Fréttablaðið - 02.06.2022, Síða 4

Að óbreyttu getur
þessi mikla hækkun
fasteignamats leitt til
verulegs útgjaldaauka
almennings og fyrir-
tækja á næsta ári vegna
þess að fasteignamatið
er gjaldstofn fasteigna-
gjalda.
ÞVERHOLT 6 • 270 MOSFELLSBÆR • S. 590 2300
OPIÐ VIRKA DAGA 10-17 • LOKAÐ Á LAUGARDÖGUM Í SUMAR JEEP.IS
EIGUM BÍLA
TIL AFHENDINGAR
STRAX!
PLUG-IN HYBRID
Jeep® Wrangler Rubicon 4xe goðsögnin rafmagnaða
hefur svo sannarlega slegið í gegn og sannað gildi
sitt við íslenskar aðstæður. Bjóðum upp á 35”-37”
og 40” breytingapakka.
bth@frettabladid.is
HÚSNÆÐI Líklegt er að leiguverð
hækki verulega frá því sem nú er.
Már Wolfgang Mixa hagfræðingur
segir að f jöldi íbúða sem áður
hýstu fasta leigjendur sé eftir hlé
aftur kominn í útleigu Airbnb með
vaxandi ferðamannastraumi. Það
minnki framboð fyrir fasta leigj-
endur.
Í bloggpistli segir Már að leigu-
verð hafi hækkað um tvö prósent
milli mánaða á höfuðborgarsvæð-
inu og komi ekki á óvart. Ólíkt hús-
næðisverði hafi leiguverð lækkað
fyrst eftir að heimsfaraldur Covid
skall á þar sem íbúðir sem áður
voru nýttar fyrir ferðamenn urðu
leiguíbúðir. Nú hafi staðan snúist
við.
Þá segir Már að með því að fjöldi
fólks af erlendum uppruna komi
til landsins til að vinna við vax-
andi umsvif í atvinnulífi, einkum
í ferðaþjónustu, kreppi enn frekar
að fyrir aðila á leigumarkaðnum.
„Þar sem húsnæðisverð og leigu-
verð hefur almennt mikla sam-
fylgni þá er líklegt að leiguverð
hækki mikið næstu mánuði,“ segir
Már Wolfgang Mixa. n
Veruleg hækkun á
leiguverði líkleg
Már Wolfgang
Mixa
ser@frettabladid.is
LÍFSKJÖR Húsnæðiskostnaður á
Íslandi er nú einn sá allra hæsti
í Evrópu, bæði fyrir eigendur og
leigjendur, segir í nýrri samantekt
forkólfa Eflingar, sem telja nýjar til-
lögur starfshóps þjóðhagsráðs um
aðgerðir og umbætur á húsnæðis-
markaði vera margar ágætar og
mikilvægar, en aðrar ófullnægjandi,
einkum hvað húsnæðisstuðning
varði.
Tillögurnar um húsnæðisstuðn-
ing séu skrýddar jákvæðum mark-
miðum en þær megi heita ófull-
nægjandi vegna skorts á beinum
viðmiðum, segir í samantektinni,
en húsaleigubætur og vaxtabætur
hafi ekki fylgt verðhækkunum á
húsnæði.
Þá hafi vaxtabætur fjarað út um
leið og boðið hafi verið upp á skatta-
lækkun vegna nýtingar séreigna-
sparnaðar til íbúðarkaupa sem
mest hafi nýst hærri tekjuhópum.
Húsnæðisstuðningur stjórnvalda
hafi því í reynd verið fluttur frá lág-
tekjuhópum til tekjuhærri hópa.
Ef lingarfólk bendir einnig á að
reglum á leigumarkaði sé áfátt, en
loforð frá Lífskjarasamningnum
2019 um sterkari samningsstöðu
leigjenda og aukna leiguvernd, þar
á meðal leiguþak, hafi þegar verið
svikin.
Tillögur nefndarinnar um úrbæt-
ur á þessu sviði séu of almennt orð-
aðar og sýni ekki hvernig böndum
verði komið á taumlausar verð-
hækkanir, bæði á leigu og kaup-
verði íbúðarhúsnæðis. n
Segja húsnæðisstuðning beinast að efnafólki
Sólveig Anna
Jónsdóttir, for-
maður Eflingar
kristinnpall@frettabladid.is
KRÓATÍA Framkvæmdastjórn ESB
staðfesti í gær að Króatar stæðust
allar kröfur til að taka upp gjald-
miðilinn evru og var lagt til að evran
myndi taka við hlutverki gjaldmið-
ils landsins um áramótin.
Aðlögunarferlið hefur staðið yfir
í tæp tvö ár. Hluti af því var eftirlit
með efnahag landsins og stóðust
Króatar kröfur Framkvæmdarstjo-
órnarinnar og Seðlabanka Evrópu.
Þetta kom fram í tilkynningu
frá framkvæmdastjórn ESB í gær.
