-Mjólkurbúðinni á
mótum Laugarvegs og Suðurgötu vorum við staddir þrír
í VR sem stóð fyrir skammstöfunina Vatnsrotturnar; þá er
Helga frænka mín að kaupa eitthvað í kaupfélagnu sem var
við hliðina á Mjólurbúðinni en hafði vantalið í buddunni
og átti ekki nóg. Þá var það drengurinn hennar Binnu
sem tók upp 25 kallinn og lánaði Helgu frænku!
Þögn sló á mannskapinn og siglfirsku Vatnsrotturnar litu
með lotningu á Binnudrenginn sem hafði gert þarna góð-
verk eins og sagt var frá í VORINU og ÆSKUNNI.
Heyr, heyr HÚRRA.
En Adam var ekki lengi í æskulýðsleiðtogasætinu! Helga
bankaði í gluggann á Suðurgötu 37 þegar hún gekk þar
framhjá og borgaði sína skuld! En mikið var hann góður
drengurinn hennar Binnu, sagði hún og strauk mér um
vangann með vinnulúinni hendinni.!
Landmarkshúsið og Konnarnir
Jóhann Landmark kom til Siglufjarðar með konu sína
Valgerði. Þau áttu kjördóttur Ester Landmark (1915-
2008) Uppeldissystir hennar var Petra gift Bjarti á Ráeyri
fyrir handan Siglufjörð þar sem þau bjuggu. Ester átti tvö
börn Svövu Landmark og Ómar Ingimundarson.
En í Landmarkshúsinu bjó einnig Friðgeir ýtustjóri og
kona hans Fríða sem er mamma Alla Rúts, skemmtikrafts
og systkinin Árni og Hulda Friðgeirsbörn.
Við Hafnargötuna sunnan við Landmarkshúsið bjuggu
Konnarnir. Konni Konn sem átti Kidda Konn, Sigga
Prefedu fólksbíl sem var með hálfgerða hafmeyju fremst á
húddinu. Eitt sinn bar það við að Maja dóttir hans var á
bílnum og ætlaði rétt að kíkja til Steinunnar Jónsdóttur
Hrímnisforstjóra og stökk út úr bílnum sem rann með
opna hurð niður túnið fyrir ofan gamla húsið hjá okkur og
hefði endað í eldhúsinu hjá Binnu og Guðlaugu ömmu ef
hurðin hefði ekki stungist í grasið og stoppað bílferðina.
Fimm ýtustjórar
Ekki færri en fimm ýtustjórar voru í hverfinu. Friðgeir
Árnason (05-84) sem bjó í Landmarkshúsinu, Geiri
Gunnars (1912-1985) sem bjó í Suðurgötu 41, og sonur
hans Gunnar Ásgeirsson (43-95) og Ottó Jörgensen (47).
Haft var orð á því hvað Ottó þótti flinkur á ýtunni þar til á
vorin að Suðurgatan reyndist nánast girðingarlaus!
Einn bjó á Laugarvegsendanum. Hafliði Sigurðsson
(1931-2000) -Diddi maður Jóhönnu Venna.
Skíðamenn og fimleikamenn
Nokkrir stæltir íþróttamenn voru í þessu litla hverfi og skal
fyrst nefna þann landskunna Jonna Vilbergs margfaldan
skíðakóng og Íslandsmeistara. Ég man eftir því að eitt
vorið vorum við Siggi Ásgríms að leika okkur í svokallaðri
Löngulaut þegar við heyrðum sérkennileg kvisshljóð en
þetta var þá Jonni að koma ofan af toppi í svigi niður
snjólitla lautina.
Þá var Helgi Sveinsson á árum áður liðtækur stökkmaður
á skíðum en brotnaði nokkrum sinnum illa hann sneri sér
þá að þjálfun fimleika og náði þar góðum árangri. Gunnar
Guðmundsson, margfaldur Íslandsmeistari í skíðagöngu.
