Austurglugginn - 13.07.2012, Qupperneq 2

2 AUSTUR · GLUGGINN Föstudagur 13. júlí
Tjörvi hættur
Tjörvi Hrafnkelsson, bæjarfulltrúi
af L-lista í Fljótsdalshéraði, er
hættur í bæjarstjórn
vegna aukinna
verkefna í öðru
starfi. Á bloggsíðu
sinni, tjorvi.blog.
is, útskýrir hann
ástæður sínar og
þar kemur fram að verkefni á
öðrum vettvangi hafi undið upp
á sig en Tjörvi er m.a. einn for-
ystumanna Austurnets. Á blogg-
síðunni segir:
„Það er mín skoðun að bæjar-
fulltrúi sem ætlar að standa sig í
sínu hlutverki þurfi að hafa til ráð-
stöfunar að lágmarki 40 klukku-
stundir í mánuði ef hann ætlar að
stunda hlutverk sittaf metnaði.
Það er ljóst að það er erfitt fyrir
mig að búa þann tíma til miðað
við  verkefnastöðu.“
Tjörvi hefur sinnt starfi bæjar-
fulltrúa í fimmtán mánuði og
segir þessa ákvörðun erfiða: „Ég
vona samt að það fólk sem ég hef
unnið með í bæjarmálunum og þeir
sem kusu mig til að sinna þessu
hlutverki, hafi skilning á þessari
ákvörðun minni.“
Mikil vinna á
Vopnafirði
Vinnslan á síld og makríl er komin
í gang af fullum krafti á Vopnafirði.
Um 2.700 tonn af fiski hafa borist
að landi frá því að veiðar hófust um
sl. mánaðamót og nú vinna hátt í
150 manns við vinnslu á aflanum
í uppsjávarfrystihúsi HB Granda
á staðnum. Að sögn vinnslu-
stjóra HB Granda hefur aflinn
verið ferskur en þó nokkuð af átu.
Hlutfall síldar í aflanum er um 60
prósent. Síldin er flökuð og síðan
fryst. Smærri makríllinn er haus-
skorinn og slógdregin en sá stærri
heilfrystur. Sáralítið af heilum fiski
hefur farið í bræðslu.
Austurglugginn er á facebook
Stjórn Austurbrúar hefur gengið frá
samkomulagi um starfslok við Þorkel
J. Pálsson, framkvæmdastjóra Aust-
urbrúar. Þorkell tók til starfa í byrjun
apríl á þessu ári og vann með verk-
efnisstjórninni að stofnun Aust-
urbrúar. Stofnfundur Austurbrúar
var haldinn þann 8. maí sl. að við-
staddri ríkisstjórninni en stofnunin
tók svo formlega til starfa þann 1.
júní sl.
Í tilkynningu frá stjórn Austur-
brúar segir að samkomulag hafi orðið
um starfslok Þorkels að loknum
reynslutíma en hann er fjórir mánuðir
samkvæmt ráðningarsamningi.
Stjórnin tekur það fram að Þorkell
hafi unnið störf sín „af kostgæfni
og reyndist þekking hans og reynsla
mikilvæg við að setja á stofn nýja
sameinaða stoðstofnun.“
Austurglugginn greindi frá því
í lok júní að óróleiki væri innan
stofnunarinnar. Greint var frá því
að mörgum þætti vinnan við skipu-
lagningu og uppbyggingu Aust-
urbrúar ganga of hægt og að kurr
væri meðal starfsmanna Austurbrúar
og sveitarstjórnarmanna á Austur-
landi. Blaðið sagði þá frá því að
síðla júnímánaðar hafi hluti starfs-
manna Austurbrúar sent stjórninni
yfirlýsingu þar sem áhyggjum var
lýst yfir innri vinnu stofnunarinnar
og upplýsingaflæðið gagnrýnt.
Stjórnin brást við með því að boða
strax til fundar eftir að bréfið barst.
Óánægjan virtist einkum beinast að
framkvæmdastjóra stofnunarinnar,
Þorkeli Pálssyni.
Samkvæmt heimildum Austur-
gluggans fékk Þorkell ákveðinn frest
til að vinna úr þeim óróleika sem upp
var kominn en svo virðist sem það
hafi ekki gengið eftir.
