Morgunblaðið - 23.09.2022, Qupperneq 39

FÖSTUDAGUR 23. SEPTEMBER 2022 MORGUNBLAÐIÐ 39
okkar á dyrabjölluna því hann er rithöfundur.“
Ertu hvatvís þegar kemur að breytingum á
heimilinu og dugleg að breyta til?
„Ég er náttúrulega alveg gríðarlega ákvarð-
anafælin og verkkvíðin. Friðgeir er miklu fram-
kvæmdasamari að græja ný ljós og festa upp
hillur og allskonar sniðugt. Ég er meira í því að
bera heim skrýtið drasl og koma því fyrir hist
og her og láta eins og það hafi mikla sögn og
merkingu.“
Ertu bara með myndlist eftir þig uppi eða
ertu dugleg safna myndlist eftir aðra kollega?
„Ég gæti alveg verið duglegri, en hef oft
sníkt eitthvað í skiptum út úr vinum
og stöku sinnum splæst.“
Áttu uppáhaldsverk á
heimilinu?
„Ég ætla að fá að segja
þrjú, verk eftir Mar-
gréti Bjarnadóttur
sem er stafarugl af
nafni Friðgeirs,
skemmtilega agres-
sívt textílverk sem
Tómas sonur minn
gerði þegar hann var
sex ára, þar sem hann
saumaði „Asni“ út í striga,
og svo nýjasta verkið,
freyðivínstappinn eftir Ragn-
heiði Maísól, vinkonu okkar og
nágrannakonu.“
En uppáhaldshlut?
„Kannski rokkurinn minn, margir segjast
upplifa slökun og hugleiðslu þegar þeir prjóna,
það er alls ekki mín reynsla, hins vegar finnst
mér fátt meira róandi en að spinna band. Það er
líka geggjað að hafa píanó á heimilinu, þótt ég
nái oftast bara að spila hálfa prelúdíu eftir
Chopin sem ég lærði þegar ég var fjórtán ára
áður en börnin fara að öskra á lagið um Hér-
astubb bakara.
Kaupið þið nýtt eða viljið þið frekar gefa
gömlum hlutum nýtt líf?
„Ég er með vinnustofu sem er tveimur hús-
um frá Góða hirðinum sem er svo sannarlega
bæði bölvun og blessun, ef við erum að leita að
einhverju tek ég rúntinn þar nokkrum sinnum í
viku, þaðan eru flestar hirslur og smáhúsgögn,
það er náttúrulega umhverfisvænni kostur og
svo getur verið huggulegt að spara sér ferðina í
IKEA, að þeirri verslun algjörlega ólastaðri, við
leitum oft á náðir hennar líka. Friðgeir fann
þessi tekkkrútt, sófaborðið og litla innskots-
borðið í Góða hirðinum og svo fylgdi sjónvarps-
skenkurinn með íbúðinni. Sófasettið rusluðum
við eiginlega, ég fékk að hirða það úr geymslu
þar sem ég vann einu sinni, þegar það átti að
henda því. Það er svaka snoturt en þykir ekki
alveg nógu þægilegt. Þannig að þetta er svona
sambland af nísku, umhverfisverndarsjón-
armiðum og fagurfræði sem ræður för.“
Er eitthvað á óskalistanum fyrir heimilið?
„Það væri stórkostlegt að hafa vinnustofu
heima. Svo er ég oft að fantasera um sérsmíð-
aðar bókahillur, þær sem við erum með núna
áttu bara að vera til bráðabirgða en við eyddum
svo miklum tíma í að lakka þær að það þarf eitt-
hvað rosalegt að koma til svo við skiptum þeim
út held ég. Þangað til er bara mátulegt á okkur
að nota geymsluhillur úr IKEA til að geyma í
allar bókasafnsbækurnar sem við erum með í
óskilum.“
Morgunblaðið/Kristinn Magnússon
Sigrúnu finnst
róandi að
spinna band.
Sófinn átti að fara í
ruslið þegar Sigrún og
Friðgeir hirtu hann.
Húsgögnin koma
mörg úr Góða
hirðinum.
Sonurinn saumaði út orðið
Asni á striga en fjölskyldan
horfir á verkið í eldhúsinu.
Mörg listaverk
eftir íslenska
samtíma-
listamenn
prýða heimilið.
Sigrún Hlín not-
ar textíl í verk-
um sínum.
Ljósmynd/Andreas Dyrdal