Með því verður Króatía tuttugasta
landið sem tekur upp evruna sem
gjaldmiðil, 24 árum eftir að hún var
fyrst skráð á markað. n
Króatar taka upp
evruna á nýju ári
Sveitarfélög á höfuðborgar-
svæðinu hyggjast almennt
lækka álagningu fasteigna-
gjalda til að mikil hækkun á
fasteignamati skelli ekki af
fullum þunga á heimili og
fyrirtæki á næsta ári.
olafur@frettabladid.is
SKATTAR Heildarverðmat fasteigna á
Íslandi hækkar um næstum 20 pró-
sent og verður 12.627 milljarðar á
næsta ári.
Þetta er niðurstaða nýs fasteigna-
mats Þjóðskrár fyrir árið 2023. Þetta
er næstum þreföld hækkun frá því
sem var á síðasta ári, þegar fast-
eignamat á landinu öllu hækkaði
um 7,4 prósent.
Á höfuðborgarsvæðinu hækkar
matið um 20,2 prósent en um 19,2
prósent á landsbyggðinni.
Mest er hækkunin á Suðurlandi,
22,4 prósent, 19,3 prósent á Vest-
fjörðum, 18,8 prósent á Suðurnesj-
um og Norðurlandi eystra. Hækk-
unin á Vesturlandi er 18,1 prósent,
15,2 á Norðurlandi vestra og 14,9 á
Austfjörðum.
Af einstökum sveitarfélögum
hækkar fasteignamat mest í Hvera-
gerðisbæ, um 32,3 prósent, og
Árborg kemur á hæla hans með 32,1
prósents hækkun.
Minnst er hækkunin í Dalvíkur-
byggð, 8,1 prósent, og í Dalabyggð
og Skútustaðahreppi, 9,3 prósent.
Sérbýli hækkar meira en fjölbýli,
eða um 25,4 prósent á móti 21,6 pró-
sent.
Atvinnuhúsnæði hækkar um 10,2
prósent og sumarhús um 20,3 pró-
sent.
Að óbreyttu getur þessi mikla
hækkun fasteignamats leitt til
verulegs útgjaldaauka almennings
og fyrirtækja á næsta ári vegna þess
að fasteignamatið er gjaldstofn fast-
eignagjalda sem geta því hækkað
um tugi prósenta.
Fréttablaðið hafði samband við
forystufólk í nokkrum sveitarfélög-
um á höfuðborgarsvæðinu til að
grafast fyrir um hvort áform væru
af hálfu sveitarfélaganna um að
bregðast við þessari miklu hækkun
fasteignamatsins með lækkun fast-
eignagjalda.
Rósa Guðbjartsdóttir, bæjarstjóri
Hafnarfjarðar, segir að komið verði
til móts við íbúa bæjarins með
lækkun fasteignagjalda, eins og gert
hafi verið undanfarin ár til að vega
upp á móti miklum hækkunum
fasteignamats. Segir Rósa sérstak-
lega kveðið á um þetta í nýjum
málefnasamningi meirihlutans
í bæjarstjórn Hafnarfjarðar, sem
skrifað var undir í gær.
Almar Guðmundsson, verðandi
bæjarstjóri Garðabæjar, segir að
fasteignagjöld verði lækkuð líkt og
gert hafi verið undanfarin ár þegar
gjaldstofninn hefur hækkað.
Sama máli gegnir um Þór Sigur-
geirsson, verðandi bæjarstjóra Sel-
tjarnarness. Hann segir Sjálfstæðis-
menn á Nesinu ætla að standa við
stóru loforðin sem þeir gáfu í kosn-
ingabaráttunni. Fyrsti punktur í
stefnuskrá f lokksins fyrir sveitar-
stjórnarkosningarnar í síðasta
mánuði hafi verið að lækka gjöld og
álögur á bæjarbúa. Fasteignagjöld í
bænum verði ekki hækkuð umfram
almennar verðlagshækkanir.
Ásdís Kristjánsdóttir, verðandi
bæjarstjóri í Kópavogi, segir kveðið
á um það í nýjum málefnasamningi
meirihlutans að álögur á heimili og
fyrirtæki í bænum verði ekki hækk-
uð og að tryggt verði að þrátt fyrir
hækkun fasteignamatsins hækki
fasteignaskattur ekki að raungildi
umfram almennar verðlagsbreyt-
ingar.
Dagur B. Eggertsson borgar-
stjóri segir að þessi mál séu meðal
þess sem rætt er um í viðræðum
um nýjan meirihluta í Reykjavík.
Hann segir mikilvægt að horfa á
gjaldtöku sveitarfélaga í samhengi,
þar komi fleira til, á borð við sorp-
hirðugjöld, leikskólagjöld og fleira.
Reykjavíkurborg komi mjög vel út
úr slíkum samanburði. Dagur segir
Þjóðskrá yfirleitt hafa birt ítarlegri
forsendur fyrir fasteignamatinu en
nú og kallað hafi verið eftir frekari
upplýsingum sem verði að liggja
fyrir áður en gengið verði frá fjár-
hagsáætlun í haust. n
Bregðast við hækkun fasteignamats
Fasteigna-
mat hækkar
mikið um allt
land, meira á
höfuðborgar-
svæðinu en á
landsbyggðinni.
FRÉTTABLAÐIÐ/
ERNIR
4 Fréttir 2. júní 2022 FIMMTUDAGURFRÉTTABLAÐIÐ