Morgunblaðið - 17.08.2022, Page 10

10 FRÉTTIR
Innlent
MORGUNBLAÐIÐ MIÐVIKUDAGUR 17. ÁGÚST 2022
Auglýsing ríkisskattstjóra um framlagningu
álagningarskrár einstaklinga 2022 vegna
tekna ársins 2021
Álagningarskrá vegna álagningar 2022 á einstaklinga verður lögð fram
dagana 17. ágúst til 31. ágúst 2022 að báðum dögum meðtöldum á almennum
starfsstöðvum Skattsins utan Reykjavíkur, en í Reykjavík í Tollhúsinu
Tryggvagötu 19.
Auglýsing þessi er birt, skv. 98. gr. laga nr. 90/2003, um tekjuskatt.
Reykjavík, 17. ágúst 2022.
Ríkisskattstjóri
Sigtryggur Sigtryggsson
sisi@mbl.is
Horfur eru því á að staða miðlunar-
forða Landsvirkjunar á hálendi Ís-
lands verði góð í lok sumars og að
ekki þurfi að koma til skerðingar til
kaupenda eins og síðasta vetur. Það
getur skipt miklu fyrir þjóðarbúið ef
ekki þarf að kynda loðnubræðslurnar
með olíu, eins og gera þurfti á síðustu
loðnuvertíð.
„En það er ljóst að spurn eftir raf-
orku er mikil og auðvitað ekki á vísan
að róa með veðurfar næsta vetur,“
segir Ragnhildur Sverrisdóttir, upp-
lýsingafulltrúi Landsvirkjunar, í
svari við fyrirspurn Morgunblaðsins.
Snjóaði talsvert á jökla
Söfnun vatns í miðlunarlón Lands-
virkjunar var heilt yfir samkvæmt
væntingum í júlímánuði, en um mán-
aðamótin kólnaði og innrennsli
minnkaði. Í lok júlí snjóaði talsvert á
jökla sem dregur úr jökulbráð. Þrátt
fyrir það eru góðar líkur á að Blöndu-
lón og Hálslón fyllist, þó það gerist
síðar en væntingar stóðu til í lok júní.
Þá stóðu vonir til þess að lónin myndu
fyllast í ágústmánuði.
Nú vantar aðeins um 25 sentimetra
upp á að Blöndulón fyllist, en það
verður mjög háð úrkomu á vatnasviði
Blöndulóns hvort það fyllist fyrir
mánaðamót, segir Ragnhildur. Fyrir
austan er ljóst að Hálslón, sem sér
Fljótsdalsstöð fyrir orku, fyllist í
fyrsta lagi um mánaðamótin ágúst/
september. Þar vantar um sex metra
vatnshæð til viðbótar til að Hálslón
fari á yfirfall. Við það myndast foss-
inn Hverfandi við vestari enda Kára-
hnjúkastíflu og jökulvatnið steypist
90-100 metra niður í Hafra-
hvammagljúfur í Jökulsá á Dal. Alloft
hefur Hálslón farið fyrr á yfirfall en
að þessu sinni.
Á Þjórsársvæði fylltist Hágöngu-
lón í lok júlí en vatnsborð Þórisvatns
er rúmlega tvo metra frá því að fara á
yfirfall. Það eru metnar minni líkur
en ekki að Þórisvatn fyllist. Þrátt fyr-
ir það er staðan nú mun betri en fyrir
ári síðan. Vatnsborð Þórisvatns
stendur um fjórum metrum hærra en
fyrir ári og staða grunnvatns á svæð-
inu er mun betri en þá. Vatnsborðið
er nú hærra en það varð hæst í fyrra,
sem var í lok september.
Rafmagn skammtað í fyrra
Eins og menn rekur eflaust minni
til var síðasti vetur einn sá erfiðasti í
rekstri Landsvirkjunar frá upphafi.
Þurrkar síðastliðið sumar og haust
gerðu það að verkum að Þórisvatn
fylltist ekki en það er mikilvægasta
miðlunarlón Landsvirkjunar á
stærsta vinnslusvæði fyrirtækisins.
Neyddist fyrirtækið til að grípa til
skömmtunar á rafmagni strax í des-
ember, sem m.a. bitnaði á stórnot-
endum, fjarvarmaveitum og fiski-
mjölsverksmiðjum á loðnuvertíðinni,
sem var sú stærsta um árabil. Neydd-
ust fyrirtækin til að nota olíu í stað-
inn. Það var ekki fyrr en í apríl að
hægt var að afnema allar skerðingar
á raforku.
Bið eftir því að Hverfandi birtist
- Horfur eru því á að staða miðlunarlóna Landsvirkjunar verði góð í lok sumars - Vona að ekki
komi til skerðingar á raforku eins og síðasta vetur - Fossinn Hverfandi gæti birst um mánaðamót
Morgunblaðið/Sigurður Aðalsteinsson
Hverfandi Tignarleg sjón að sjá jökulvatnið steypast niður í Jöklu. Fossinn er svo aflmikill að jafna má við Dettifoss.
