Fréttablaðið - 02.06.2022, Blaðsíða 6

2.739 einstaklingar
hafa nýtt sér VIRK
síðan í janúar 2021.
Ég er hrædd um að
þetta sé yfirvarp fyrir
VG til að halda áfram í
ríkisstjórninni.
Þorgerður Katrín
Gunnarsdóttir
Fyrrverandi sjávarútvegs­
ráðherra bindur ekki vonir
við að starfshópar Svandísar
Svavarsdóttur skapi réttlæti í
sjávarútvegi. Fyrri úttektum
nefnda hefur verið stungið
undir stól.
bth@frettabladid.is
SJÁVARÚTVEGUR Svanfríður Jónas­
dóttir, fyrrverandi þingmaður, sem
sat í svokallaðri sáttanefnd sem Jón
Bjarnason ráðherra skipaði, segir að
sá arður sem skapist af fiskveiðum
þurfi að skiptast með skynsam­
legum hætti á milli eiganda auð­
lindarinnar og þeirra sem fá að
nýta hana. Veiðigjöld þurfi að vera
sveigjanlegri.
Svanfríður minnir á að sátta­
nefndin hafi á öðrum áratug þessar­
ar aldar gert tillögu að tímabundn­
um samningi við hvert fyrirtæki um
nýtingu auðlindarinnar. Útvegs­
menn hafi á þeim tíma verið tilbúnir
að fallast á þá niðurstöðu en pólit­
íkin ekki fylgt málinu eftir.
Svandís Svavarsdóttir matvæla­
ráðherra var spurð á Fréttavaktinni
á Hringbraut hvort sama árangurs­
leysi væri viðbúið nú þegar tæplega
50 manns munu starfa í nokkrum
hópum að breytingum á sjávarút­
vegskerfinu. Hún svaraði að þrátt
fyrir ítök og hagsmuni hefði hún
trú á að ný vinnubrögð í þessum
efnum yrðu til bóta, ekki síst þar
sem gegnsæi myndi einkenna störf
hópanna.
Þau sem stýra hópunum fjórum,
sem munu aðstoða ráðherra í
vinnunni fram undan, eru Gunn­
ar Haraldsson, framk væmda­
stjóri Intellexon, formaður sam­
félagshópsins. Eggert Benedikt
Guðmundsson, verkfræðingur er
formaður aðgengishóps. Umgengn­
ishópi stýrir Gréta María Grétars­
dóttir, forstjóri Arctic Adventures.
Tækifærishópi stýrir Ingunn Agnes
Kro, framkvæmdastjóri Jarðvarma.
Vinnunni á að ljúka fyrir árslok
2023.
Þorgerður Katrín Gunnarsdóttir,
fyrrverandi sjávarútvegsráðherra,
segir að almenningur hafi horft upp
á óréttlæti í sjávarútvegi áratug eftir
áratug. Hún segir skref Svandísar
góðra gjalda verð, ráðherrann hafi
kallað til sómafólk í starfshópana
og tilgangurinn sé göfugur. Vanda­
málið sé að niðurstaðan velti á vilja
þingsins. Þar sé við ramman reip að
draga.
„Ég er hrædd um að þetta sé yfir­
varp fyrir VG til að halda áfram í
ríkisstjórninni,“ segir Þorgerður
Katrín.
Hún hvetur Svandísi til að taka
það skref með Framsóknarflokkn­
um að storka Sjálfstæðisflokknum
sem hafi tögl og hagldir í sjávarút­
vegi og vilji óbreytt ástand. Veiði­
gjöldin séu allt of lág. Heildarfjár­
hæð veiðigjalda var árið 2028 tæpir
4,8 milljarðar en sú fjárhæð slagar
vart upp í helming þess stjórn­
sýslukostnaðar sem hlýst af því að
starfrækja fiskveiðikerfið, að sögn
Þorgerðar Katrínar.
„Þetta eru hlægilegar fjárhæðir
þegar við skoðum kostnað við
þjónustu sem ríkið veitir fyrir
útgerðina,“ segir Þorgerður Katrín.
Ofurgróði útgerðarinnar þessa
dagana, sem Fréttablaðið hefur
fjallað um, leiðir enn til vaxandi
þrýstings á breytingar á kerfinu,
að sögn Þorgerðar Katrínar. Hún
segist þó samfagna fyrirtækjum
þegar gengur vel en það skipti máli
hvernig auður verður til, hvort um
sameiginlega auðlind sé að ræða eða
ekki. Kerfið sé gott í grunninn en
það eigi eftir að klára þátt þjóðar­
innar í hlutdeildinni.
„Þetta er óréttlæti og það verður
ekki lengur við það unað.“ n
Sakar Svandísi um yfirborðshátt
Þótt enginn ef-
ist um hollustu
fiskmetis eru
hörð átök um
hlut þjóðarinnar
í kvótakerfinu.
FRÉTTABLAÐIÐ/
ERNIR
Um átta þúsund
manns fóru að Hengi-
fossi í maímánuði.
Dróninn var fjörutíu
mínútur með fimmtíu
kílómetra ferðalag.
bth@frettabladid.is
NORÐURÞING Nýr meirihluti í Norð­
urþingi hefur ákveðið að ráða fag­
legan bæjarstjóra en ekki pólitísk­
an. Eitt meginmarkmið meirihluta
sveitarstjórnar er að fjölga íbúum
um 100 á kjörtímabilinu, eins og
segir í málefnasamningi. Húsavík
er langstærsti byggðakjarni sveitar­
félagsins.
Framsóknarflokkur og Sjálfstæð­
isflokkur skipa nýjan meirihluta. Í
málefnasamningi er tíundað hvor
flokkurinn fái helstu embætti.
