Austurglugginn - 24.06.2016, Blaðsíða 2

2 Föstudagur 24. júní AUSTUR · GLUGGINN
Íbúar Vopnafjarðar vinna nú að
byggðaþróunarverkefninu Velj-
um Vopnafjörð, en það er sam-
starfsverkefni Vopnafjarðarhrepps,
Byggðastofnunar og Austurbrúar.
„Markmið verkefnisins er að snúa
byggðaþróuninni við en okkur hef-
ur verið að fækka og samfélagið að
verða eldra, við þessu viljum við
sporna,“ sagði Ólafur Áki Ragnars-
son, sveitarstjóri á Vopnafirði í sam-
tali við Austurgluggann.
Blásið var til íbúaþings á Vopna-
firði í aprílmánuði en með því hófst
byggðaþróunarverkefnið. Annað þing
var haldið í kjölfarið, þann 15. júní
síðastliðinn.
„Þátttaka fór fram úr okkar björt-
ustu vonum en um 80 manns sóttu
þingið í apríl sem einkenndist af
krafti og gleði,“ segir Ólafur Áki.
Kosin var verkefnastjórn sem falið
var það hlutverk að greina þær til-
lögur sem fæddust og koma þeim í
ákveðinn farveg en það eru íbúarnir
sjálfir sem koma með tillögur og
vinna að verkefnunum.
„Á seinna þingið mættu um 40
manns sem fóru yfir þrettán verkefni
sem verkefnastjórnin hafði sett upp.
Verkefnið „fjölgun ungs fólks 20-40
ára“ var með hæsta vægi þingfull-
trúa, þá atvinnumál og svo „viðhorf
til samfélagsins, upp úr sófanum“.
Fjölmörg önnur verkefni voru á
listanum svo sem hreindýraeldi og
ræktun á bújörð, útivist/sundlaug,
heimaþjónusta og heilbrigðisþjón-
usta, landbúnaður og mannlíf og
afþreying,“ segir Ólafur Áki.
Þótti hugmyndafræðin
skemmtileg
Aðspurður af hverju unnið sé eftir
þessari hugmyndafræði, segir Ólaf-
ur Áki:
„Ég starfaði áður hjá Austurbrú
og kom meðal annars að verkefninu
Brothættar byggðir, á Breiðdalsvík.
Mér þótti hugmyndafræðin áhugaverð
og hafði samband við Byggðastofnun
til að athuga hvort við gætum sett
upp verkefni hér eftir svipaðri hug-
myndafræði. Þó svo að við séum ekki
brothætt byggð stöndum við frammi
fyrir ýmsum veikleikum sem þyrfti að
kítta í og mun sterkara er að reyna að
laga þá strax en það er gífurlega erfitt
að snúa við byggðalagi sem komið
er í alvarlega erfiðleika.
Atvinnulífið okkar er vissulega
sterkt hvað varðar sjávarútveginn en
það mætti vera fjölbreyttara. Við eig-
um öflugt íþróttafélag og björgunar-
sveit svo fátt eitt sé nefnt. Markmið
okkar er að virkja fólkið okkar enn
frekar, bæði í atvinnulífi, menningu
og félagsstarfi.
Mikilvægast er að það eru íbúarnir
sjálfir sem eru að framkvæma hlutina
en ekki sveitarstjórnin, sem þó auð-
vitað verður ákveðið bakland og
tekur lokaákvarðanir í verkefnum
sem að henni snúa. Við heyrðum
raddir sem spurðu hvort þetta væri
enn eitt „gula miða þingið“ þar sem
hugmyndir fæðast og þær fara inn
í stjórnsýsluna en svo er ekki, hér
verða hugmyndirnar framkvæmdar.“
Þriðja þingið verður haldið í haust
þar sem staðan verður tekin og málin
metin upp á nýtt. „Á þinginu í júní
fengum við frumkvöðla nokkurra
verkefna til þess að greina frá stöðu
mála og hvað hefði gerst frá síðasta
þingi. Við fengum einnig aðstoð frá
Nýsköpunarmiðstöð og Austurbrú.
Verkefnið er hugsað til eins árs en
vel getur verið að það standi lengur,
í það minnsta er mikill áhugi fyrir
því af minni hálfu.
