Austurglugginn - 07.01.2021, Blaðsíða 7

AUSTUR · GLUGGINN Fimmtudagur 7. janúar 9. desember miðvikudagur
Veðurstofan varar við vatnavöxtum vegna hlýinda
og rigninga á Austurlandi.
3. desember sunnudagur
Veðurstofan varar við skriðuhættu á Austfjörðum
vegna úrkomu.
14. desember mánudagur
Fréttir berast af minni skriðum á Austurlandi.
Spýja fellur í Ljósá á Eskifirði.
15. desember þriðjudagur
14:55 Tilkynnt um skriðuföll ofan Botnahlíðar.
Rýmingar hefjast.
15:11 Óvissustigi lýst vegna skriðhættu á
Austfjörðum.
15:33 Skriða fellur úr Nautaklauf niður á gamla
Austurveg.
Um 19:00 Stór skriða fellur ofan Botnahlíðar
inn í Dagmálalæk. Hættustigi lýst á Seyðisfirði
vegna skriðuhættu.
16. desember miðvikudagur
Rólegt en um 21:30 fellur lítil skriða milli tveggja
rýmdra húsa við Botnahlíð.
18. desember föstudagur
Um 3:00 Önnur skriða fellur úr Nautaklauf niður
á Austurveg og hrífur með sér húsið Breiðablik.
Fleiri hús rýmd og óviðkomandi umferð um
bæinn bönnuð.
Nokkuð stór skriða fellur milli Engjabakka og
Högnastaða utan Eskifjarðar og lokar veginum.
14:55 Stór aurskriða fellur á Seyðisfjörð á
utanverðan kaupstaðinn og eyðileggur 11 hús.
15:09 Rýmt frá Hafnargötu og út fjörðinn.
15:49 Öllum á Seyðisfirði skipað að gefa sig fram
í Herðubreið. Þar er þeim tilkynnt um að bærinn
verði rýmdur. Fjöldahjálparstöð í Grunnskólanum
á Egilsstöðum opnuð og gert klárt til að taka á
móti um 600 Seyðfirðingum í Egilsstaði.
18:02 Rúmlega 160 íbúar á Eskifirði þurfa að
yfirgefa heimili sín eftir að sprungur finnast í
veginum upp í Oddskarð, rétt ofan byggðarinnar.
19. desember laugardagur
Árla morguns fellur lítil skriða innan við Búðará
í Seyðisfirði. Aðstæður kannaðar í birtingu með
flygildum eftir stóru skriðuna. Vegurinn yfir
Fjarðarheiði lokaður fyrir umferð annarra en
viðbragðsaðila og bærinn tómur. Rigningum
linnir.
20. desember sunnudagur
15:17 Rýmingu aflétt á Seyðisfirði, norðan
Fjarðarár og svæðum við hana að austanverðu.
15:22 Rýmingu aflétt á Eskifirði.
21. desember mánudagur
Íbúafundur haldinn um skriðurnar á Seyðisfirði
þar sem fram kemur að skriðan sé sú stærsta sem
fallið hafi á þéttbýli á Íslandi.
22. desember þriðjudagur
10:00 Fjórir ráðherrar úr ríkisstjórninni heimsækja
Seyðisfjörð ásamt fylgdarliði. Ráðstafanir gerðar
til að hefta að brak fjúki af skriðusvæðinu.
18:00 Íbúafundur um stöðuna á Eskifirði.
Eftirlitsmenn lýsa því að þeir hafi séð sprungurnar
stækka. Engar nýjar hreyfingar síðan og vöktun
aukin verulega.
21:34 Rýmingu aflétt af húsum neðan Múlavegar
á Seyðisfirði.
23. desember miðvikudagur
Tilkynnt að rýmingu verði ekki aflétt frekar á
Seyðisfirði fyrr en 27. desember. Peningaskápur
með mikilvægustu skjölum Tækniminjasafnsins
finnst.
24. desember fimmtudagur
Hópur Seyðfirðinga kemur saman til
jólakvöldverðar í Herðubreið.
25. desember föstudagur
Tilkynnt að ákvörðun um rýmingu á Seyðisfirði
sé frestað til 28. desember.
28. desember mánudagur
Ekki hægt að hefja hreinsunarstarf vegna ófærðar
á Fjarðarheiði.
12:11 Óvissustigi vegna skriðuhættu á
Austfjörðum aflýst
17:29 Rýmingu aflétt af Múlavegi á Seyðisfirði.
Hættustig áfram í gildi.
29. desember þriðjudagur
Hópar björgunarsveita koma austur til aðstoðar
við verðmætabjörgun og tiltekt. Hreinsunarstarf
byrjar.
19:48 Rýmingu aflétt af Botnahlíð og út undir
Fossgötu.
30. desember miðvikudagur
Annar íbúafundur haldinn fyrir Seyðfirðinga.
Skýrt frá næstu aðgerðum og stærð skriðunnar
sem bar með sér um 65.000 rúmmetra af efni.
31. desember fimmtudagur
21:00 Seyðfirðingar safnast saman við Lónið og
kveikja á kertum frekar en flugeldum við áramót.
3. janúar sunnudagur
Ekki hægt að vinna í stóru skriðunni vegna
hlýinda en lokið við að grófhreinsa Austurveg
í staðinn.
4. janúar mánudagur
Á ný byrjað að moka úr stóru skriðunni.
Íbúafundum með húseigendum á svæðum sem
enn sæta rýmingum. Þeim tilkynnt að vonast sé
til að hægt verði að aflétta rýmingum en varla í
vikunni.
5. janúar þriðjudagur
Reikningur opnaður til styrktar íbúum
Seyðisfjarðar. Reikningsnúmer: 0175-05-070230
Kennitala: 530505-0570.
Tímalína skriðufallanna og tengdra atburða