Þá er nefnt í málefnasamningi
mikilvægi þess að stuðla að upp­
byggingu í anda grænna iðngarða
á iðnaðarsvæðinu Bakka. Áhersla
verður lögð á barnvænt samfélag og
margt fleira, að því er fram kemur í
málefnasamningi. n
Meginmarkmið
Húsvíkinga að
fjölga sér um 100
Meirihlutinn í Norðurþingi stefnir
að 100 manna íbúafjölgun á fjórum
árum.
benediktboas@frettabladid.is
SAMFÉLAG „Það hefur verið ein­
hver sala á eignum og það er verið
að byggja og verið að endurgera.
Ætli það sé ekki útskýringin,“ segir
Helgi Gíslason, sveitarstjóri Fljóts­
dalshrepps, en fasteignamat íbúða
hækkaði mest í hreppnum á lands­
vísu, um hartnær 40 prósent.
Heildarmat fasteigna á Íslandi
hækkar um 20 prósent frá yfir­
standandi ári samkvæmt fasteigna­
mati Þjóðskrár fyrir árið 2023, sem
kynnt var á þriðjudag.
Um 100 manns búa í hreppnum,
sem er dæmigert landbúnaðarsvæði
með sterkri skógræktarhefð. Þá er
veðurblíðan í dalnum þekkt.
„Það er allt að gerast hér,“ segir
sveitarstjórinn stoltur. „Við vorum
að fara yfir tölfræðina yfir aðsókn­
ina að Hengifossi og fyrir Covid þá
komu um fimm þúsund manns í
maímánuði. Hún var átta þúsund
núna. Svona tölur sér maður um allt
sveitarfélag,“ segir Helgi, en brátt
mun rísa þjónustuhús við Hengifoss
og nýtt hótel er í burðarliðnum. n
Fasteignamatið
hækkaði um nær
fjörutíu prósent
Um átta þúsund manns komu að
Hengifossi í maímánuði.
FRÉTTABLAÐIÐ/ANTON BRINK
kristinnhaukur@frettabladid.is
HEILBRIGÐISMÁL Afgreiðslu­ og
þjónustufólk í verslunum er fjöl­
mennasti hópurinn sem nýtti
sér þjónustu VIRK starfsendur­
hæfingarsjóðs. Kennarar og heil­
brigðisstarfsfólk eru ekki langt
undan. Þetta kemur fram í svari
Guðmundar Inga Guðbrandssonar
félags­ og vinnumarkaðsráðherra
við fyrirspurn Oddnýjar G. Harðar­
dóttur, þingmanns Samfylkingar.
Alls hafa 2.739 einstaklingar
nýtt sér þjónustu VIRK frá janúar­
mánuði árið 2021, allt að 235 nýir í
hverjum mánuði.
Alls 562 þessara einstaklinga
koma úr afgreiðslu verslana, þjón­
ustu og útkeyrslu á vörum. 452
koma úr menntunar­ og tómstunda­
starfi og 446 úr heilbrigðisgreinum
og umönnun. Samanlagt er þetta
rúmlega helmingur, 53 prósent,
allra í starfsendurhæfingu.
Alls 297 koma úr skrifstofustörf­
um, svo sem innan stjórnsýslunnar
eða fjármálastofnana. 188 úr bygg­
ingariðnaði, 149 úr fiskvinnslu og
landbúnaði og 130 úr ferðaþjón­
ustu og farþegaf lutningum. 515
koma úr öðrum greinum atvinnu­
lífsins. n
Afgreiðslufólk fjölmennast í starfsendurhæfingu
 sbt@frettabladid.is
HEILBRIGÐISMÁL „Ég veit ekki til
þess að pælingar séu um þetta hér­
lendis,“ segir Óskar Reyk dals son,
for stjóri Heilsu gæslu höfuð borgar­
svæðisins, að spurður um hvort svo­
kallaðir heilbrigðisdrónar séu til
skoðunar hér lendis.
Danskur heil brigðis dróni f laug
jóm frúar f lug sitt í gær en hann á
með tímanum að f lytja blóð sýni,
ly f og lækninga tæki. Dróninn
f laug fjöru tíu mínútna f lug frá
Sv end borg sjúkra húsinu til eyj­
unnar Ærø.
Óskar segist geta í myndað sér
að heil brigðis drónar kæmu að
góðum notum hér lendis. „Þú getur
í myndað þér hvernig þetta hefði
getað verið í Covid. Það var mjög
erfitt að f lytja sýni sums staðar frá
lands byggðinni,“ segir Óskar.
Hann bendir á að þetta gæti
einnig verið sparnaðar leið, þar sem
bílar hafa oft þurft að keyra sýni frá
lands byggðinni til höfuð borgar­
svæðisins og það geti verið dýrt.
„Sem fyrrverandi landsbyggðar­
læknir þá sé ég alveg fyrir mér
hvernig þetta getur nýst, en auð­
vitað líka í borginni því hún er eins
og hún er,“ segir Óskar. Hann segir
þetta vera flotta framtíðarsýn.
Aðspurður hvort honum finnist
að skoða eigi þetta frekar hérlendis
segist hann ekki sjá neitt neikvætt
við það. „Mér finnst þetta sannar­
lega eitthvað sem gæti nýst í dreif­
býlu landi þar sem samgöngurnar
geta verið þannig að það er ekki
alltaf auðvelt að fara á milli staða,“
segir hann. n
Segir heilbrigðisdróna geta nýst vel hérlendis
Danski heilbrigðisdróninn mun fyrst um sinn fljúga með blóðsýni en seinna
meir mun hann fljúga með lyf og lækningatæki. FRÉTTABLAÐIÐ/GETTY
6 Fréttir 2. júní 2022 FIMMTUDAGURFRÉTTABLAÐIÐ