Austurglugginn - 22.01.2010, Síða 11

Föstudagur 15. janúar AUSTUR · GLUGGINN 11
Hestamannafélagið Freyfaxi
stendur fyrir Mótaröð Fellabakarís
og Freyfaxa þegar nær dregur vori.
Er búið að varpa fram dagsetning-
unum 16. mars, 6. apríl, 27. apríl
og 11. maí, en þær gætu þó breyst
eitthvað. Keppt verður í fjórgangi,
tölti, fimmgangi, smala og skeiði.
Mótaröðin er ætluð hestamönnum
af öllu Austurlandi.
Þórir Guðmundsson hjá Freyfaxa
segir að reiðhöllin á Iðavöllum, sem
er í byggingu, ætti að vera orðin klár
fyrir mótið, en hún er núna rúmlega
fokheld. Eftir er að steypa eitthvað
í áhorfendastæðum og setja bráða-
birgðaefni á gólf.
Mótaröðin verður haldin fyrir tilstyrk
fyrirtækja sem leggja til fjármagn
og stefnt er að peningaverðlaunum
fyrir fyrstu þrjú sætin í samanlögðum
greinum. ,,Við hvetjum alla sem hafa
áhuga til að setja sig í samband við
okkur og vonumst til að sjá sem
flesta. Þetta gætu orðið góðar kvöld-
stundir hjá okkur þarna í höllinni hjá
hestamönnum og áhorfendum sem
hafa áhuga á þessari íþrótt,“ segir
Þórir, sem kveður þá Freyfaxamenn
afar spennta fyrir að byrja starfið í
reiðhöllinni.
Ístölt Austurland er dagsett laug-
ardaginn 27. febrúar nk., en nánari
upplýsingar um mótið koma síðar.
Hugsast getur að formleg vígsla reið-
hallarinnar á Iðavöllum fari fram í
tengslum við ístöltið.
Fagráð í hrossarækt hefur ákveðið
tímasetningar kynbótasýninga árið
2010. Alls verða sýningarnar 19 tals-
ins og verður sú fyrsta á Sauðárkróki
dagana 22. og 23. apríl og síðasta
sýningin verður svo dagana 18. -
20. ágúst í Skagafirði/Eyjafirði.
Kynbótasýning verður á Hornafirði
1.-2. júní nk. og á Héraði 3. og 4.
júní.
Á heimasíðu UMFÍ mátti nýlega
lesa um að Umf. Austri á Eskifirði
hafði haldið upp á 70 ára afmæli sitt
1. desember sl. Ekki var afmælisdag-
urinn tilgreindur sérstaklega, en þess
þar getið að Austramenn miði við að
stofnár félagsins sé 1939.
Undanfarna áratugi hefur það verið
tómstundagaman mitt sem sagnfræð-
ings að safna saman upplýsingum um
upphaf og feril íslenskra íþrótta- og
ungmennafélaga og hef ég skráð hjá
mér stofndaga tæplega eitt þúsund
slíkra félaga með svo nákvæmum
heimildum sem unnt er. Samkvæmt
mínum heimildum var Umf. Austri
stofnaður 9. október 1938 og hét þá
Umf. Eskifjarðar. Nafninu var breytt
í Austra 27. janúar 1940. Þetta gefur
að lesa í grein sem birtist í Skinfaxa,
blaði UMFÍ, 2. hefti 1950. Greinin
ber með sér að gjörðabækur félagsins
hafa þá verið tiltækar. Hvernig á því
stendur að nú er félagið talið stofnað
1939 er ekki gott að vita, en svo virð-
ist að elstu gjörðabækur félagsins
séu ekki til staðar. Reynsla mín við
söguritun hefur kennt mér að þegar
kemur að ártölum er minni manna
fremur ótraust heimild og því lakari
sem lengra líður frá atburðum.
Ég hafði samband við forsvarsmenn
Austra og vakti athygli þeirra á þess-
ari heimild. Í svari formannsins kom
fram að haldið hafi verið upp á afmæli
félagsins samkvæmt 1939 reglunni
síðustu þrjá áratugi. Honum virtist
ekki kunnugt um greinina í Skinfaxa
og sýndi ekki áhuga þegar ég bauðst
til að útvega honum ljósrit hennar.
Þar sem ég tel ekki útilokað að les-
endur Austurgluggans hafi áhuga á
að skoða þetta mál betur sendi ég
blaðinu ljósrit af umræddri blaða-
grein, ef það kynni að verða til þess að
bregða frekara ljósi á þetta mál.
Höfundur er sagnfræðingur og frá
Vosabæjarhóli.
Bréf til blaðsins
Hversu gamall er Austri?
Jón M. Ívarsson skrifar:
Skinfaxi, 2., 1950. Umf. Austri Eskifirði, 10 ára.
