Austurglugginn - 24.09.2010, Blaðsíða 4

4 AUSTUR · GLUGGINN Föstudagur 24. september
BÚÐAREYRI 7, 730 REYÐARFJÖRÐUR
Ritstjóri & ábyrgðarmaður: Ragnar Sigurðsson • frett@austurglugginn.is • Fréttasími: 477 1750
Auglýsingastjóri og þjónusta við áskrifendur: Erla Sigrún Einarsdóttir • 477 1571 & 891 6484 - auglysing@austurglugginn.is
Fréttaritari í Neskaupstað: Áslaug Lárusdóttir s. 695 8498 - aslaugl@gmail.com • Fréttaritari á Vopnafirði: Bjarki Björgólfsson s. 854 9482 - kompan@vortex.is
Útgefandi: Útgáfufélag Austurlands ehf. • Umbrot og prentun: Héraðsprent.
NEFNDANEFND
Hjalli
Vísnahornið
Nú standa göngur og réttir sem hæst
og í tilefni af því var síðasti botn um
smala. Eins og áður eru menn dug-
legir að senda inn botna og hér koma
þrír er bárust vísnahorninu:
Peli, hundur, ponta, hross
poki, kofi, glaumur.
Sauðfé, réttir, söngur, koss
sannur óskadraumur.
Baldur Grétarsson, Kirkjubæ
Peli, hundur, ponta, hross,
poki, kofi, glaumur.
Hvítra lagða fellur foss
um fagra hlíð sem taumur.
Sævar Sigurbjarnarson
Egilsstöðum
Peli, hundur, ponta, hross
poki, kofi, glaumur.
Sumir fá hjá konu koss,
kannski einhver aumur.
Bergljót Kjartansdóttir,
Egilsstöðum
Fyrir nokkrum dögum var ég á
gangi um Reyðarfjörð og var litið
á Hádegisfjallið speglast í hafflet-
inum. Þá varð mér hugsað til orða
Englendings er ég þekki og hefur
verið búsettur hér í nokkur ár. Ég
hafði hitt hann á förnum vegi og
fór að velta fyrir mér hvenær hann
ætlaði heim aftur. Hvort væri ekki
erfitt fyrir stórborgarbúann að hírast
hér í þessum smábæ. Svarið var á þá
leið að hví ætti hann að yfirgefa þetta
útsýni og benti um leið á áðurnefnt
fjall. Ástæðan fyrir því að ég velti
þessu fyrir mér núna er að nokkrum
árum eftir að ég flutti á Reyðarfjörð
var ég spurður hvernig mér fyndist.
Þá svaraði ég á þessa leið en vona
að skaparinn sé búinn að fyrirgefa
mér:
Reyðarfjörður ekki finnst
mér fagur vera.
Finnast hérna fjölmörg lýti
fleiri tel ég varla í víti.
Í síðustu viku voru bæjarstjóra-
skipti í Fjarðabyggð. Bæjarstýra lét
af störfum en bæjarstjóri tók við.
Síðast þegar ég fór með Flugfélagi
Íslands þá var flugstjóri sem flaug
en var þrátt fyrir það kona. Gott að
það þarf ekki alls staðar að breyta
orðum. Kannski lifum við það að
kvenkyns kennari verður kenn-
ara og ritari verður ritara. En aftur
að Fjarðabyggð. Knattspyrnufélag
Fjarðabyggðar hélt upp á stjóra-
skiptin með því að falla í 2. deild og
það með stæl en trúlega boðar þetta
aðeins gott eitt því fall er faraheill:
Fjarðabyggð var flengd með stæl
er fögnuðu þeir Páli.
Endilega botnið þennan fyrripart
og sendið á netfangið frett@austur-
glugginn.is.
Vísnakveðja
Glúmur
Það er ógerlegt að halda sig fjarri þjóðmálaumræðunni þessa dag-
ana og þá einna helst umræðum um þingið í tengslum við skýrslu
þingmannanefndar til að fjalla um skýrslu rannsóknarnefndar
Alþingis. Eftir allar umræður vikunnar fór ég að leiða hugann
að öllum þeim nefndum sem hefðu skilað af sér störfum síðastliðna mán-
uði eða væru að störfum nú eða þá að taka til starfa. Mikið var rætt um
rannsóknarnefnd Alþingis og nú stendur umræðan hvað hæst um skýrslu
þingmannanefndar um skýrslu rannsóknarnefndar og þá hvort beri að vísa
henni til þingmannanefndar aftur nú eða þá allsherjarnefndar. Þá má ekki
gleyma umræðum um sáttanefndina í sjávarútvegsmálum, sannleiksnefnd-
ina um biskupsmálið sem forsætisnefnd kirkjuþings hyggst setja á laggirnar
og MAGMA nefndina.
Eftir allar þessar nefndahugleiðingar gerði ég snögga athugun á umfjöllun
netfréttamiðlanna og fleiri miðla og sá fljótlega að fréttaumfjöllun um nefndir,
störf nefnda og skýrslur nefnda var óskaplega mikil. Í ljósi þess leiddi ég
hugann að umræðum sem hafa skapast um þessar nefndir og komst fljótt
að því að hún tengdist nokkuð oft því að ánægja var um starf nefndanna
en ósætti um útkomu vinnu þeirra og að henni bæri að vísa í aðra nefnd til
lagfæringar nú eða þá í sömu nefnd eða ráðherra. Svo fyrir nokkru síðan
bættist við í flóru afgreiðslna nefnda þegar þingmannanefnd um skýrslu
rannsóknarnefndar Alþingis lét gera greiningu á rannsóknarskýrslunni með
kynjagleraugum. Ég verð að viðurkenna að ég hef ekki haft tíma til þess
að kynna mér þau störf né skil á þeirri athugun en velti því fyrir mér hvort
þar sé að bætast við nýr angi nefndastarfs, svokölluð hliðarnefnd sem rýnir
í störf nefndarinnar með ákveðnum gleraugum. Kannski verður einhver-
tímann nefndaþing sett á laggirnar þar sem nefndanefnd tekur fyrir störf
hinna ýmsu nefnda.
Svo verður tíminn að leiða í ljós hvernig umræðan um endanlegt uppgjör
margra þessara nefnda verður.
Austurglugginn fjallar einnig um nefndir eins og í þessu tölublaði og svo
mun næsta tölublað eflaust bera nokkurn keim af nefndastarfi SSA aðal-
fundarins. Það má því vel hugsa sér að árið 2010 verði eftirminnilegt sem
ár hinna mörgu nefnda.
Fall er fararheill
ART-þjálfun!
Í fyrra vetur fór af stað ART-þjálfun
í Grunnskóla Reyðarfjarðar. ART-
þjálfun er fastmótað, uppeldisfræði-
legt þjálfunarmódel sem hefur það
markmið að fyrirbyggja ofbeldi
og kenna aðrar leiðir til að leysa
samskipta-, tilfinninga- og hegð-
unarvanda.
Í vetur mun ART-þjálfun verða
kennd í bekkjarkennslu þar sem
kennt verður 3 sinnum í viku.
Bandarískar og norrænar rannsóknir
sýna fram á að ART-þjálfun dregur
úr líkamlegu og andlegu ofbeldi.
Þjálfun og kennsla styrkir einnig
og eflir félagsfærni, sjálfstraust og
siðferðisþroska. Reynslan sýnir að
nemendur geta tekið á aðstæðum
sem þeim áður leið illa í og kom
þeim oft í vanda og/eða vanlíðan,
þeir verða öruggari með sig og verða
sjálfstæðari og ánægðari eftir mark-
vissa ART-þjálfun.