Fréttablaðið - 15.06.2022, Blaðsíða 11

Mest
krefjandi
verkefni
síðustu
missera
hafa því
verið að
stofna
þessa nýju
deild.
MARKAÐURINNFRÉTTABLAÐIÐMIÐVIKUDAGUR 15. júní 2022
Hera Grímsdóttir er forseti iðn-
og tæknifræðideildar Háskólans í
Reykjavík. Hún segir feril sinn hafa
verið ansi fjölbreyttan, einkennst
af ólíkum verkefnum og umhverfi
sem og stöðugt nýjum áskorunum.
Hún hafi verið svo lánsöm að hafa
alltaf fundist gaman í vinnunni og
vinnan gefi henni mjög mikið, bæði
vellíðan og útrás.
Hver eru þín helstu áhugamál?
Mér finnst skemmtilegast að
verja tíma með fjölskyldunni minni
og vinum. Þó að ég njóti þess að
vera heima, hafa það huggulegt og
Lánsöm að hafa
alltaf fundist
gaman í vinnunni
Hera Gríms-
dóttir segir París
vera uppáhalds-
borgina og hér
á landi er það
hálendið sem
heillar mest.
MYND/AÐSEND
n Svipmynd
Hera Grímsdóttir
Nám:
MSc. í byggingarverkfræði með
áherslu á framkvæmdir og ákvörð-
unartöku og MBA frá Háskólanum
í Reykjavík.
Störf:
Ég hóf störf sumarið 2002 hjá
verkfræðistofunni Línuhönnun,
sem í dag heitir EFLA, fyrst á
orkusviði og síðar á framkvæmda-
sviði. Árið 2011 söðlaði ég svo
um og hóf störf hjá stoðtækja-
fyrirtækinu Össuri þar sem ég
stýrði m.a. alþjóðlegum BIONICS
gerviútlimaverkefnum og starfaði
við að koma nýrri vörulínu af
spelkum á markaðinn. Síðla árs
2015 tók ég svo við stöðu sem
sviðsstjóri yfir byggingasviði við
Háskólann í Reykjavík og er í dag
forseti iðn- og tæknifræðideildar.
Samhliða starfi mínu hjá HR hef
ég sinnt ýmsum verkefnum, m.a.
fyrir Landsvirkjun og sprotafyrir-
tæki, kennt verkefnisstjórnun,
áhættu- og ákvörðunartöku og
tölfræði hjá HR sem og í Opna há-
skólanum til fjölda ára. Jafnframt
sit ég í fagráði Tækniþróunarsjóðs
Rannís.
Fjölskylduhagir:
Ég er mikil fjölskyldumanneskja,
er gift Birni Traustasyni, sam-
tals eigum við þrjár dætur, eitt
barnabarn og hund. Að auki er ég
mjög náin systkinum mínum og
foreldrum og finnst fátt skemmti-
legra en þegar stórfjölskyldan
hittist.
lesa góða bók þá held ég að það sé
óhætt að segja að ég sé frekar aktíf.
Fer á snjóbretti og skíði, fer á hest-
bak þegar tækifæri gefst, spila golf
og elska að ferðast innanlands sem
utan. Þá hef ég einstaklega gaman
af því að læra eitthvað nýtt og tak-
ast á við nýjar áskoranir.
Hvernig er morgunrútínan þín?
Ég er vön að vakna um kl. 7 með
dætrum mínum áður en þær fara í
skólann en þær sofa þó lengur þessa
dagana enda komnar í sumarfrí. Ég
byrja svo alla daga á að kveikja á
morgunútvarpinu, við fjölskyldan
fáum okkur oftast morgunmat
saman, græjum nesti og spjöllum
um daginn sem fram undan er.
Þegar þær svo rjúka út í skólann fæ
ég mér góðan kaffibolla eða tvo,
skoða tölvupóstana og skipulegg
daginn áður en ég held af stað til
vinnu.
Hver hafa verið mest krefjandi
verkefni á undanförnum misserum?
Að vera forseti iðn- og tækni-
fræðideildar Háskólans í Reykjavík
er bæði skemmtilegt, f jölbreytt
og krefjandi. Engir tveir dagar eru
eins og það er óhætt að segja að
mér hefur aldrei leiðst í vinnunni.
Deildin var stofnuð í mars 2019,
hefur verið í miklum vexti síðan
þá og er í dag fjórða stærsta deild
HR með rúmlega 500 nemendur.
Því fylgir mikil ábyrgð og traust
að vera forseti, því að það er afar
margt sem þarf að huga að þegar
kemur að núverandi og framtíðar
iðn- og tæknimenntun nemenda.
Þessar hröðu breytingar á störfum
og tækni sem við erum að sjá í dag
orsaka meiri eftirspurn eftir fólki
með sérhæfða tæknimenntun og
nýja gerð stjórnunarhæfni. Mest
krefjandi verkefni síðustu missera
hafa því verið að stofna þessa nýju
deild sem hefur það hlutverk að
undirbúa nemendur til að takast
á við þau fjölbreyttu verkefni sem
bíða þeirra við komuna út á vinnu-
markaðinn, sem og að takast á við
mikla vaxtarverki deildarinnar
vegna mikillar fjölgunar nemenda.
Við skulum ekki gleyma því að
Covid hafði mjög mikil áhrif á allt
skólastarf síðustu missera og gat
verið ansi krefjandi að aðlaga allt
starf vegna þess.
Ef þú ættir að velja þér annan
starfsvettvang, hver yrði hann?
Orkumálin eiga hug minn allan
þessa dagana og ég mun taka við
sem framkvæmdastýra Rannsókna
og nýsköpunar hjá OR þann 1. ágúst
nk.
Hverjar eru helstu áskoranir
fram undan?
Næsta áskorun verður að takast
á við nýtt starf sem framkvæmda-
stýra Rannsókna og nýsköpunar
hjá Orkuveitu Reykjavíkur í byrjun
ágúst. Hlutverk OR er að nýta auð-
lindir á sjálf bæran og hagkvæman
hátt og stendur Ísland frammi
fyrir miklum tækifærum sem og
áskornum á komandi árum í þeim
efnum. Orkumál eiga hug minn
allan þessa dagana, ég efast ekki um
að starfið verði krefjandi en á sama
tíma skemmtilegt og ég er full til-
hlökkunar að vinna með því góða
starfsfólki sem starfar hjá OR.
Hver er þín uppáhaldsborg?
Ég á mér margar uppáhalds-
borgir enda nýt ég þess að ferðast. Í
dag verð ég að segja að París standi
upp úr en ég fór þangað fyrr á árinu
í yndislega og eftirminnilega helg-
arferð með manninum mínum og
dætrum.
Hver er þinn uppáhaldsstaður á
Íslandi?
Við fjölskyldan höfum alltaf
ferðast mikið um Ísland og þá sér-
staklega á sumrin, hvort sem er í
útilegum, hestaferðum eða upp á
fjöll. Held það sé erfitt að gera upp
á milli allra þeirra einstöku staða
sem landið hefur upp á að bjóða
en ætli það sé ekki helst hálendi
Íslands. n