Börn og menning - 2022, Síða 22
Börn og menning22
en hann hrekkur upp af, eins og hann segir sjálfur. Á
listann rata alls kyns viðburðir og lífsreynslur, eins og til
dæmis fallhlífastökk, sushi-át og húðflúr.
Vel skipað í hvert hlutverk
Leikmyndin er nokkuð einföld. Á sviðinu eru stafirnir
B, L, E, S, T, U og R sem raðað er upp eftir hentisemi.
Þannig umbreytast stafirnir í stóla, borð, hillur og jafn-
vel bíl! Á bak við sviðið trónir stór rammi sem minnir á
krítartöflu í skóla, en líka myndaramma. Mismunandi
grafík er varpað upp á rammann, til dæmis því þegar
Rögnvaldur gamli fer að reyna að skrifa. Leikmyndin,
sem er hönnuð af Friðþjófi Þorsteinssyni, er því mjög
breytileg og lifandi í einfaldleika sínum. Grafíkina
hannar Bergrún Íris, svo hennar stíll er ekki langt und-
an og gefur sýningunni kunnuglegan blæ.
Sigurður Sigurjónsson leikur Rögnvald og ég á erfitt
með að ímynda mér nokkurn annan í því hlutverki.
Hann gerir persónuna að sinni, það er stutt í húmorinn
og hann fékk salinn til að veltast um af hlátri þónokkrum
sinnum með leik sínum. Fyrir eldri kynslóðir má sjá
glitta í gamalkunnar persónur í töktum Sigga á sviðinu
sem er gott dæmi um tvöfalt ávarp í barnasýningu, þar
sem vísanir sem hitta í mark hjá eldri áhorfendum fara
alveg fram hjá þeim yngri. Í þeirri sýningu sem undir-
rituð sá lék Nína Sólrún Tamimi hina sex ára gömlu
Eyju af miklu öryggi og fagmennsku. Hlutverk hins
söngelska og líflega pabba Eyju er í höndum Ásgríms
Geirs Logasonar, sem syngur af innlifun bæði þekkta
slagara og frumsamda tónlist leikritsins. Einnig bregður
hann sér í hlutverk Einarínu, frænku Rögnvaldar sem
býr í sveitinni. Júlíana Sara Gunnarsdóttir fer með
hlutverk mömmu Eyju og kennarans. Það var erfitt að
greina að þar færi sama manneskja með hlutverkin tvö.
Bekkjarsystkini Eyju stóðu sig vel á sviðinu, þau léku,
sungu og dönsuðu af mikilli fagmennsku. Undirritaðri
þótti frammistaða þessara litlu leikara bera af.
Boðskapurinn í Langelstur að eilífu er hjartnæmur,
rétt eins og í bókunum. Sessunaut mínum, níu ára,
þótti sýningin skemmtileg en jafnframt sorgleg, og vís-
aði hann þar til dauða Rögnvaldar sem var þungur biti
að kyngja. Samspilið milli Sigga Sigurjóns og Nínu Sól-
rúnar var einkar fallegt þegar Rögnvaldur kennir Eyju
ný/gamaldags orð og fær hana til að sættast við að verða
stóra systir. Þegar líður á leikritið verður nokkuð ljóst
að Rögnvaldur á ekki langt eftir. Fullorðna fólkið reynir
eftir fremsta megni að forðast að segja hvað sé að koma
fyrir Rögnvald en það er ekki fyrr en Eyja krefur þau
svara að henni er loksins sagt að Rögnvaldur muni deyja
fljótlega. En þar sem er dauði er líka líf. Rögnvaldur
og Eyja verja síðustu stund hans saman, Eyja lýkur við
síðasta verkið á lokalistanum og teiknar húðflúr á hand-
legg Rögnvaldar á meðan hann líður úr okkar heimi yfir