Fréttablaðið - 02.11.2022, Page 12

Allt er kynningarblað sem býður auglýsendum
að kynna vörur og þjónustu í formi viðtala og
umfjallana. Í blaðinu er einnig hefðbundið rit-
stjórnarefni. Blaðið fylgir Fréttablaðinu daglega.
Umsjónarmenn efnis: Elín Albertsdóttir, elin@frettabladid.is, s. 550 5761 | Guðmundur
Hilmarsson, gummih@frettabladid.is s. 550 5766 | Sandra Guðrún Guðmundsdóttir,
sandragudrun@frettabladid.is, s. 550 5762 | Starri Freyr Jónsson starri@frettabladid.is,
s. 550 5767 | Þórdís Lilja Gunnarsdóttir, thordisg@frettabladid.is, s. 550 5768
Útgefandi:
Torg ehf
Ábyrgðarmaður:
Jón Þórisson
Sölumenn:
Arnar Magnússon, arnarm@frettabladid.is, s. 550 5652,
Jón Ívar Vilhelmsson, jonivar@frettabladid.is, s. 550 5654,
Ruth Bergsdóttir, ruth@frettabladid.is, s. 694 4103.
Stærsta sérverslun landsins með
rúmföt er vafalaust Rúmföt.is við
Nýbýlaveg 28 í Kópavoginum.
„Kosturinn við okkur er breiddin í
verði og áherslan á gæði. Sængur­
fötin okkar henta vel til jólagjafa
því þau eru betri og ódýrari en
rúmfötin sem samkeppnisaðilar
okkar eru að bjóða. Þrjú hundruð
þráða rúmfötin okkar eru æðislega
mjúk og þau eru líka flest straufrí
sem fólk kann að meta. Fólk elskar
þau og kemur aftur og aftur að
kaupa fleiri, enda auðvelt að vera
með rúmfatablæti þegar það sér
úrvalið hjá okkur,“ segir Hildur
Þórðardóttir verslunarstjóri.
„600 þráða rúmfötin okkar
eru orðin fræg um allt land. Þau
eru örlítið dýrari, um 16 þúsund,
en eru enn þá mýkri og örlítið
þykkari. Þau henta sérlega vel
þeim sem eru ekki með aðstöðu
til að hengja rúmfötin upp, heldur
nota þurrkara. Við mælum aldrei
með miklum tíma í þurrkara fyrir
rúmfötin, því hann getur rifið
úr efninu svo rúmfötin endast
skemur og verða hrjúfari með tím­
anum. Betra er að brjóta rúmfötin
saman og hengja þau yfir þvotta­
snúru eða jafnvel hurð ef fólk er
ekki með neinar snúrur.“
Fleiri þræðir þýða meiri mýkt
Fyrir um það bil einu ári hófu
Rúmföt.is að einnig að selja rúmföt
úr 900 þráða bómullarsatíni að
sögn Hildar. „Því fleiri þræðir, því
meiri mýkt og satínáferð. Ef fólki
verður of heitt á nóttunni er gott
að snúa þeim við og þá er efnið
svalt og kælandi. Við prófum alltaf
að þvo rúmfötin okkar til að sjá
hvernig þau þola þvott og þessi
voru mýkst og gæðalegust eftir
marga þvotta.“
Það má segja að búðin hafi
byrjað í horninu í afgreiðslu
Þvottahúss A. Smith. „Þegar Fata­
búðin og Verið lögðu upp laupana
myndaðist stórt skarð og fram­
boðið af vönduðum rúmfötum
var vægast sagt frekar lélegt. Fólk
borgaði háar fjárhæðir fyrir rúm­
föt sem urðu svo að einu krumpu­
stykki eftir aðeins einn þvott. Við
sáum þetta þegar við þvoðum
þessar vörur fyrir viðskiptavini
okkar og blöskraði hreinlega. Þetta
var kannski íslensk hönnun, en
gæðin á efnunum afspyrnuléleg.
