Víkurfréttir - 22.03.2023, Qupperneq 13

Fallinn er frá, langt fyrir aldur fram, minn ástkæri
bróðir Hermann Ragnarsson. Við ólumst upp í
stórum bræðrahópi en alls vorum við átta sem
komumst á legg. Hemmi var fyrir miðju í aldurs-
röðinni, fæddur 1955. Það var svolítið sérstakt að
vera svona margir og þeir eldri pössuðu upp á þá
sem yngri voru, mikil samheldni var hjá okkur
bræðrum og fórum við snemma að hjálpa til og
gengum mjög snemma til vinnu. Hemmi og Dóri
bróðir fóru að vinna við múrverk og voru fljótir að
ná tökum á faginu. Mér er það minnisstætt að árið
1973 var pabbi að byggja hús að Fagragarði 6 í Keflavík og fórum við
allir sem einn að vinna við bygginguna. Hemmi og Dóri pússuðu allt
húsið á kvöldin og um helgar, þá sautján og átján ára gamlir. Í fram-
haldinu fóru þeir fljótlega að vinna sjálfstætt og fóru upp á flugvöll
að pússa stór fjölbýlishús fyrir Varnarliðið. Ég var með þeim sem
handlangari og létum við bræður hendur standa fram úr ermum og
gengum með miklum krafti í þessi verk sem voru unnin í uppmælingu
og vorum við á hæsta kaupi sem þá þekktist. Þetta var ógleymanlegur
tími, það einkenndi Hemma bróður strax mikil léttleiki og smitandi
hlátur, hann hafði svo gaman af lífinu. Upp úr þessu fór hann að
drekka áfengi og stundaði skemmtanalífið grimmt. Því miður náði
Bakkus taki á honum og fylgdi honum nánast allt hans lífshlaup en
alltaf stundaði hann vinnu og sá fyrir sér og sínum og kom að rekstri
margra fyrirtækja. Hann og Halldór bróðir stofnuðu Húsanes ásamt
fleirum og réðust snemma í það að byggja og selja íbúðir og byggðu
þeir fleiri hundruð íbúðir í Keflavík og víðar. Á þessum tíma rak ég
fasteignasölu og sá um sölu eignanna. Þannig að í gegnum okkar lífs-
hlaup voru samskiptin oft og tíðum mikil í gegnum vinnuna en um
tíma minna í frístundum þar sem við vorum svo ólíkir.
Hemmi bróðir var mjög stór-
brotinn karakter sem lét ekkert
stoppa sig ef svo bar undir, fylginn
sér með afbrigðum og kom hlutum
í verk sem aðrir töldu ómögulegt.
Hann var jafnaðarmaður alveg
inn að beini alla tíð og er mér það
minnisstætt árið 1986 en þá var
hann kosningastjóri hjá Alþýðu-
flokknum í Keflavík fyrir bæjar-
stjórnarkosningarnar. Lagði hann
nótt við dag enda fór svo að Al-
þýðuflokkurinn var með hreinan
meirihluta þegar atkvæðin voru
talin og ætla ég að leyfa mér að
fullyrða það að þar átti hann
stærstan hlut að máli.
Árið 2015 átti að vísa albanskri
fjölskyldu úr landi en fjölskyldu-
faðirinn vann hjá Hemma á
þessum tíma, þau áttu veikt barn
og voru þau send úr landi þrátt
fyrir hörð mótmæli, þetta þótti
honum alveg hræðilegt og gekk
hann í málið eins og honum einum
er lagið og voru þau komin aftur
til Íslands og fengu íslenskan rík-
isborgararétt á tíu dögum. Hann
reddaði þessu fólki íbúð, hús-
gögnum og vinnu. Á þessum tíma
átti hann við heilsuvanda að stríða
og var alls ekki í góðum málum
en lagði alla sína orku í að hjálpa
þessu fólki, hann mátti ekki aumt
sjá eða fólk beitt misrétti. Rétt
fyrir andlátið sagðist hann vera
stoltastur af þessu verki af því sem
hann hefði gert fyrir aðra.
Hemmi bróðir var mikið fyrir sitt
fólk og ræktaði sambandið við sína
bræður og okkar börn af mikilli
alúð. Hann lagði sig fram um það
að kynnast þeim og hafa við þau
samband, enda var hann elskaður
og dáður af öllu sínu fólki.
Seinustu árin átti hann við
heilsubrest að stríða en það breytti
því ekki að hann var sívinnandi til
hinsta dags og ræktaði allt sitt fólk
og vini eins og kostur var.
