Heilbrigt líf - 01.12.1943, Blaðsíða 69
sjúklinga með því, að þær væru skemmtilegri og leiddu
þannig athyglina betur frá sjúkclómum. Loks er sjúkra-
leikfimi sennilega vanrækt um of við marga mannlega
kvilla, svo nokkur dæmi séu tilfærð.
íþróttir má iðka til afreka, sem leik, eða sér til hress-
ingar og heilsubótar, eða allt í senn.
Hvað afrekin áhrærir eiga við orð biblíunnar, að marg-
ir eru kallaðir en fáir útvaldir, því að sérstakt upplag
og ástundun þarf til þess að verða afburða-íþróttamaður.
Því ber ekki að neita, að afrek er glæsileg hugsjón. En
heilsuverndin er ekki síður gott og göfugt takmark. Henni
verður bezt fullnægt með því að iðka íþróttir scm leik,
þ. e. að eins til skemmtunar og heilsubótar.
Iþróttirnar eru auk þess í sjálfu sér mishollar. Vart
getur vafi leikið á því, að íþróttir uiidir beru lofti séu yfir-
leitt hollari en inniíþróttir, t. d. göngur, fjallgöngur,
skauta- og skíðaferðir, þolhlaup, sund, köst, ýmsir knatt-
leikir, golf, bogaskot o. s. frv.
Þá er hollast að iðka þær íþróttir, er reyna sem jafnast
á allan líkamann, og þær íþróttir, sem reyna meira á út-
haldið en skerpuna.
Letin og áhugaleysið er versti Þrándur í Götu öllum
íþróttaiðkunum, ekki sízt, er fuilorðna íolkið á í hlut. Því
ættu menn að leitast við að gjöra sér íþróttirnar að leik
og iðka þær einar íþróttir, er þeir hafa mest gaman af.
Er vel, ef æfingin og ánægjan haldast í hendur, því að
þá er áhuginn vís. En við þá, er bera við tímaleysi og
önnum, má segja, að öll þjálfun, hversu lítil sem hún ev, er
betri en engin. Æfingar, sem ekki taka nema nokkrar
mínútur á dag, geta umskapað líkamann ótrúlega mikið
og haldið við kröftunum. Hitt verður svo reynsla flesti-a,
að sá tími, er fer til íþróttaiðkana fæst margfaldlega end-
urgoldinn, þar eð íþróttin gerir menn hæfari til andfegrar
Heilbrifjt lif
181