,,Þann 2. jan. sl. var Umf. Austri á Eskifirði 10 ára. Að vísu er ungmennafélagsskapurinn á staðnum tæplega tveim
árum eldri, því Austri var stofnaður upp úr öðru félagi, Umf. Eskifjarðar, sem stofnað var 9. okt. 1938. Aðalhvatamenn
þeirrar félagsstofnunar voru tveir af kennurum barnaskólans, þeir Sigurbjörn Ketilsson, nú skólastjóri í Ytri-
Njarðvík og undirritaður (Ragnar Þorsteinsson, innsk.blm.). Umf. Eskifjarðar var aldrei fjölmennt, en þó lagði
það grundvöll að íþróttastarfi, keypti m.a. skíði og leigði þau félögunum gegn vægu gjaldi. Tók það einnig á dag-
skrá byggingu félagsheimilis og sundlaugar, þó ekkert væri hægt að framkvæma þann stutta tíma sem það starfaði.
Haustið 1939 bættust félaginu nýir starfskraftar, þar á meðal Skúli Þorsteinsson, sem þá varð skólastjóri á Eskifirði
og urðu nú þáttaskil í félagsstarfinu. Hvatti Skúli til þess, að félagið gengi í U.M.F.Í., svo það gæti notið réttinda þar
og ýmissa hlunninda. Á aðalfundi 12. jan. 1940 var samþykkt, að félagið gengi í U.M.F.Í. og jafnframt yrði breytt
nafni félagsins og lögum til samræmis við lög U.M.F.Í. Kosin var nefnd til að undirbúa þessar breytingar á næsta
fundi. Þann 27. jan. 1940 var svo haldinn síðasti fundur í Umf. Eskifjarðar. Þar kom fram sú tillaga, að hið nýja
félag fengi nafnið Austri, og var það samþykkt í einu hljóði. Fyrsti formaður Umf. Austra var Skúli Þorsteinsson.
Á þessum fundi var yngra fólk tekið í félagið, allt niður í 12 ára aldur. ...“ Skráð af Ragnari Þorsteinssyni.
Fimm lið úr
meistarflokki keppa
á SVN-mótinu
Síldarvinnslumótið í knattspyrnu
hófst á föstudag fyrir viku. Nýstofnað
Knattspyrnudómarafélag Austur-
lands stendur fyrir mótinu og er
leikið í Fjarðabyggðarhöllinni og á
Fellavelli. Leiknir voru tveir leikir
á föstudag, en þá mætti Höttur
Sindra (2-2) og Fjarðabyggð mætti
Hugin (1-0). Á laugardag spiluðu
Huginn og Sindri (1-3) og á mið-
vikudaginn var mættust Leiknir F.
og Höttur.
Fimm austfirsk lið úr meistara-
flokki karla eru skráð í Síldarvinnsl-
umótið; Fjarðabyggð, Huginn,
Höttur, Leiknir og Sindri.
27. janúar kl. 19:20
Leiknir F.- Fjarðabyggð /
Fjarðabyggðarhöll
29. janúar kl. 19:00
Fjarðabyggð-Sindri /
Fjarðabyggðarhöll
30. janúar kl. 14:00
Höttur-Huginn / Fellavöllur
3. febrúar kl. 19:20
Fjarðabyggð-Höttur /
Fjarðabyggðarhöll
5. febrúar kl. 19:00
Sindri-Leiknir F. /
Fjarðabyggðarhöll
6. febrúar kl. 14:00
Leiknir F-Huginn /
Fjarðabyggðarhöll
Undanúrslit fara fram 12.
febrúar kl. 19:00 1.-4. sæti /
Fjarðabyggðarhöll og 2.-3. sæti /
Fellavöllur.
Úrslitaleikir mótsins fara fram
13. febrúar.
Hestar
Mótaröð Fellabakarís og Freyfaxa með vori
Ný reiðhöll rís á Iðavöllum. Mynd/Freyfaxi.
Ásta Birna Magnúsdóttir frá Djúpavogi
hefur verið iðin við að efla sig í golfinu
undanfarin ár. Hún yfirgaf Golfklúbbinn
Keili fyrir skemmstu og æfir nú og keppir
fyrir Lippstadt í Westfalen í Þýskalandi,
þar sem hún stundar jafnframt nám í
sjúkraþjálfun. Á vefsíðunni kylfingur.is
kemur fram að Ásta náði góðum árangri á
GSÍ-mótaröðinni í golfi sl. tvö ár og vann
fyrsta mót sitt sumarið 2008 í Leirunni.
Sama ár varð hún Íslandsmeistari í holu-
keppni, hlaut þriðja sætið á Íslandsmóti í
höggleik síðasta sumar og annað sætið á
Íslandsmótinu í holukeppni.
Golf
Kylfingurinn Ásta Birna í Þýskalandi
Kylfingurinn Ásta Birna Magnús-
dóttir æfir og keppir í Þýskalandi í
náinni framtíð.
Mynd/www.kylf ingur.is.