Einar Hermannsson og Skarphéðinn Guðmundsson,
bróðir Gunnars, Valur Johansen og Keli Ben voru liðtækir
fimleikamenn. Guðmundur Petersen, kallaður Gúndi og
Valur Johansen voru miklir félagar og á góðviðrisdögum
mátti sjá þá á sjóskíðum á firðinum. Síðan má nefna þá
Stefán og Jón Skaftasyni
sem lengi léku knattspyrnu
með KS og ef ég má vera
frekur og teygja mig yfir
á Lindargötuna en þar
bjó Bragi Magnússon,
knattspyrnu- og skíða-
maður og golfari. Siggi
Benni og Viktor Þorkels
voru liðtækir í boltanum,
synir Möggu Brands og
Kela Ben. Keli var einhver
sá flinkasti á skautum
sem ég man eftir og átti ófáa sprettina á svellinu suður af
Ráðhústorginu.
Magga Brands (22-09) og Keli (20-93) bjuggu á Suðurgötu
24B sem var ca. 50 fermetrar á þremur hæðum. Á neðstu
hæð var Bakkabúðin en á hinum bjuggu þau með börnum
sínum Kiddjóni (41), Sóleyju (43), Sigga Benna (44),
Vidda (46-08), Sollu (50), Dísu (52) og Sigurveigu (54-
12). Þar var oft þröng á þingi. Minnist ég þess að þegar
Bakkabúðin flutti úr húsinu fékk Viddi sérherbergi á kjall-
arahæðinni. Hann var svo glaður að hann bauð fólki inn
af götunni að líta á herlegheitin! En við framkvæmdir á
vatnslögn úr fjallinu niður á plönin tókst ekki betur en svo
að stærðarinnar „hné“ var í einu horni herbergis Vidda. Ef
það hefði brostið meðan íbúinn var í rúminu hefði getað
farið illa!
Suðurgata og Hafnargata að Laugarvegi
Neðan við Suðurgötuna þar sem hún klofnar við Hafnar-
götu var svokallaður Rafveituskúr en hafði áður verið
leigð ur til síldarfólks og þar fyrir sunnan kemur hús
Símonar föður Söru (23-04) mömmu Sigga Söru (46-68)
beint á móti húsi Árna Björns (06-88) og Láru Stefáns
(10-90) Suðurgata 30 þar bjuggu Þórir Björnsson og
Nína Víglunds ásamt barnaskara, Gunnu Gígju, Hemma,
Bjössa og Fjólu. Þar fyrir sunnan bjó Freysteinn (07-79)
og Sigríður kona hans og börnin Haukur (42-81) og
Svana (40). Þar sunnan við var svokallaður Pálínuskúr þar
sem Pálína mamma þeirra Láru, Báru og Huldu Stefáns
Ottó Jörgensen stýrir ýtunni fimlega á Aðalgötunni á snjóa-
vetri 1967.
Bakkabúðin. Skúrinn við hliðina var notaður af Hertervigs
bakaríi. Komið var að morgni með brauðin heit og þeim
skutlað inn í skúrinn.
Jóna Möller með Möllershúsið að baki.
Björnshúsið (Þönglaskáli) síðan sést í Rafveituskúrinn.
Til vinstri er Suðurgata 30 þar sem Þórir Björns og Nína
bjuggu og þar áður Jón og Maja og Sigurður og Salbjörg.
Á milli húsanna má sjá Rafveituskúrinn svonefnda.Viddi Kela.
Jóhann Vilbergsson einhver
frægasti sonur hverfisins og
Jónstúnsins. Jóhann fæddist
nánast í túnjaðrinum Há-
vegi 15. Byrjaði snemma á
skíðum og varð margfaldur
Íslandsmeistari í svigi, stór-
svigi og bruni. Fór tvisvar
fyrir Íslandshönd á
Olympíuleikana,
1960 og 1964.