Fréttablaðið - 02.11.2022, Qupperneq 24

njall@frettabladid.is
Renault er á leiðinni með stærri
útgáfu af Austral-jepplingnum sem
verður sjö sæta. Bíllinn er kallaður
Grand Austral og Auto Express
birti þessa njósnamynd af bílnum
á dögunum. Að öllum líkindum
kemur hann á sama CMF-D
undirvagni og nýr Nissan X-Trail.
Hann mun þó nota hefðbundna
tvinnútfærslu ólíkt Nissan X-Trail
sem kemur með rafmótor sem er
tengdur rafhlöðu sem hlaðin er af
bensínvél.
Fimm sæta Renault Austral
er boðinn með 1,2 lítra, þriggja
strokka vél sem með tvinnbúnaði
skilar 196 hestöflum. Bíllinn er
nokkuð líkur fimm sæta Austral
nema að aftan þar sem aftur-
rúðan er nánast lóðrétt til að skapa
höfuðrými fyrir þriðju sætaröðina.
Búast má við bílnum á markað
strax á næsta ári. n
Renault Austral í sjö sæta útgáfu
Þrátt fyrir dulbúning sést að bíllinn verður nokkuð líkur fimm sæta útgáfunni.
MYND/AUTO EXPRESS
BeyonCa er nýtt rafbíla-
merki og er nafnið stytting á
Beyond the Car enda bíllinn
vel búinn tæknibúnaði.
njall@frettabladid.is
BeyonCa er nýlega stofnað bíla-
fyrirtæki í Kína með áherlu á
dýra rafbíla. Fyrirtækið rekur
hönnunarmiðstöð í Þýskalandi og
kynnti á dögunum fyrsta bíl sinn,
GT lúxusbílinn Optus 1.
Bíllinn er smíðaður með sam-
keppni við Porsche Taycan í huga,
og þó að bíllinn hafi ekki verið
frumsýndur mun hann líkjast
mikið tilraunabílnum á myndum
sem fylgdu fréttatilkynningu.
Svipur bílsins er ákveðinn með
örvarlaga grilli og loftdreifara
að framan. Hjólaskálarnar eru í
yfirstærð og afturendinn mjókkar
aftur. Bíllinn er 5.200 mm langur
svo hann er næstum jafnstór og
Mercedes-Benz EQS. Hjólhafið er
3.000 mm svo að innanrými ætti
að vera mjög gott. Framleiðslugerð
bílsins mun fá allt að 130 kWst raf-
hlöðu sem notar 800 volta rafkerfi.
Mun hann einnig geta fylgst með
líkamsástandi ökumanns.
Bíllinn verður framleiddur í
Kína af Dongfeng Motors til að
byrja með, en BeyonCa áætlar að
frumsýna 3–5 nýja bíla á næstu
fimm árum. n
BeyonCa frá Kína kynnir Optus 1
Bíllinn mun hafa háþróaðan sjálfkeyrslubúnað þegar hann kemur á markað. MYNDIR/BEYONCA
njall@frettabladid.is
Fleiri og f leiri fólksbílar hverfa
nú úr sýningarsölum bílaumboða
og rafdrifnir jepplingar koma
þar inn í staðinn. Hjá Volvo hefur
verið tekin sú ákvörðun að taka
S60-bílinn úr sölu sem hingað
til hefur verið fáanlegur í 246
hestafla tvinn útfærslu eða sem
448 hestafla tengiltvinnbíll. Volvo
V60 verður þó áfram í sölu en
óvíst er enn þá hvort bíllinn hverfi
úr framleiðslu.
Samkvæmt bílatímaritinu
Autocar hefur sala á 60-línunni
minnkað um 51% frá 2021 í Bret-
landi. Önnur ástæða fyrir því að
taka bílinn úr sölu gæti verið sú að
hann er framleiddur í verksmiðju
Volvo í Suður-Karólínu, þeirri
sömu og á að framleiða EX 90-raf-
jepplinginn sem kemur á markað
á næsta ári. n
Volvo S60 tekinn úr sölu í Bretlandi
Haldið verður áfram að selja systurbílinn Volvo V60 þótt S60 hafi verið
tekinn úr sölu. MYND/VOLVO
njall@frettabladid.is
Kia Stinger er stór og mikill sport-
bíll frá Suður-Kóreu með vélbún-
aði sem skilað getur 368 hest-
öflum á verði sem er talsvert fyrir
neðan sambærilega samkeppni
frá Evrópu. Þrátt fyrir þessa stað-
reynd er bíllinn á leiðinni út og
verður sá síðasti framleiddur í
apríl næstkomandi. Það er ein-
faldlega ekki nógu mikil sala í bíl
sem þessum en salan á þessu ári
hefur minnkað um næstum því
helming frá árinu áður.
Enginn beinn arftaki er í píp-
unum en búist er við Kia EV6 GT
taki við kyndlinum. n
Kia Stinger að fara undir öxina
Kia Stinger fékk andlitslyftinu í fyrra sem dugði ekki til að halda lífi í honum.
MYND/KIA Mikið er um lúxus í Optus 1.
Svipur bílsins er
ákveðinn svo ekki
sé meira sagt með örvar-
laga grilli og loftdreifara
að framan. Hjólaskál-
arnar eru í yfirstærð og
afturendinn mjókkar
aftur eins og bátur.
Að öllum líkindum
kemur hann á sama
CMF-D undirvagni og
nýr sjö sæta X-Trail en þá
með tvinnútfærslu.
www.detailsetrid.is
Allt í bílaþrifin
á einum stað
Allar helstu vörur frá vörumerkinu GYEON
Upplýsingar og ráðgjöf veitir
Andri í síma 787-7888
eða andri@detailsetrid.is
10 BÍ L A BL A ÐI Ð 2. nóvember 2022 MIÐVIKUDAGUR