Fyrsta pysjan fannst í Vestmanna-
eyjum í gær og er þar með lunda-
pysjutímabilið formlega hafið. Pysj-
an fannst við Kertaverksmiðjuna
Heimaey og vó 225 grömm, en það
er fremur létt miðað við undanfarin
ár. Gígja Óskarsdóttir hefur lengi
séð um pysjueftirlitið svokallaða.
Hún segir að pysjutímabilið hefjist
nú í fyrra falli miðað við seinni ár
þótt það hafi stundum byrjað tals-
vert fyrr. Raunar sást til fyrstu
pysjunnar í bænum í lok júlí. „Við
höfum oft byrjað fyrr. Fyrir tuttugu
árum, þegar ég var lítil, fannst
fyrsta pysjan oftast nokkrum dögum
fyrir Þjóðhátíð,“segir hún.
Pysjueftirlitið hefur verið rafrænt
síðastliðin tvö ár vegna kórónuveiru-
faraldursins og verður áfram með
því móti í ár.
Á síðasta ári var í fyrsta skipti
reynt að koma í veg fyrir að pysjur
lentu í olíumengun með því að draga
úr lýsingu við höfnina, þar sem pysj-
urnar dragast að ljósunum. Var þá
frekar kveikt á ljóskösturum ofar í
bænum til að fá þær þangað í stað-
inn. „Það bar klárlega árangur, þar
sem þær voru mun færri olíublautar
í fyrra en undanfarin ár, en höfnin
var reyndar mun hreinni en áður.“
Fengu ekki mikið æti í sumar
Erpur Snær Hansen, forstöðu-
maður Náttúrustofu Suðurlands,
segist ekki gera ráð fyrir góðu
pysjuári í ár þar sem helmingur af
eggjunum misfórst í sumar. Hann
segir að lundinn hafi átt erfitt með
að ná í æti í sumar vegna þess
hversu illa áraði í sjónum.
„Makríllinn hefur komið inn
seinna í ár en mig grunar að kísil-
magnið í hafinu hafi minnkað aftur.
Það er þó bara ágiskun þar sem við
höfum ekki fengið mælingarnar í
hendurnar.“
Erpur segir jafnframt að pysjan
sem fannst í gær sé í samræmi við
þá stærð sem búist var við, en pysj-
urnar verði léttari í ár vegna þess
hversu litla fæðu þær hafa fengið.
Hann segist reikna með því að það
verði í það minnsta um 3.000 pysjur í
bænum. „Það er gott að þetta sé
komið af stað, þá fer boltinn bara að
rúlla.“
Fislétt Fyrsta pysjan fannst við gömlu Kertaverksmiðjuna Heimaey
í Vestmannaeyjabæ og var óvenju létt í ár, en hún vó 225 grömm.
Fyrsta pysjan
fundin í Heimaey
Meiri líkur en minni eru á að varð-
skipin Týr og Ægir endi í útlöndum.
Þetta segir Friðrik Jón Arngríms-
son, eigandi Fagurs ehf., sem festi
kaup á skipunum. Hann segist fátt
geta upplýst um hvað verði gert við
skipin en segir marga möguleika til
skoðunar.
Gengið var formlega frá sölu varð-
skipanna tveggja í vikunni og var
söluverðið 51 milljón króna að því er
fram kemur í svari Landhelgisgæslu
Íslands. Friðrik Jón segir margt
þurfa að gera ef á að koma þeim í
einhvers konar rekstur á ný.
Um er að ræða töluvert lægri upp-
hæð en hæsta boð sem barst þegar
Ríkiskaup óskaði eftir tilboðum í lok
síðasta árs. Alls bárust þá tvö tilboð
og nam lægra tilboðið 18 milljónum
króna en það hærra 125 milljónum.
Í apríl síðastliðnum gátu Rík-
iskaup greint frá því að gengið yrði
til samninga við þann aðila sem stóð
að öðru tilboðinu. Það gekk þó ekki
eftir og féll tilvonandi kaupandi frá
tilboði sínu þar sem hann gat ekki
staðið við kaupin. Hófust í kjölfarið
viðræður við tvo aðra sem höfðu
áhuga á kaupunum. Það endaði með
því að Fagur ehf. keypti skipin á,
eins og fyrr segir, 51 milljón króna.
Varðskipið Ægir var smíðað 1968
og Týr árið 1975. gso@mbl.is
Varðskipin Týr og Ægir
gætu endað í útlöndum
Morgunblaðið/Árni Sæberg
Kvödd Landhelgisgæslan kvaddi
skipin tvö formlega á mánudag.
- Kaupverðið var
51 milljón króna