Sjálfur á hann tvö börn, mikið
mannkostafólk, Sigurð Arnar Her-
mannsson, fæddur 1979, og Helgu
Sigrúnu Hermannsdóttur, fædd
1997. Þetta voru gimsteinarnir
hans og var hann mjög stoltur af
þeim og nú seinasta árið var hann
mikið í samskiptum við þau sem er
einkar dýrmætt fyrir þau nú þegar
hann er allur.
Seinustu mánuðina sem Hemmi
bróðir lifði var hann mikið inn
og út af sjúkrahúsum en hann
mjaðmagrindarbrotnaði seint síð-
asta haust og hrakaði heilsu hans
verulega upp frá því. Ég heimsótti
hann mikið þessa mánuði og áttum
við náið tal um lífið og tilveruna og
börnin okkar og eru þessar stundir
mér mjög dýrmætar.
Síðustu vikurnar sem hann
lifði var hann mjög kvalinn og
sást þá í hvað stefndi, þrátt fyrir
það lifði maður alltaf í voninni.
Börnin hans, þau Sigurður Arnar
og Helga Sigrún, stóðu vaktina
alveg með pabba sínum til hinstu
stundar og var ógleymanlegt að
sjá ástina og umhyggjuna sem þau
höfðu fyrir föður sínum. Þau voru
vakin og sofin yfir hans velferð til
hinstu stundar, seinustu dagana
var hann af og til með fulla vitund
en svo fékk hann tvo daga nokkuð
góða. Þegar ég mætti á spítalann
sá ég eldmóðinn í mínum manni!
Það átti að ganga frá öllum sínum
málum strax, með samstilltu átaki
með börnum sínum var gengið
frá öllum málum sem máli skipti.
Þá sá maður að friður færðist yfir
Hemma minn og átti hann góðan
tíma með sínu fólki og kvaddi
þá sem höfðu tók á því að koma.
Hemmi bróðir lést þann 17. mars
síðastliðinn.
Ekki má gleyma að minnast á
hlut Ingibjargar Finnsdóttur, hans
fyrstu eiginkonu, en hún stóð með
honum eins og stoð og stytta í hans
miklu veikindum og vék ekki frá
honum þegar kallið kom og var það
honum ómetanlegt seinasta árið,
þeirra vinskapur.
Það var mikil lífsreynsla að fylgja
bróður mínum hans lokagöngu, ég
bara trúði því ekki að hann væri
að fara og mikill og sár söknuður
fylgdi í kjölfarið, og sárt að hugsa
til þess að Ingibjörg og börnin hans
sjá nú á eftir honum á besta aldri,
hann átti eftir að gera svo mikið.
En minningin lifir, þessi orð mín
um Hermann bróðir minn ná ekki
einu sinni að varpa ljósi á mann-
kosti þessa góða drengs. Hann var
góðhjartaður, heilsteypur, hrein-
skiptinn maður sem ekki mátti
neitt aumt sjá og setti hagsmuni
annarra ofar en sína eigin. Aldrei
heyrði maður hann kvarta eða vor-
kenna sér, þrátt fyrir erfiðar að-
stæður þá hafði hann alltaf hags-
muni fólksins síns í öndvegi en bað
ekki um neitt fyrir sjálfan sig.
Guð blessi elsku besta bróður
minn, Hermann Ragnarsson.
Sigurður Ragnarsson.
Skíthrædd
við ketti
Betsý Ásta er sautján ára gömul og
er á félagsvísindabraut í FS. Helstu
áhugamál Betsýjar eru félagsmál
og Morfís og er stefnan hennar
fyrir framtíðina bæði að komast
inn í bæjarpólitíkina og svo stefnir
hún á einhverskonar nám í félags-
fræði.
Hvað ert þú gömul? Ég er sautján ára en
verð átján núna í september.
Hvers saknar þú mest við grunnskóla? Þrír
hlutir; Skólamatur, nemendaráðið og auð-
vitað Þórunn.
Hvers vegna ákvaðst þú að fara í Fs? Ég
ákvað að fara í FS til þess að vera nálægt
heimilinu og til að ná að gera allt það sem
ég er að gera hérna í Reykjanesbæ.
Hver er helsti kosturinn við Fs? Helsti
kosturinn við FS er klárlega félagslífið og
væntanlega uppáhaldskennararnir mínir,
Atli og Bogi.
Hvað finnst þér um félagslífið í skólanum?
Mér finnst félagslífið í FS geggjað núna
#áframlogi og ég held það verði líka
geggjað á næsta ári ;)
Hvaða Fs-ingur er líklegur til að verða
frægur og hvers vegna? Frosti Sig, basket-
ball-stjarnan sjálf.
