Austurglugginn - 09.10.2009, Side 7

Föstudagur 9. október AUSTUR · GLUGGINN 7
Hver urðu viðbrögðin við fréttinni um Ávaxtasultuverksmiðjuna?
Hvað heldur Konni maríubjalla um dularfulla hlutinn í horninu?
Hvers vegna varð húð Möttu hvít?
Hvað finnst þér að skordýrin ættu að gera núna?
Værir þú á fréttastofunni, hvernig hefðir þú komið í veg fyrir rifrildið milli
Möttu og Magga margfætlu?
Endurskrifaðu þann part sögunnar og bættu þér inn sem sögupersónu.
Finnst þér Matta vera frekjudós og yfirgangsseggur?
Haltu fund í bekknum þínum um hvernig á að bregðast við fólki sem
hagar sér þannig. Búðu til plakat til að hengja upp í skólastofunni með
,,Frekjudósir bannaðar.“
Skordýraveröldin:
Í sögunni finnum við út að Kata könguló er ekki skordýr. Hvaða aðrar
sögupersónur eru ekki heldur skordýr? Hver eru fjögur megineinkenni
skordýra?
Fréttablað:
Finnst þér að fréttablað ætti bæði að fjalla um slæmar og góðar fréttir? Hvort
eru fleiri slæmar eða góðar fréttir og greinar í Austurglugganum í dag?
nc. Í tilefni af átaki Sameinuðu þjóðanna um læsi birtir Austurglugginn framhaldssögu fyrir börn um Jónsa fréttaritara í átta hlutum. Kaflarnir birtast einu sinni í viku. Sagan er gefin út af alþjóðasamtökum blaðaútgefenda (WAN). Sagan fjallar um ævintýri Jónsa fréttaritara í heimi skordýranna. Hópur skordýra kemst á snoðir um að heimkynni þeirra í lystigarði í borg nokkurri eru í hættu og ákveða að hefja útgáfu fréttablaðs, ,,Flugunnar á veggnum,“ til að upplýsa aðra um þá vá sem vofir yfir.
Spurningar og verkefni:
Birna Pétursdóttir er að verða tuttugu og eins árs
og hóf í september nám við Rose Bruford leiklist-
arskólann í Sidcup í Lundúnum. Skólinn er einn
af fremstu leiklistarskólum Evrópu og býður upp
á nám í öllum greinum leiklistar.
Birna hóf eins og fleiri leikferil sinn hjá Leikfélagi
Fljótsdalshéraðs, en þar í gegn hafa komið afar
góð leikaraefni seinni árin. Má þar nefna Halldóru
Malen Pétursdóttur, Pétur Ármannsson, Unnar
Geir Unnarsson, Stefán Benediktsson og Sigríði
Eir Zophoníasardóttur. Fleira hæfileikafólk hefur
stigið sín fyrstu skref í listinni með leikfélaginu,
svo sem Sigríður Lára Sigurjónsdóttir tónskáld og
Vígþór Sjafnar Zophoníasson og Erla Dóra Vogler
sem eru í söngnámi. Fleiri af Fljótsdalshéraði
stefna á leiklistina. Birna segist eins og fleira ungt
fólk á Héraði eiga Leikfélagi Fljótsdalshéraðs
mikið að launa. Börnum og ungmennum hafi
alltaf verið leyft að taka þátt í uppfærslum og
félagið hafi komið fram við ungviðið eins og hlý
fjölskylda.
Leikhúsið minn staður
,,Ég man að ég fór á Galdrakarlinn í Oz
hjá Leikfélagi Fljótsdalshéraðs og Margrét
Stefánsdóttir, sem var þá alltaf að passa mig og
er vinkona mín í dag lék Dorotheu,“ segir Birna
yfir kaffibolla á fallegum haustmorgni. ,,Eitthvað
gerðist innra með mér og upp frá því var leik-
húsið minn staður. Ég fór á margar uppsetningar
leikfélagsins með foreldrum mínum og fékk eitt
sinn að fara á bak við með Höllu Eiríksdóttur.
Ég fékk að tala við leikarana, man að ég sá einn
kall á tippinu og mér fannst allt svo frjálslegt og
æðislegt. Svo suðaði ég í pabba mínum þangað
til hann kom mér inn í leikfélagið og þá var ég
svona 10 eða 11 ára. Ég fékk að hjálpa til við að
sauma leiktjöld, gera ,,propsið“ og aðstoða. Ég
fór á samlestra og fékk smáhlutverk og eftir því
sem árin liðu urðu þau veigameiri. Leikhúsið varð
smám saman mín mesta ástríða. Ég hef aldrei
ætlað að gera annað en vera í leikhúsi og á ekki
von á að það breytist.“
Birna varð stúdent frá Menntaskólanum á
Akureyri sl. vor. Hún valdi skólann gagngert vegna
öflugs leiklistarlífs og vatt sér í það og félagsstarfið
af fullum krafti. Hún komst þó fljótlega að því
að námið var full vinna og þurfti að skipuleggja
sig vandlega til að geta sinnt öllum hugðarefnum
sínum. Meðal annars tók hún þátt í Draumi á
Jónsmessunótt og Wake me up-söngleiknum
sem var settur upp fyrir norðan en þar fékk Birna
aðalhlutverkið.
,,Eitthvað gerðist innra með mér og
upp frá því var leikhúsið minn staður“
Þar sem allt
í menningu
okkar bland-
ast saman
,,Leikhúsið varð smám saman mín mesta ástríða.“ Mynd/SÁ