Heilbrigðisskýrslur - 05.12.1982, Page 8

6
héruðunum. Talið er, að um 20% sjúklinganna hafi fengið lungna-
bólgu. Tafla I sýnir aldursdreifingu 6903 sjúklinga.
Tafla 1 (Table 1)
Aldursdreifing 6903 sjúklinga, sem fengu spánsku
veikina (8). (Age distribution of 6903 "Spanish
flu" patients in Iceland 1918)
Aldur (Age) Fjöldi (Number) %
0 - 1 árs (years) 119 1,8
1-5 ára 659 9,5
5-15 - 1147 16,5
15-65 - 4816 69,8
>•65 162 2,4
Eins og sést á töflu 1 er mest tíðni hjá fólki á besta aldri.
1 Reykjavík dóu um 16 manns af hverju þúsundi íbúa. Nauðsynlegt
er að gera sér grein fyrir því, að skráning veikra var mjög
ófullkomin, t.d. eru skráðir sjúklingar í Reykjavík um þrjú þúsund,
en héraðslæknir taldi, að um tíu þúsund hefðu veikst. íbúax
Reykjavíkur voru þá 15.328 (29). 1 skýrslum töldu tveir aðrir
læknar, Gísli Pétursson og ólafur Finsen að 80 - 90% íbúa í sínum
héruðum hefðu veikst . Þeir sem sýkst höfðu vorið 1918, sluppu
flestir í annarri bylgjunni. Sú bylgja faraldursins, hin eigin-
lega spánska veiki, gekk yfir á þremur mánuðum.
í marsmánuði 1919 kom þriðja bylgjan. Var hún fyrst framan af
talin vera önnur kvefsótt, bronchitis og bronchopneumonia og skráð
þannig á farsóttaskýrslum. Þrennt var athyglisvert við þessa
síðustu bylgju (7): 1. Mörg börn, sem nýlega höfðu fengið spánsku
veikina sýktust. 2. Allmargir aðkomumenn úr inflúensulausum hér-
uðum sýktust ekki. 3. Veikin lagðist framan af nær eingöngu á
börn, flest á aldrinum 0-5 ára. Breiddist veikin um mest allt
landið á tveimur mánuðum. Eftir því sem á leið, sýktust fleiri
fullorðnir, sérstaklega í þeim héruðum, sem sluppu við hina upp-
runalegu spánsku veiki. Skráðir voru 4182 sjúklingar, sem er
sjálfsagt of lág tala og 91 dóu. Guðmundur Hannesson (Heilbrigð-
isskýrslur) telur ekki nelnn vafa leika á því, að þessi veikindi
hafi stafað af inflúensu, en upphaf faraldurs þessa er fremur
óvenjulegt miðað við inflúensu og einnig ólíkt þv£, sem gerðist
erlendis í þriðju bylgjunni. Vissulega bendir þó hin hraða út-
breiðsla sjúkdómsins til inflúensu.