Fréttablaðið - 02.06.2022, Page 46

AUGLÝSINGADEILDIR – AUGLÝSINGASTJÓRI: Guðmundur Örn Jóhannsson gudmundur@torg.is, ALMENNAR AUGLÝSINGAR: SÍMI 550 5050:
Andrés Bertelsen andres@frettabladid.is, Auður Húnfjörð audur@frettabladid.is, Reynir Elís Þorvaldsson reynir@frettabladid.is, Örn Geirsson orn@frettabladid.is FÓLK/
SÉRBLÖÐ SÍMI 550 5078: Arnar Magnússon arnarm@frettabladid.is, Jóhann Waage johannwaage@frettabladid.is, Jón Ívar Vilhelmsson jonivar@frettabladid.is, Ruth Bergsdóttir
ruth@frettabladid.is FÓLK OG SÉRBLÖÐ EFNI: Elín Albertsdóttir elin@frettabladid.is RAÐAUGLÝSINGAR /FASTEIGNIR SÍMI 550 5056: Hrannar Helgason hrannar@frettabladid.is,
TÍMAMÓTA- OG ÞJÓNUSTUAUGLÝSINGAR SÍMI 550-5055: Arna Rut Kristinsdóttir arnarut@frettabladid.is
Ég var alltaf að vonast
til að Hergé myndi
koma með eina bók
sem gerðist bara hrein-
lega á Íslandi.
Faraldurinn hægði á ritstörf-
um Óskars Guðmundssonar
sem lagði subbuleg morð á
prestum til hliðar og sneri
sér að því að mála myndir af
Tinna, Kolbeini kafteini og
félögum í íslensku umhverfi.
toti@frettabladid.is
„Maður dundar sér í ýmsu,“ segir
glæpasagnahöfundurinn Óskar Guð-
mundsson um myndir sem hann
hefur málað af myndasöguhetjunni
sígildu, Tinna, og félögum hans á
kunnuglegum stöðum íslenskrar
náttúru og borgarlífs.
„Ég náttúrlega las þessar bækur
eins og margir aðrir bara þangað til
kjölurinn gaf sig,“ segir Óskar, sem
var á fermingaraldri þegar hann fékk
fyrst hugmyndina að því að mála
Tinna við íslenskar aðstæður.
„Ég var alltaf að vonast til að Hergé
myndi koma með eina bók sem
gerðist bara hreinlega á Íslandi og
ákvað að ef hann gerði það ekki þá
ætlaði ég einhvern tímann að gera
þetta bara sjálfur. Og þetta gerðist
nú aldrei nema svona að litlu leyti
þegar þeir Tinni og Kolbeinn stoppa
stutt við inni á Akureyri í Dularfullu
stjörnunni.
Það var mjög skemmtilegt. Kol-
beinn fær sér í tána og svona,“ segir
Óskar og rifjar upp nokkra sögu-
lega ramma þegar félagarnir koma
við í höfuðstað Norðurlands til þess
að fylla skipið Áróru á leið sinni á
Norðurheimskautið.
Hlé á prestsdrápum
„Þannig að þessi hugmynd er búin að
blunda lengi með mér og alltaf ein-
hvern veginn að þróast.
Það er síðan í rauninni bara í
fyrstu bylgju faraldursins sem ég
dett svolítið út úr skrifunum,“ segir
Óskar, sem var orðinn svo vanur að
skrifa á kaffihúsum að hann missti
taktinn þegar þeim var lokað og
frestaði því krimmanum Boðorðin,
sem fjallar um heldur subbuleg rað-
morð á prestum með barnagirnd, til
næsta árs og byrjaði að mála Tinna.
Tinni var einn í heiminum
„Þetta var reyndar frábær tími til að
byrja á þessu vegna þess að ég var
einn í heiminum eins og Palli þegar
ég fór niður í miðbæ að taka ljós-
myndir af stöðum sem mér datt í hug
að gaman væri að setja Tinna inn í.“
Óskar bendir til dæmis á að hann
hafi getað staðið úti á miðri Sæbraut-
inni í kortér á föstudagseftirmiðdegi
þegar hann var að mynda Hörpu og
þurfti ekki að hafa áhyggjur af því að
fólk skyggði á viðfangsefnið.
Tinni og Kolbeinn áttu því sviðið
þegar Óskar fann þeim stað í borgar-
landslaginu og nú eiga þeir vegg-
plássið í Epal Gallerí á Laugavegi þar
sem Óskar opnar sýninguna Tinni
á Íslandi klukkan 17 í dag en hún
stendur út júlí.
