Fréttablaðið - 02.06.2022, Síða 34

Nú höldum við bara
fram veginn og erum
búnir að sammælast
um að láta ÍBV ganga
fyrir.
ÍÞRÓTTIR 2. júní 2022 FIMMTUDAGUR
Guðjón Pétur Lýðsson og Her-
mann Hreiðarsson tóku fund
í Vestmannaeyjum þar sem
sverðin voru slíðruð eftir átök
þeirra á hliðarlínunni.
aron@frettabladid.is
Eftir hamagang á hliðarlínunni
milli Guðjóns Péturs Lýðssonar,
leikmanns ÍBV í knattspyrnu, og
Hermanns Hreiðarssonar, þjálfara
liðsins, skilja þeir sáttir. Eftir góðan
fund í Vestmannaeyjum í gær og
agabann Guðjóns var ákveðið að
keyra á verkefnið í sátt, ÍBV til heilla.
Í leik ÍBV og ÍA í Bestu deild karla
á dögunum sló í brýnu milli Guð-
jóns og Hermanns eftir að sá síðar-
nefndi ákvað að skipta Guðjóni af
velli. Hörð orðaskipti áttu sér stað
milli þeirra sem leiddu til þess að
þeir voru komnir haus í haus á hlið-
arlínunni. Myndband af atvikinu
náðist og það fór eins og eldur um
sinu á vefsíðum fjölmiðla sem og
samfélagsmiðlum.
„Ég og Hemmi erum búnir að
takast í hendur og ná sáttum í þessu
máli,“ segir Guðjón Pétur í samtali
við Fréttablaðið í gær. „Nú höldum
við bara fram veginn og erum búnir
að sammælast um að láta ÍBV ganga
fyrir og keyra á þetta. Þetta er bara
það besta í stöðunni fyrir alla hlut-
aðeigandi. Við áttum góðan fund
saman í fyrradag, ótrúlega gott
spjall.“
Guðjón segir ekkert annað liggja
að baki ósættinu þeirra á milli en
pirringur sinn yfir því að vera tek-
inn af velli í leiknum. „Þarna mætt-
ust bara tveir sterkir karakterar. Ég
var ósáttur við að vera tekinn af velli
og fór yfir strikið í pirringi mínum
og Hemmi var skiljanlega ekki
sáttur við það. Maður á náttúrlega
aldrei að sýna slíkan pirring þegar
maður er tekinn af velli en stundum
lætur maður kappið bera fegurðina
ofurliði, eins og Valsarar vinir mínir
segja.“
Svarar fyrir sig innan vallar
Gengi ÍBV hefur ekki verið upp á
marga fiska í upphafi tímabils. Liðið
er nýliði í deild þeirra bestu en situr
í 11. sæti með aðeins þrjú stig eftir
fyrstu átta umferðirnar og er án sig-
urs. „Það er stutt á milli í boltanum.
Við höfum ekki lent í því hingað til
að vera yfirspilaðir þannig að nú
þurfum við bara að þjappa okkur
saman og nýta þennan tímapunkt
til þess að koma sumrinu hjá okkur
almennilega af stað. Vonandi verður
þetta til þess að neistar kvikni hjá
liðinu og að við förum að ná í stig.“
Aðspurður hvort hann telji að
þessar málalyktir hans og Her-
manns muni þétta hópinn hjá ÍBV
og að hlutirnir fari að taka stefnu
til hins betra hjá liðinu segist Guð-
jón klárlega telja það. „Það er undir
okkur sjálfum komið að snúa gengi
liðsins við. Svona uppákomur eins
og hjá mér og Hemma geta splundr-
að hlutunum eða búið til tímapunkt
til þess að snúa hlutunum við. Ég er
að minnsta kosti staðráðinn í því að
svara inni á vellinum. Nú hafa málin
bara verið rædd og það var tekist í
hendur. Nú eigum við bara að keyra
á þetta almennilega og undir mér
komið að sýna það inni á vellinum
að ég er í þessu af lífi og sál.“
Málið hafi verið blásið upp
Mikil umræða spratt upp í fjölmiðl-
um í tengslum við hamaganginn
milli Guðjóns Péturs og Hermanns,
sumir ýjuðu jafnvel að því að Guð-
jón gæti hafa leikið sinn síðasta leik
fyrir ÍBV. Aðspurður hvort honum
finnist málið hafa verið blásið upp
í fjölmiðlum svarar Guðjón því
játandi.
„Bara 100%. Ég er ekki fyrsti
leikmaðurinn sem pirrast yfir því
að vera tekinn af velli. Mér finnst
þetta hafa verið blásið upp, stormur
í vatnsglasi, en svo sem ekkert meira
um það að segja. Nú er þetta bara
búið og við keyrum á þetta,“ sagði
Guðjón við Fréttablaðið. n
Skilja sáttir eftir mikinn
hamagang og læti í Eyjum
Guðjón Pétur lýðsson, leikmaður ÍBV, og Hermann Hreiðarsson, þjálfari liðsins, liggja ekki á skoðunum sínum.

Auglýsing
um skipulagsmál í Sveitarfélaginu Vogum
Bæjarstjórn Sveitarfélagsins Voga samþykkti 27. apríl 2022 að
auglýsa tillögu að breytingu á Aðalskipulagi Sveitarfélagsins
Voga 2008-2028 – Íbúðarsvæði ÍB-3-1 vestan Vatnsleysustrand-
arvegar, skv. 31. gr. skipulagslaga nr. 123/2010. Samhliða er
auglýst breyting á deiliskipulagi skv. 1. mgr. 43. gr. skipulags-
laga nr. 123/2010.