Við fórum því á stúfana og hófum
sjálf innflutning á rúmfötum í
margfalt betri gæðum.“
Quagliotti var eitt af fyrstu
merkjunum sem Rúmföt.is flutti
inn. „Þetta ítalska fjölskyldu­
fyrirtæki er næstum hundrað
ára og vefur hágæða rúmföt fyrir
flottustu hótel heims og sérstaka
viðskiptavini, svo sem bresku
konungsfjölskylduna, milljarða­
mæringa og síðan okkur. Þeir hafa
nú ofið og saumað rúmföt fyrir
okkur í bráðum 17 ár, meðal ann­
ars sama mynstur og þeir fram­
leiða fyrir Ritz hótelið í París.“
Bjóða upp á íslenska framleiðslu
„Annars kaupum við fullt af
dýrindis efnum frá öðrum vefara
á Ítalíu og erum stolt af því að geta
boðið upp á íslenska framleiðslu,“
segir Hildur. „Fólk veit þá nákvæm­
lega hver saumaði rúmfötin.“
Saumakona Rúmföt.is, Mar­
grét Guðlaugsdóttir, er með 60 ára
reynslu og hefur saumað rúmföt
fyrir tugi þúsunda Íslendinga. „Ég
fæ að stjórna tíma mínum sjálf.
Sauma kannski í fjóra tíma hér
og fer svo heim og legg mig. Ég
held ég myndi bara leggjast í kör
ef ég hefði ekki félagsskapinn og
verkefnin hér í vinnunni. Það er
svo dýrmætt að halda sér gangandi
og ekki síður að halda heilanum
virkum,“ segir Margrét.
Hildur segir efnin sem þau
kaupa vera úr sérvalinni egypskri
bómull, frá 600 þráða og allt upp
í 1.400 þráða. „Ein eru til dæmis
úr Giza 87 sem er besta bómull í
heimi. Þetta er ýmist damask eða
satín. Damask þýðir að mynstrið er
ofið í efnið og satín þýðir glans­
andi áferð.“
Hún segir enn vera til fólk sem
heldur að satín sé nafn á einhverju
polyester­gervidrasli. „Við erum
Seljum út á land í gegnum netverslun. Hildur Þórðardóttir verslunarstjóri er hér að ganga frá pöntun.
Vorum að fá nýja sendingu af rúmfötum.
Rúmföt í öllum regnbogans litum.
Klassísk rúmföt
á 16.800 krónur
frá litáíska
fyrirtækinu
DecoFlux.
Hjá Rúmföt.is
má finna lands-
ins breiðasta
úrval af
600 þráða
bómullarsatíni.
Lúxusrúmföt
frá ítölskum
vefurum, 34.000
krónur.
Sængurfötin okkar
henta vel til jóla-
gjafa því þau eru betri og
á sanngjarnara verði en
samkeppnisaðilar okkur
eru að bjóða.
Hildur Þórðardóttir
endalaust að leiðrétta það. Það er
heldur ekkert silki í silkidamaski,
heldur er þráðurinn fíngerður svo
efnið verður silkikenndara. Þetta
eru náttúrulega ákveðin fræði og
það er bara gaman að fræða fólk
og leyfa því að finna muninn á
ólíkum efnum.“
Margrét er búin að vera allt
árið að sauma fyrir jólavertíðina
að sögn Hildar og síðustu dagana
fyrir jól eru hillurnar með sett­
unum hennar venjulega orðnar
tómar. „Þess vegna er gott að vera
tímanlega og koma strax á meðan
úrvalið er hvað mest.“ n
Rúmföt.is er á Nýbýlavegi 28 í
Kópavoginum og opnunartími er
virka daga kl. 12-17.30 og laugar-
daga kl. 11-15. Nánar á rumfot.is.
2 kynningarblað A L LT 2. nóvember 2022 MIÐVIKUDAGUR