Migið utan í Laxness
„Ég vissi alltaf að þetta yrði mikil
vinna og það er í raun bara ekki
fyrr en núna að ég var tilbúinn til að
setja upp sýningu og það kom mér
skemmtilega á óvart hversu vel þetta
fer bara á vegg inni í stofu.“
Þegar Óskar er spurður hvort hann
hafi langað sérstaklega að finna
Tinna stað á einhverjum einum stað
umfram annan stendur ekki á svari.
„Ég er auðvitað mjög hrifinn af
öllum myndunum en það er ein sem
mér þykir gríðarlega vænt um en
hún er af Tinna að spjalla við Hall-
dór Laxness fyrir utan Gljúfrastein.
Svo stendur Tobbi hinum megin
við Jagúarinn og er að míga utan í
dekkið.“ n
Ævintýri Tinna á Gljúfrasteini
Óskar Guð-
mundsson
dundaði sér í
kófinu við að
selflytja Tinna
og félaga til
Íslands og fann
þeim kunnug-
lega staði og er
hér meðal ann-
ars með blaða-
manninn vaska
en verklausa að
baki sér á spjalli
við sjálfan Hall-
dór Laxness að
Gljúfrasteini.
FRÉTTABLAÐIÐ/
ERNIR
34 Lífið 2. júní 2022 FIMMTUDAGURFRÉTTABLAÐIÐ
BARÓNSSTÍGUR
REYKJANESBÆR
OG AKUREYRI
8-24
24/7
WWW.EXTRA.IS
ALLA
HELGINA
OPIÐ
arnartomas@frettabladid.is
Jedi-riddarinn Obi-Wan Kenobi
hefur verið alger lykilpersóna í
Stjörnustríðsmyndunum frá upp-
hafi þegar Sir Alec Guinness lék
hann í fyrsta þríleiknum og festi sig
enn frekar í sessi sem einn þeirra
allra vöskustu úr röðum hinna forn-
frægu friðargæsluliða fjarlægrar
vetrarbrautar þegar Ewan McGre-
gor lék hann ungan í forleikjunum
þremur.
Star Wars-aðdáendur um víða ver-
öld hafa því lengi beðið þess að fá að
sjá meira af ævintýrum Obi-Wans og
spennan í kringum hina nýju sex
þátta seríu, Obi-Wan Kenobi, sem
hóf göngu sína á Disney+ í síðustu
viku, er slík að ákveðið var að vekja
Bíóvarp Fréttablaðsins af dvala með
sérstakri hlaðvarpsröð þar sem
þættirnir verða brotnir til mergjar.
„Þetta er svo stór sjónvarpsvið-
burður að mér fannst ekki annað
hægt en að taka Obi-Wan fyrir í sér-
stökum hlaðvarpsþáttum,“ segir
Oddur Ævar Gunnarsson blaða-
maður, sem síðast tók Game of
Thrones álíka tökum í vinsælasta
hlaðvarpi Fréttablaðsins til þessa,
Krúnuvarpinu.
„Ég fékk sessunaut minn hérna
á blaðinu, Þórarin Þórarinsson, til
þess að vera með mér í þessu, enda
þekki ég ekki neinn sem er meiri
og ákafari Star Wars-nörd,“ segir
Oddur.
„Ætli það megi ekki bara segja að
mér renni stjörnustríðsblóðið til
skyldunnar. Ekki síst vegna þess að
Obi-Wan hefur verið minn maður
allar götur síðan ég sá hann, sjö ára,
fyrst sveifla bláu geislasverði í Nýja
bíói 1978,“ segir Þórarinn.
„Ég held líka að þetta geti orðið
áhugavert þar sem við Oddur erum
fulltrúar ólíkra kynslóða. Ég er af
þeirri upprunalegu en hann af „pre-
quel“ kynslóðinni sem burðast með
Jar Jar Binks í farteskinu. Flestum til
ama og óþæginda.
Fyrsti Bíóvarpsþátturinn er kom-
inn á Spotify en þeir munu síðan
skila sér jafnt og þétt vikulega eftir
því sem nýir Kenobi-þættir bætast
við á Disney+ á miðvikudögum. n
Máttur Kenobis vekur Bíóvarpið
Star Wars-nörd-
isminn brúar
þríleikjakyn-
slóðabilið milli
Þórarins og
Odds sem gátu
ekki stillt sig um
að elta Obi-Wan
Kenobi þættina
með sérútgáfu
af Bíóvarpi
Fréttablaðsins.
FRÉTTABLAÐIÐ/
ANTON BRINK