Breytingin felst m.a. í að mögulegum íbúðum á svæðinu fjölgar
um 400 og verður hverfið fullbyggt eftir breytingu með um 850-
900 íbúðum, eða um 35-37 íbúðir á hvern hektara. Breytingin
er tilkomin vegna samkomulags landeigenda meginhluta
svæðisins og sveitarfélagsins um uppbyggingu svæðisins með
íbúðafjölda í samræmi við tillögu að breytingu á aðalskipulagi.
Samhliða gerð breytingar á aðalskiplagi er gerð breyting á
deiliskipulagi íbúðarsvæðisins Grænuborgar (sem nær yfir um
helming íbúðarsvæðis ÍB-3-1) sem fellst m.a. í því að auka þétt-
leika byggðar á svæðinu og fjölga mögulegum íbúðum.
Breytingartillögurnar verða til sýnis á bæjarskrifstofu að Iðndal
2 og á heimasíðu sveitarfélagsins www.vogar.is frá 2. júní til og
með 17. júlí 2022.
Þeim sem telja sig eiga hagsmuna að gæta er hér með gefinn
kostur á að gera athugasemdir við breytingartillögurnar til
17. júlí nk. Skila skal skriflegum athugasemdum á bæjarskrif-
stofu að Iðndal 2, 190 Vogum, eða á netfangið
byggingarfulltrui@vogar.is
Skipulags- og byggingarfulltrúi
Þ verholt 2 I Mosfellsbær 270 I Sími 525 6700 I mos.is
Tillaga að nýju deiliskipulagi
Verslunar-, þjónustu- og athafnasvæði á
Blikastaðalandi í Mosfellsbæ
Mosfellsbær auglýsir hér með tillögu að deiliskipulagi, skv.
1. mgr. 41. gr. skipulagslaga nr. 123/2010.
Um er að ræða tillögu að nýju deiliskipulagi suðvestur
af Blikastaðalandi. Fyrirhugað er að reisa byggð fyrir
atvinnukjarna, þar sem áhersla er lögð á sjálfbærni og
samnýtingu, náttúru og aðlaðandi umhverfi. Samgönguás
borgarlínu mun liggja í gegnum skipulagssvæðið.
Deiliskipulagssvæðið er um 16,9 ha og afmarkast
af Vesturlandsvegi, Korpúlfsstaðavegi, Korpu og
sveitarfélagamörkum Reykjavíkur og Mosfellsbæjar.
Tillagan verður til sýnis í þjónustuveri Mosfellsbæjar
Þverholti 2 og birt á vef Mosfellsbæjar, www.mos.is, svo
þau sem þess óska geti kynnt sér hana og gert við hana
athugasemdir. Athugasemdir skulu vera skriflegar og skal
senda þær til skipulagsnefndar Mosfellsbæjar, Þverholti 2,
270 Mosfellsbæ eða í tölvupósti á skipulag@mos.is
Athugasemdafrestur er frá 2. júní til og með 29. júlí 2022.
Sérstakur kynningarfundur íbúa með skipulagsráðgjöfum
verður auglýstur síðar.
Skipulagsfulltrúi Mosfellsbæjar
Kristinn Pálsson
hoddi@frettabladid.is
FÓTBOLTI Íslenska landsliðið er
mætt til Ísrael og mætir þar heima-
mönnum í fyrsta leik Þjóðadeildar-
innar í kvöld, Ísland leikur í B-deild
að þessu sinni. Ísland hafði í fyrstu
tvö skipti Þjóðadeildarinnar leikið
í A-deild eftir magnaðan árangur
landsliðsins árin 2016 og 2018.
Ísland er í riðli með Ísrael og
Albaníu en Rússland átti einnig að
vera í riðlinum. UEFA bannaði hins
vegar Rússum að taka þátt í keppn-
inni vegna innrásar Rússlands í
Úkraínu. Ísland getur ekki fallið
úr B-deildinni sökum þess og fara
Rússar niður í C-deild.
Miklar breytingar hafa orðið á
hópi Íslands undanfarna mánuði
og ár, hópurinn að þessu sinni er
reynslulítill og fjöldi leikmanna í
hópnum hefur lítið spilað á undan-
förnum mánuðum.
Lykilmenn spila lítið
Arnar Þór Viðarsson er með 25
manna leikmannahóp í verkefnið
sem telur fjóra leiki, ljóst er að meiri
pressa er á Arnari að skila úrslitum
og frammistöðu á þessu ári en í
fyrra. Á síðasta ári gekk mikið á í
herbúðum KSÍ, formaður og stjórn
stigu til hliðar þegar sambandið var
sakað um að hylma yfir meint kyn-
ferðisbrot landsliðsmanna. Arnar
hefur fengið marga leiki með nýtt
og breytt lið og fær nú tækifæri til
að sanna fyrir íslensku þjóðinni
hvernig sú vinna hefur heppnast.
Helsta áhyggjuefnið er hversu
margir mikilvægir leikmenn eru
að spila lítið. Arnór Sigurðsson fékk
örfáa sénsa með Venezia á liðnu
tímabili á Ítalíu þar sem liðið féll úr
efstu deild, Andri Lucas Guðjohn-
sen er í lítilli leikæfingu og Ísak
Bergmann Jóhannesson hefur ekki
verið í jafnstóru hlutverki hjá FCK
og fyrir áramót. Hörður Björgvin
Magnússon hefur eftir meiðsli ekki
fest sig í sessi hjá CSKA Moskvu og
er á förum frá Rússlandi.n
Lykilmenn í litlum hlutverkum en Arnar þarf frammistöðu
Arnar Þór þarf
að fara að sanna
ágæti sitt sem
þjálfari.
FRÉTTABLAÐIÐ/
ANTON BRINK