Hver er fyndnastur í skólanum? Hef sagt
það einu sinni og segi það aftur, Helena
Mjöll Vilhjálmsdóttir.
Hvað hræðist þú mest? Ketti, er skíthrædd
við ketti.
Hvað er heitt og hvað er kalt þessa
stundina? Heitt þessa stundina er Morfís
og kalt þessa stundina er Adidas.
Hvert er uppáhaldslagið þitt? Upphálds-
lagið mitt akkúrat núna er Please Me með
Bruno Mars og Cardi B.
Hver er þinn helsti kostur? Minn helsti
kostur er leiðtogahæfnin mín myndi ég
segja.
Hvaða forrit eru mest notuð í símanum
þínum? Snapchat.
Hver er stefnan fyrir framtíðina? Stefnan
mín fyrir framtíðina er líklegast að komast
inn í bæjarpólitíkina og svo stefni ég einnig
á einhverskonar nám í félagsfræði.
Hver er þinn stærsti draumur? Minn
stærsti draumur er að verða forseti Ís-
lands.
Ef þú ættir að lýsa sjálfri þér í einu orði
hvaða orð væri það og af hverju? Flestir
myndu segja lágvaxin en ég myndi sjálf
segja dugleg.
Viktor Þórir er þrettán ára fótbolta-
kappi sem er í 8. bekk í Akurskóla.
Viktor lýsir sjálfum sér sem kóng-
inum og hann sé þar af leiðandi
alls ekki feiminn. Viktor er ung-
menni vikunnar.
Hvert er skemmtilegasta fagið? Íþróttir.
Hver í skólanum þínum er líklegur til að
verða frægur og hvers vegna?
Pési, hann er góður í körfubolta.
skemmtilegasta saga úr skólanum: Þegar
strákar settu sófa fyrir klósettin í skólanum
og læstu fullt af krökkum inni.
Hver er fyndnastur í skólanum?
Mikki og Pési.
Hvert er uppáhaldslagið þitt? Gestalistinn.
Hver er uppáhaldsmaturinn þinn?
Nautakjöt.
Hver er uppáhaldsbíómyndin þín?
Leynilöggan.
Hvaða þrjá hluti myndir þú taka með þér á
eyðieyju og hvers vegna? Mat til að borða,
sjónvarp til að horfa á enska boltann, fót-
bolta til að sparka í.
Hver er þinn helsti kostur?
Ég er alls ekki feiminn.
Ef þú gætir valið þér einn ofurkraft til að
vera með restina af ævinni, hvað myndir
þú velja? Geta flogið til að geta farið hvert
sem ég vil.
Hvaða eiginleiki finnst þér bestur í fari
fólks? Heiðarleiki.
Hvað langar þig að gera eftir grunnskóla?
Mig langar að vera fótboltaþjálfari.
Ef þú ættir að lýsa sjálfum þér í einu orði
hvaða orð væri það? Kóngurinn.
Minning – Hermann Ragnarsson
f. 22.8. 1955 d. 17.3. 2023
Nemendur á unglingastigi Heiðarskóla frumsýndu
söngleikinn Þú átt skilaboð á árshátíð skólans föstu-
daginn 17. mars. Söngleikurinn er byggður á ævin-
týrinu um Öskubusku og eru leikstjórar þær Daníella
H. Gísladóttir, Esther Níelsdóttir og Guðný Kristjáns-
dóttir. Árlega er boðið upp á svokallað árshátíðarval
sem nýtur ávallt mikilla vinsælda. Einnig geta nem-
endur valið veggjaskreytingar en sá hópur málar sviðs-
myndina í sal skólans. Nú stendur til að halda opnar
sýningar, m.a. miðvikudaginn 22. mars kl. 20:00.
Aðgangseyrir er 1.000 krónur en ekki er tekið við
greiðslum með greiðslukortum. Öll velkomin!
Opnar sýningar á söngleiknum
Þú átt skilaboð í Heiðarskóla
FS-ingur:
Nafn: Betsý Ásta
Stefánsdóttir
Aldur: 17
Námsbraut:
Félagsvísindabraut
Áhugamál: Félagsmál
og Morfís
Ungmenni:
Nafn: Viktor Þórir
Aldur: 13
Skóli: Akurskóli
Bekkur: 8. bekkur
Áhugamál: Fótbolti
Vill verða
fótbolta-
þjálfari
vÍkurFrÉttir á suðurNEsJuM // 13