Morgunblaðið - 16.08.2022, Síða 11

FRÉTTIR 11Innlent
MORGUNBLAÐIÐ ÞRIÐJUDAGUR 16. ÁGÚST 2022
Dönsk flugsveit kom til Keflavíkur-
flugvallar síðastliðinn föstudag, 70
liðsmenn og fjórar F-16 orrustu-
þotur. Danirnir munu annast loft-
rýmisgæslu Atlantshafsbandalagsins
við Ísland fram í miðjan september.
Þetta er í fimmta sinn sem Danir
leggja Atlantshafsbandalaginu til
flugsveit og taka þátt í verkefninu á
Íslandi. Síðast var það 2018. Flug-
sveitin tekur þátt í verkefninu ásamt
starfsmönnum í stjórnstöðvum Atl-
antshafsbandalagsins í Uedem,
Þýskalandi og á öryggissvæðinu á
Keflavíkurflugvelli. Gert er ráð fyrir
aðflugsæfingum að flugvöllum á Ak-
ureyri og Egilsstöðum fram til 20.
ágúst.
Flugsveitin hefur aðsetur á
öryggissvæðinu á Keflavíkurflugvelli
en þar dvelja einnig flugsveitir
aðildarríkja Atlantshafsbandalagsins
við kafbátaeftirlit. Landhelgisgæsla
Íslands annast framkvæmd verkefn-
isins í umboði utanríkisráðuneytisins
og í samvinnu við Isavia, að því er
fram kemur á heimasíðu Landhelgis-
gæslunnar. sisi@mbl.is
Mynd/Landhelgisgæslan
Keflavík Dönsk F-16-orrustuþota við loftrýmiseftirlit hér á landi árið 2018.
Dönsk flugsveit
gætir loftrýmis
Alls höfðu í gær í kringum sex þús-
und manns skráð sig í Reykjavíkur-
maraþon Íslandsbanka, sem fram
fer næstkomandi laugardag í 37.
sinn og svo bætist oft hratt í skrán-
ingarnar á lokametrunum.
Silja Úlfarsdóttir, upplýsingafull-
trúi Reykjavíkurmaraþons, segist
ekki búast við metári í skráningu,
en söfnunin gangi mjög vel. „Í dag
höfum við safnað um 54,5 millj-
ónum, en þegar ég vaknaði í morg-
un stóð söfnunin í 51,5,“ sagði hún í
samtali í gærdag. Silja segir skipu-
leggjendur hlaupsins vonast til þess
að ná yfir 100 milljónum í söfnunar-
styrki. „Eins og er vantar flesta
þátttakendur í 10 km hlaupið, en
við gerum ráð fyrir því að margir
skrái sig á næstu dögum.“ Rás-
markið verður á nýjum stað í ár og
byrja allir hlaupið á Sóleyjargötu,
en markasvæðið verður á sama stað
og áður á Lækjargötu. Skemmti-
hlaupið verður sameinað krakka-
hlaupinu og er nú 3 km hlaup. Þó
verður hægt að stytta sér leið og
hlaupa 1,7 km. Á myndinni má sjá
hlaupahóp Icelandair á ferðinni í
hádeginu gær, að undirbúa sig fyr-
ir hlaupið á laugardaginn.
Hlauparar undirbúa sig fyrir Reykjavíkurmaraþon Íslandsbanka
Bætist í
skráningar
í hlaupið
Morgunblaðið/Hákon
Mikið hefur verið um komur útlend-
inga á Sjúkrahúsið á Akureyri í ár.
Um þrefalt fleiri útlendingar hafa
komið á sjúkrahúsið það sem af er
ári en á sama tíma í fyrra, bæði á
bráðamóttöku og til innlagna. Þessi
fjölgun rímar ágætlega við fjölgun
ferðamanna á milli ára.
Í nýbirtum starfsemistölum
sjúkrahússins fyrir fyrstu sex mán-
uði ársins kemur fram að 491
ósjúkratryggður sjúklingur hafi
komið á göngudeild spítalans en þeir
voru 102 á sama tímabili í fyrra. Í ár
hafa 22 ósjúkratryggðir einstakling-
ar dvalið á Sjúkrahúsinu á Akureyri
en voru 7 fyrstu sex mánuði ársins
2021.
Fjöldi dvalardaga á tímabilinu
janúar til júní í ár eru 15.972 og er
meðalfjöldi legudaga 5,5. Flestir
sjúklinganna eru lagðir inn í bráða-
innlögn en þær eru 79% af heildar-
innlögnum. Að meðaltali liggja 4,4
sjúklingar inni á hverjum tíma sem
eru búnir í meðferð og bíða eftir end-
urhæfingu eða plássi á hjúkrunar-
heimili. „Mikið álag var á legudeild-
um sjúkrahússins og var t.d. rúma-
nýtingin 98,1% á skurð- og lyflækn-
ingadeild í júlí,“ segir á heimasíðu
spítalans. Þar er jafnframt rakið að
tæplega 7.300 einstaklingar hafi
fengið þjónustu á göngudeild og þar
af 1.166 vegna krabbameinslyfja-
gjafar. Það er um 10% fjölgun milli
ára. Á bráðamóttöku eru 11.802
komur, sem er sambærilegt við sama
tímabil í fyrra. hdm@mbl.is
Þrefalt fleiri útlendingar
- Mun fleiri útlendingar hafa þurft á þjónustu að halda á
Sjúkrahúsinu á Akureyri í ár en í fyrra - Álag á legudeildum
Morgunblaðið/Sigurður Bogi
Álag Nýbirtar starfsemistölur Sjúkrahússins á Akureyri sýna að fyrstu sex
mánuði ársins hefur verið mikið álag á legudeildum sjúkrahússins.
SKVÍSAÐU ÞIG UPP
FYRIR SUMARIÐ
STÆRÐIR 1428
Hneppt peysa
7.990 kr
Stærðir 42-64
Buxur
8.990 kr
Stærðir 42-56
Skyrtukjóll
12.990 kr
Stærði 42-64
Nýjar vörur í rvy
Spennandi sendingar koma í
hverri viku með nýjum haustvörum
Sjáðu úrvalið eða pantaðu í netverslun www.curvy.is
Opið í verslun Curvy við Grensásveg
Alla virka daga frá kl. 11-18 og laugardaga frá kl. 11-16
Verslunin CURVY | Fellsmúla 26 við Grensásveg, 108 RVK | Sími 581-1552 | www.curvy.is