„Með stofnun Austurbrúar var
starfsemi fimm stoðstofnana á
Austurlandi sameinuð í eina stofnun
með eina stjórn og framkvæmda-
stjóra auk fimmtán manna fagráðs.
Slíkum breytingum fylgja jafnan
flókin úrlausnarefni, ekki síst í starfs-
mannamálum. Stjórn Austurbrúar
leggur áherslu á að viðhalda fullum
trúnaði og trausti allra starfsmanna
og hagsmunaaðila er tengjast stofn-
uninni og mun sjá til þess að samein-
ingin skili tilætluðum árangri. Flest
hefur gengið eftir áætlun síðustu
mánuði og stofnsetning Austurbrúar
er afstaðin undir stjórn fráfarandi
framkvæmdastjóra. Það var hins
vegar mat stjórnar að nýjan stjórn-
anda þyrfti til að leiða stofnunina í
næstu skrefum“ segir í tilkynningu
stjórnar.
Að lokum segir í tilkynningunni
að áfram verði „unnið af fullum
krafti að uppbyggingu Austurbrúar
og mun stjórn og starfsfólk skipta
með sér verkum og ábyrgð þangað til
aftur hefur verið ráðið í starf fram-
kvæmdastjóra. Stjórn Austurbrúar
þakkar Þorkeli fyrir hans aðkomu að
upphafi Austurbrúar og tekur skýrt
fram að starfslok hans eru gerð í fullu
samkomulagi við hann og af þeim
verða engir eftirmálar“.
-RS-
„Þessi próf eru komin til að vera.
Það er alveg ljóst,“ segir Hjörtur
Magnason, héraðsdýralæknir á
Austurlandi og prófdómari í skot-
prófum sem nýverið var ákveðið að
hreindýraveiðimenn þyrftu að þreyta.
Prófið er skilyrði þess að menn fái að
skjóta hreindýr.
Fyrstu prófin fóru fram fyrir stuttu
og féll um þriðjungur veiðimanna og
þar af vissi Hjörtur um sjö eftirlits-
menn sem féllu. „Þetta þýðir ekki
endilega að menn séu lélegar skyttur,“
segir Hjörtur. „Menn mæta einfald-
lega ekki vel undirbúnir í þessi próf
og gæta ekki að því að byssurnar séu
í lagi. Það breytir ekki því að svona
fara menn væntanlega á veiðar og
maður sér það í hreindýraverkun-
arstöðinni að menn skjóta dýrin í
lappir, afturenda, í kvið, í kjálka og
svo framvegis. “
Ætlast er til þess að veiðimaður
geti hitt hring sem er fjórtán sm
í þvermál á hundrað metra færi.
Hringurinn er kyrr og skyttan not-
ast við tvífót. „Ef maður getur ekki
hitt við þessar aðstæður þá á maður
ekki að fara á veiðar,“ segir Hjörtur
og bætir við að víða erlendis, t.d. í
Svíþjóð séu kröfurnar miklu meiri.
„Þá þarftu að geta skotið elg sem er á
fimmtíu km hraða,“ segir hann. „Ef
þú getur það ekki þá færðu ekki að
veiða.“ Hann segir ennfremur ein-
staklega dapurlegt að eftirlitsmenn
skuli falla á þessu prófi. „Þetta eru
mennirnir sem eiga að grípa inn í
þegar skot veiðimanns misheppnast
og ljúka verkinu.“ Þeir munu þó ekki
missa leyfin sín nema þeir falli þrisvar
sinnum á prófinu.
Hjörtur segir útkomuna á próf-
inu sýna að meiri fagmennsku sé
þörf meðal veiðimanna og segist
eiga erfitt með að skilja hvers vegna
svona margir falli á prófinu. „Manni
blöskrar trassaskapurinn,“ segir hann.
Þriðjungur veiðimanna féll á skotprófi:
„Manni blöskrar
trassaskapurinn“
-segir prófdómarinn
Þorkell J. Pálsson, fráfarandi framkvæmda-
stjóri Austurbrúar.
Samið um starfslok fram-
kvæmdastjóra Austurbrúar