Vesturbæjarblaðið - nóv. 2023, Blaðsíða 12

12 Vesturbæjarblaðið NÓVEMBER 2023
Menning, samskipti og
miðlun í Landakotsskóla
Menning, samskipti og miðlun var heiti þemadaga í Landa­
kotsskóla í liðnum mánuði. Áhersla var lögð á að kanna og læra
um samskipti og tengsl í samfélaginu nær og fjær í staðbundnu og
hnattrænu samhengi.
Landakotsskóli hefur þá sérstöðu að reka alþjóðlega deild samhliða
íslenskri deild. Skólasamfélagið er því fjölþjóðlegt og því gefst tækifæri
til að dýpka skilning á fjölbreytileika. Landakotsskóli stendur fyrir að
efla skilning nemenda á margbreytileika og unnið að því að styrkja
nemendur í að þeir verði næmari fyrir menningarlegri fjölbreytni og
þvermenningarlegum samskiptum.
Þemadagar eru mikilvægir í skólastarfi en þá er hægt að glíma við
viðfangsefni á óhefðbundnari hátt, með samþættingu námsgreina í
gegnum beina reynslu nemenda og samstarf þvert á bekkjarheildir.
Allir árgangar taka þátt og vinna að vel skilgreindum þemum sem
kennarar íslensku og alþjóðadeildar hafa unnið að í sameiningu.
Á þemadögum unnu nemendur að því að finna fjölbreyttar leiðir
til að afla upplýsinga og reynslu, vinna úr þeim á skapandi hátt og
skapa ný tengsl. Auk þess að kanna tengsl þvert á menningarheima
kanna nemendur leiðir til að miðla upplifun sinni á þemadögunum.
Þemadagar gefa nemendum einnig tækifæri til að kynnast og vinna
með jafnöldrum og nemendum þvert á deildir skólans. Ágúst Borgþór Sverrisson
gefur út nýja spennusögu
Ágúst Borgþór Sverriss on
blaða maður og rithöfundur hefur
sent fá sér nýja bók sem heitir,
Vektu ekki barnið. Um er að ræða
spennusögu í styttri kantinum.
Í sögunni hverfur ung kona á
vornóttu og áður en yfir lýkur veit
lesandinn hvað varð um konuna,
en sumar persónurnar þurfa að
burðast með erfið leyndar mál
alla ævina. Ágúst Borgþór segir
að ekki megi segja meira frá
söguþræði í sögu af þessu tagi
en hann hafi gaman af byggingu
sögunnar, hvernig skipt er ört á
milli sjónarhorna þegar líður
á söguna og það rennur smám
saman upp fyrir lesandanum hvað
hefur átt sér stað.
Ágúst Borgþór segir söguna
veita innsýn í samfélagið og
tíðarandann árið 1969 en samfé-
lagið hafi gjörbreyst frá þessum
tíma. „Um leið er ég líka að horfa
á þennan tíma í gegnum gleraugu
nútímans, seg ja má t.d. að
höfundur skoði kynferðisbrot, sem
töluvert koma fyrir sögu í bókinni,
með metoo-gleraugum samtímans.
Samtími hvers tíma er auðvitað
nútími fyrir þá sem hann lifa og
það er ljóst að á þessum tíma hafði
íslenskt samfélag upplifað gjör-
breytingar á lífsháttum. Það var
reyndar kreppa um þetta leyti en
Ísland hafði upplifað gífurlegar
framfarir áratugina á undan.“
Ágúst Borgþór bendir á að á
þessum tíma og næstu áratugi á
eftir hafi ungir Íslendingar kvartað
undan því að samfélagið væri
einhæft og tilveran tilbreytingar-
laus. „Sumum fannst að allt væri
bannað og skemmtanalífið var
talið vera mjög einsleitt. Slíkar
raddir heyrast ekki í dag. En margir
lifðu í þeirri rútínu að vinna mikið
alla vikuna og detta svo í það um
helgar, helst á sterku áfengi en
bjórinn var bannaður.“
Ágúst Borgþór er á mörkum
þess að vera Vesturbæingur og
Seltirningur. Kveðst alltaf hafa verið
tengdur Vesturbænum en ætti
einnig tengsl við Nesið þaðan sem
hugmyndir hans eru að einhverju
leyti runnar upp. En hvort lítur hann
á sig sem blaðamann eða rithöfund.
„Skáldskapur var í sannleika stærri
hluti af lífi mínu fyrir allnokkrum
árum en hann er í dag. Ég vann
um árabil á auglýsingastofu og
síðan á þýðingastofu. Á þeim tíma
frá aldamótum og fram til 2015
skrifaði ég miklu meiri skáldskap
en ég geri núna. Blaðamennska
er einfaldlega gífurlega krefjandi
starf sem getur gleypt alla tilveru
manns. Ég er samt að byrja að rata
til baka inn í skáldskapinn og mér
tókst að sjóða þessa sögu saman
upp úr efni sem hafði safnast upp,
í tveggja mánaða fríi sem ég tók í
fyrra. Síðan eru eru ekki nema sex
ár þar til ég fer á eftirlaun. Þá get
ég farið að finna farveg í skáldskap
fyrir öll þau áhrif og lífsreynslu sem
ég hef orðið fyrir í þessu annasama
starfi, blaðamennsku á DV.
Ágúst Borgþór Sverrisson og bækur eru ekki langt undan.
Skipulagsyfirvöld í Reykjavík
hafa hafnað ósk um að breyta
Fram sóknarhúsinu við Hverfis­
götu í gististað. Óskað var eftir
þ essari breytingu á vegum
Skúla garðs hf. dótturfélags
Framsóknarflokksins.
Í umsögn skipulagsfulltrúa
Reykjavíkur kemur fram að í
gildi sé aðalskipulag Reykjavíkur
2040, samþykkt í borgarstjórn
19. október 2021 og birt í B-deild
Stjórnartíðinda 18. janúar 2022.
Samkvæmt aðalskipulaginu er
lóðin og byggingin á Hverfisgötu
33 á miðborgarsvæði, blandaðri
miðborgar byggð og íbúðabyggð.
Á því svæði er lögð áhersla á að
vernda og styrkja íbúðabyggð
og hverfisanda en um leið að efla
verslunar-, atvinnu- og þjónustu-
starfsemi sem fel lur vel að
íbúðabyggðinni. Einnig kemur fram
í umsögninni að í gildi sé deiliskipu-
lag fyrir Skúlagötusvæðið frá 13.
maí 1986 með síðari breytingum.
Samkvæmt aðalskipulagi Reykja-
víkur 2040 er óheimilt að breyta
núverandi húsnæði, skrifstofu-
húsnæði, íbúðum og verslunarhús-
næði, í gististarfsemi. Húseignin
Hverfisgata 33 var auglýst til sölu á
liðnu hausti.
Framsóknarhúsið við Hverfisgötu.
Ekkert gistiheimili
í Framsóknarhúsinu
ALPACAULL
FYRIR VETURINN
KLAPPARSTÍG 29
Landakotsskóli við Túngötu.