Morgunblaðið - 22.04.2022, Side 8

8 FRÉTTIR
Innlent
MORGUNBLAÐIÐ FÖSTUDAGUR 22. APRÍL 2022
Litirnir eru fjölmargir
og hægt að fá
sérblandaða hjá okkur.
HÁGÆÐA
VIÐARVÖRN FRÁ
SLIPPFÉLAGINU
Opið:
8-18 virka daga
10-14 laugardaga
Sími 588 8000
slippfelagid.is
Nú þegar veirufárið hefur gefið
mjög eftir og flestir eru farnir
að geta sinnt verkefnum sínum eins
og fyrr, veldur veiran enn tals-
verðum vanda í ein-
um stjórnmálaflokki
og verður það að telj-
ast í senn áhyggju-
og rannsóknarefni.
Menn minnast þess
þegar borgarstjóri
Reykjavíkur lét vita
af því á Twitter seint
í febrúar að borg-
arstjóri Vilnius hefði
hringt í hann og beð-
ið hann að koma með
sér til Kænugarðs til
að sýna þeim sem
þar börðust fyrir
landi sínu og lífi sam-
stöðu. „Covid kemur
í veg fyrir það,“ tísti
borgarstjórinn í Reykjavík.
- - -
Síðan eru liðnir tveir mánuðir og
borgarstjóri hefur ekki enn
treyst sér til að feta í fótspor kollega
síns frá Vilnius. Borgarstjóri Kænu-
garðs er þó talinn bíða spenntur og
sannfærður um að Dagur birtist um
svipað leyti og Biden Bandaríkja-
forseti. Sá er, líkt og Dagur, sérfræð-
ingur í svefni, þó á annan hátt sé, en
þó að þeir séu um margt líkir er ekki
vitað til að Biden hafi ætlað að sér-
hæfa sig í veirufræðum líkt og borg-
arstjóri.
- - -
Annar forystumaður Samfylking-
arinnar sem veiran hefur hindr-
að í störfum sínum að undanförnu er
formannsframbjóðandinn væntanlegi
Kristrún Frostadóttir, en hún hefur
upplýst að hafa ekki getað mótmælt
bankasölu fyrir fram vegna veiru-
pestarinnar.
- - -
Hún hefur það þó umfram Dag að
hafa náð að hrista veiruna
nægilega vel af sér til að beita sér
fyrir hugsjónum sínum eftir á og er
það óneitanlega afskaplega ánægju-
legt.
Dagur B.
Eggertsson
Pólitísk veira
STAKSTEINAR
Kristrún
Frostadóttir
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
Vegir landsins koma illa undan ein-
um erfiðasta vetri í manna minnum
og vorverkin verða ærin hjá Vega-
gerðinni þetta árið. Reynt er að gera
við holur eins fljótt og kostur er og
stundum við erfiðar aðstæður.
„Við hér á Íslandi erum ekki ein
um að berjast við holur þegar vorið
kemur með sínum leysingum. Hins
vegar erum við illa sett núna eftir
mjög þungan vetur,“ segir Birkir
Hrafn Jóakimsson, forstöðumaður á
mannvirkjasviði Vegagerðarinnar, í
myndbandi sem hægt er að skoða á
vefsíðu fyrirtækisins. Hann segir að
vatn finni sér alltaf leið þar sem veik-
leiki er í malbiki.
„Þegar vatn frýs eykst rúmmál
þess og þegar það þiðnar aftur, er
malbikið uppspennt. Ef þungur bíll
ekur þar yfir og brýtur það niður
getur hola myndast mjög hratt.“
Ingibjörg Albertsdóttir, lögfræð-
ingur hjá Vegagerðinni, segir öku-
menn geta farið inn á heimasíðu
Vegagerðarinnar ef keyrt sé ofan í
vegskemmd sem valdi tjóni á öku-
tæki þeirra. Hægt er að senda raf-
ræna tjónatilkynningu frá vefsvæði
Vegagerðarinnar. „Hún fer þá í
hefðbundið ferli innanhúss þar sem
fram fer mat á því hvort bótaskylda
sé fyrir hendi,“ segir Ingibjörg í
myndbandi Vegagerðarinnar.
Vegir koma slæmir undan vetri
- Umhleypingar í veðri, frost og þíða
hafa mikil áhrif á holumyndun á vegum
Morgunblaðið/Hari
Bundið slitlag Miklar viðgerðir eru
fram undan hjá Vegagerðinni.
Meira líf er óðum að færast yfir
Keflavíkurflugvöll eftir Covid-19-
faraldurinn og flugferðum um völlinn
fjölgar stöðugt. Búast má við að 24
flugfélög muni fljúga um völlinn í
sumar, tveimur fleiri en í fyrra. Síð-
ustu vikur hefur vel mátt sjá að Ís-
lendingar hafa verið ferðaþyrstir eft-
ir að draga fór úr umsvifum Covid-19.
Þannig fylltust langtímabílastæðin
við Leifsstöð um páskana og margir
framlengdu fríið fram yfir sumardag-
inn fyrsta.
Eins og fram kom í Morgunblaðinu
í gær flaug Play sitt fyrsta flug til
Bandaríkjanna sl. miðvikudag, þegar
flogið var til Baltimore/Washington
International-flugvallarins. Mun
Play fljúga daglega til flugvallarins
en áfangastöðum félagsins hefur far-
ið fjölgandi síðan það fór fyrst í loftið.
Kemur Play til með að bæta við fleiri
áfangastöðum í Bandaríkjunum á
næstu vikum.
„Þetta er mikilvægur dagur fyrir
Isavia og okkur sem falið er að starf-
rækja Keflavíkurflugvöll. Við fögnum
nýjum gestum og tökum vel á móti
þeim. Þessi nýja flugtenging Play-
flugfélagsins milli Íslands og Banda-
ríkjanna er enn ein staðfestingin á
því að áform um stækkun og end-
urbætur á Keflavíkurflugvelli eru
skynsamleg og byggð á vönduðum
áætlunum,“ sagði Sveinbjörn Indr-
iðason, forstjóri Isavia, við athöfn í
Leifsstöð sl. miðvikudag áður en vél
Play flaug vestur um haf.
Við sama tækifæri sagði Birgir
Jónsson, forstjóri Play, viðtökur við
Bandaríkjafluginu „ótrúlega góðar“.
„Þeir sem standa utan Play munu
seint átta sig á hversu flókið og erfitt
það er að koma á flugáætlun til
Bandaríkjanna,“ sagði Birgir m.a.
24 flugfélög fljúga til
Keflavíkur í sumar
- Ferðaþyrstir
Íslendingar hafa
tekið vel við sér
Ljósmynd/Isavia
Leifsstöð Birgir Jónsson og Svein-
björn Indriðason, forstjóri Isavia.