Sérstakt merki hefur verið hann-
að fyrir verkefnið, en í því eru þrjár
stjörnur sem standa fyrir „Yngri –
Kraftmeiri – Fjölbreyttari“. Merkið
er einkennandi fyrir verkefnið en
þetta eru þau orð sem okkur þóttu
einkenna þingið í apríl,“ segir Ólafur
Áki. KBS
Að ráðningum loknum hjá þjónustu-
miðstöðvum og Vinnuskóla Fjarða-
byggðar er ljóst að ásókn í sumar-
störfin hefur minnkað á milli ára.
Bæjarverkstjórum í Fjarðabyggð ber
saman um að umsóknum ungmenna
17 ára og eldri hjá þjónustumið-
stöðvum hafi fækkað um þriðjung
og um fimmtung hjá 15 og 16 ára
unglingum vegna vinnuskólans.
Af þessum ástæðum er ljóst að
erfitt verður fyrir Þjónustumiðstöð
Fjarðabyggðar að halda uppi sama
þjónustustigi og verið hefur, enda
þótt sama kapp og áður verði lagt á
góða ásýnd allra bæjarkjarna.
„Við höfum farið vel yfir þessi mál
og höfum komist að því að unga fólk-
ið er einfaldlega að ráða sig í önnur
störf, mest í þjónustustörf eins og á
hótel og matsölustaði en þó borgar
Fjarðabyggð almennt betur en önnur
sveitarfélög í eldri aldursflokkunum.
Það hefur verið stígandi í þessu
undanfarin ár en munurinn er tölu-
verður núna miðað við í fyrra, sér-
staklega í aldursflokknum sextán ára
og eldri. Þetta eru vissulega góðar
fréttir að því leyti að þær segja okkur
að atvinnulífið sé blómlegt og standi
vel, en á móti kemur að það verður
kannski ekki alveg eins mikið slegið
í sumar en við erum að leita lausna.
Heildarásýnd Fjarðabyggðar er eftir
sem áður sameiginlegt hagsmunamál
allra og eru þeim færðar þakkir sem
leggja sitt af mörkum með snyrtileg-
um görðum og vel hirtum svæðum
í kringum fyrirtæki og stofnanir,“
segir Páll Björgvin Guðmundsson,
bæjarstjóri í Fjarðabyggð.
KBS
Herbergjum fjölgar
úr 26 í 47
Framkvæmdum á nýrri byggingu
við Fosshótel Austfjarða í franska
spítalanum á Fáskrúðsfirði er lokið
og farið er að taka á móti gestum á
stærra hóteli. Hótel hefur verið rekið
í endurbyggðu húsunum frá árinu
2014 og var fjöldi herbergja fram
að þessu 26 en með nýbyggingunni
hefur þeim fjölgað í 47.
Svartrotta fannst á
Egilsstöðum
Svartrotta fannst nýverið við sorp-
hirðu á Egilsstöðum en starfssvæði
Heilbrigðiseftirlitsins hefur verið
laust við rottur árum saman. Mein-
dýraeyðir fargaði dýrinu og ferðir
sorphirðubílsins verið raktar til að
reyna að finna út hvar rottan hefur
komist í bílinn. Heilbrigðiseftirlitið
brýnir fyrir fólki að tilkynna um
rottur og að allir leggist á eitt til
að fyrirbyggja rottugang.
Heilsársstörfum fjölgar
í HB Granda
Miklar framkvæmdir standa nú
yfir hjá HB Granda á Vopnafirði
sem er að byggja upp bolfisk-
vinnslu á staðnum. Vinnslan á að
starfa meðan hlé er á uppsjávar-
vinnslu og fjölga þannig heilsárs-
störfum. Framkvæmdin kostar um
einn milljarð og allt að 40 manns
munu starfa í vinnslunni. Áætlað
er að vinnslan taki til starfa um
miðjan október.
Úrsagnir úr Framsóknar-
flokknum á Héraði
Tveir varabæjarfulltrúar Fram-
sóknarflokksins á Fljótsdalshér-
aði og tveir fulltrúar sem sitja í
nefndum fyrir hönd flokksins hafa
gengið úr flokknum á undanförnum
dögum. Ástæðan er sögð óánægja
með formann flokksins, Sigmund
Davíð Gunnlaugsson, og hvernig
tekið hafi verið á málum hans inn-
an flokksins eftir umfjöllun um
Panamaskjölin.
MOLAR
Góð þátttaka var í verkefninu sem ætlað er að snúa byggðaþróuninni á Vopnafirði við.
Frá Reyðarfirði. Ljósmynd: Fjarðabyggð.
Vopnafjörður
„Íbúarnir sjálfir framkvæma hlutina“
„Kannski ekki alveg eins mikið slegið í sumar“