Fréttablaðið - 02.06.2022, Side 42

Verkin geta minnt á
auglýsingar eða byrjun
á kvikmynd og líka
verið eintóm lógó.
Er um að ræða stærstu
sýningu á þessum
verkum frá upphafi.
Myndlistarmaðurinn Sig-
urður Ámundason sýnir ný
og nýleg verk á sýningunni
What‘s Up, Ave Maria? í
Hafnarborg.
Á sýningunni eru teikningar og
vídeó. „Ég er að búa til mín vöru-
merki, sem eiga sér enga fyrirmynd
í nútímanum heldur eru hreinn til-
búningur. Fyrir mér geta vörumerki
táknað mjög margt og þótt það megi
finna nostalgíu í verkunum þá eru
þau samt lýsandi fyrir upplýsinga-
tímann árið 2022,“ segir Sigurður.
Myndirnar eru gerðar með trélit-
um, blýöntum, bleki og kúlupenna.
„Þetta voru einmitt verkfærin sem
ég notaði í skóla þegar ég var að
krota eitt og annað. Verkin geta
minnt á auglýsingar eða byrjun
á kvikmynd og líka verið eintóm
lógó. Ekkert í þeim minnir á fjölda-
framleiðslu. Þau geta svo líka verið
tákn fyrir samskipti.“
Þjáning í samskiptum
Samskipti eru listamanninum
ofarlega í huga og hann heldur
áfram: „Það er mín trú að grund-
völl mannlegra þjáninga sé að
finna í samskiptum. Við eigum öll
þennan sársauka sameiginlegan,
hvort sem um er að ræða ofdekrað
tólf ára barn eða fátæka gamla
konu. Við þekkjum öll sársaukann
í samskiptum og það að skilja ekki
eða misskilja hvert annað. Þú segir
mér kannski að þig langi til að gera
Hollywood-kvikmynd og í stað
þess að segja að það sé ágætt hjá
þér þá segi ég: Gangi þér vel – og
glotti um leið. Glottið verður eins
konar tákn, en þar sem ég hef verið
að gagnrýna þig og særa undir rós
áttu erfitt með að svara því.“
Sigurður ítrekar að lógóin í verk-
unum vísi ekki í neitt sérstakt.
„Eins og í allri góðri myndlist er
áhorfandanum ekki sagt hvað
verkin þýða, hann verður sjálfur
að túlka það.“ Hann segist nostra
við verkin. „Þau eru hrein og bein
tjáning.“
Aldrei sama tónlistin
Vídeóverkið á sýningunni sýnir
Universal k vik my ndalógóið í
lúppu en tónlistin sem er spiluð er
aldrei sú sama. Þannig má heyra
Rolling Stones, Bach og Madonnu
svo örfá nöfn séu nefnd. „Við erum
mismunandi einstaklingar með
mismunandi tónlistarsmekk og
þarna er verið að vísa til þess,“ segir
Sigurður.
Sigurður útskrifaðist frá mynd-
listardeild Listaháskóla Íslands árið
2012. Hann hefur haldið þrettán
einkasýningar og tekið þátt í fjölda
samsýninga. Árið 2020 hlaut hann
tilnefningu til hvatningarverð-
launa Íslensku myndlistarverð-
launanna. n
Hrein og bein tjáning
Ég er að búa til mín vörumerki, segir Sigurður. FRÉTTABLAÐIÐ/VALLI
kolbrunb@frettabladid.is
Stór sýning á portrettmyndum og
andlitsmyndum Kjarvals opnar á
Kjarvalsstöðum 16. júní og er um
að ræða stærstu sýningu á þessum
verkum frá upphafi.
Nú leita umsjónarmenn sýn-
ingarinnar að mynd Kjarvals af
Jóni Leifs frá ca 1958-59, og mynd
af Jóni Þorsteinssyni sýslufulltrúa
frá 1949. Þeir sem vita hvar þessar
myndir er að finna eru beðnir um
að hafa samband við Aðalstein Ing-
ólfsson listfræðing í síma 898 8466
eða í gegnum netfangið adalart@
mmedia.is. n
Leitað að Jóni Leifs
og Jóni Þorsteinssyni
Myndin af Jóni
Leifs sem leitað
er að.
MYNDIR/AÐSENDAR
Myndin af Jóni Þorsteinssyni.
Kolbrún
Bergþórsdóttir
kolbrunb
@frettabladid.is
kolbrunb@frettabladid.is
Mæðgur er yfirskrift sýningar
Gunnlaðar Jónu Rúnarsdóttur, sem
verður opnuð í Borgarbókasafninu
Spönginni í dag, fimmtudaginn 2.
júní, kl. 17.
Gunnlöð Jóna Rúnarsdóttir ljós-
myndari sýnir myndir af mæðgum,
móðirin er alltaf íslensk en dæturn-
ar eiga föður af erlendum uppruna.
Ásamt myndunum má sjá texta-
brot og hugleiðingar mæðgnanna
sjálfra, þar er meðal annars komið
inn á hvernig það sé að alast upp og
eiga tvö heimalönd. Eins er rætt um
hvernig er að eiga börn af blönd-
uðum uppruna á Íslandi og vera sjálf
einstaklingur af blönduðum upp-
runa á Íslandi. Á sýningunni má sjá
fallegan fjölbreytileika og einstök
mæðgnasambönd.
Gunnlöð er búsett í Reykjavík,
hún lauk námi við Myndlista-
skólann í Reykjavík árið 2015, Ljós-
myndaskólann árið 2018 og árið
2019 lauk hún mastersnámi við
Elisava-háskólann í Barcelona.
Hún hefur búið í Bretlandi, Kól-
umbíu og á Spáni og sækir mikinn
innblástur til þeirra landa. Gunn-
löð hefur sérhæft sig í portrettljós-
myndun en tekur að sér ýmis verk-
efni og er sífellt að vinna að eigin
verkum samhliða því.
Sýningin stendur til 26. ágúst. n
Mæðgur í Borgarbókasafninu
Gunnlöð sýnir myndir af mæðgum.
MYND/AÐSEND
Skeifunni 6 | 108 Reykjavík | Sími: 533 4450 | everest.is | everest@everest.is | facebook.com/everestverslun
Full búð af rafhjólum
FRÉTTIR, FÓLK &
MENNING
á Hringbraut
30 Menning 2. júní 2022 FIMMTUDAGURFRÉTTABLAÐIÐMENNING FRÉTTABLAÐIÐ 2. júní 2022 FIMMTUDAGUR