Fréttir - Eyjafréttir - 19.10.2023, Qupperneq 4

4 | | 19. október 2023
Vel heppnað styrktarkvöld
E Y J A M A Ð U R I N N
Styrktarkvöld Krabbavarnar í
Vestmannaeyjum var haldið
þann 6. október sl. Styrktar-
kvöld er árlegur viðburður þar
sem stjórn félagsins og sjálf-
boðaliðar koma að skipulagi.
Bleika boðið í ár sem haldið
var í Höllinni var afar vel sótt
og heppnaðist vel í alla staði.
Að því sögðu er Eyjamaður
vikunnar Sigurbjörg Kristín
Óskarsdóttir sem situr í stjórn
Krabbavarnar.
Fjölskylda? Eiginmaður, 4 dætur
og 7 barnabörn.
Mottó? Að nýta lífið til fulls, njóta
og jafnvel þjóta, gera eins mikið
og ég get á meðan ég hef heilsu.
Síðasta hámhorfið? Only murders
in the building á Disney+.
Uppáhalds hlaðvarp? Hlusta ekki
á hlaðvörp.
Aðaláhugamál? Áhugamál mitt
er að njóta lífsins og prófa alltaf
eitthvað nýtt.
Eitthvað sem þú gerir á hverjum
degi sem þú gætir ekki verið
án? Vakna með tilhlökkun fyrir
deginum og að þakka fyrir daginn
þegar ég leggst á koddann.
Venjulegur dagur hjá þér? Bara
þetta venjulega. Vakna, borða,
vinna, sofa og njóta.
Hvað óttast þú mest? Að ná ekki
að sjá barnabörnin mín komast til
manns.
Hvaða tónlist kemur þér í gott
skap? Rokk, eiginlega allt nema
sinfónía og ópera.
Hvað er velgengni fyrir þér? Gildi
hverrar manneskju felst í því hver
hún er ekki hvað hún á, þannig
að velgengni fyrir mér er þegar
fólk getur talað fallega við hvert
annað.
Hvernig gekk styrktarkvöld
Krabbavarnar? Bleika boðið gekk
rosalega vel og fór langt umfram
væntingar.
Hvert er tilefni skemmtunarinnar?
Að afla fjár til styrktar Krabba-
varnar, en félagið er rekið á
styrktarfé.
Rann peningurinn óskiptur til
félagsins? Já öll innkoma fór til
Krabbavarnar.
Stóð eitthvað upp úr að þínu
mati? Ég sá þetta kvöld hvað
Krabbavörn er ofarlega í huga
fólks, hvað kærleikurinn vegur
þungt í Vestmannaeyjum. Ég sá
hversu margir voru tilbúnir til að
styrkja okkur bæði með að mæta á
skemmtunina og að leggja okkur
lið með gjöfum og styrkjum.
Eru styrktarkvöld haldin árlega?
Við byrjuðum árið 2021 með
bleikt boð hjá Einsa Kalda, árið
2022 vorum við með mottumars-
tónleika í Höllinni og nú í ár
héldum við bleikt boð í Höllinni
þannig að það má segja að það
sé orðinn árlegur viðburður að
Krabbavörn sé með viðburð til
styrktar félaginu.
Eru margir sem koma að
skipulagi? Stjórnin fékk með sér
þrjá aðila sér til aðstoðar til að
skipuleggja og leggja til vinnu
við kvöldið en þau eru Kolbrún
Rúnarsdóttir, Óskar Pétur Frið-
riksson og Sigmar Georgsson og
langar mig að nota tækifærið hér
og þakka þeim alveg sérstaklega
fyrir þeirra framlag sem er alveg
ómetanlegt ásamt stjórninni sem
lagði sig alla fram en í henni eru
Ingibjörg Brynjarsdóttir, Kristín
Valtýsdóttir, Margrét Þóra Guð-
mundsdóttir, Olga Sædís Bjarna-
dóttir og Guðrún Gísladóttir.
Hefur sala á Bleiku slaufunni
gengið vel? Já gríðarlega vel.
Eitthvað að lokum? Mig langar að
koma á framfæri til allra sem bæði
sóttu viðburðinn og til þeirra sem
styrktu Krabbavörn á einhvern
hátt varðandi þennan viðburð
hjartans þakkir, án ykkar væri
ekki möguleiki á því að styðja
við þá einstaklinga sem leita til
Krabbavarnar.
Lífið er of dýrmætt til að lifa það
aðeins í draumum sínum.
Því langar mig að segja við ykkur
með kærleikskveðju „upplifum
...njótum... verum til“.
S I G U R B J Ö R G K R I S T Í N Ó S K A R S D Ó T T I R
Sigga Stína.
BALL
ÍSFÉLAGS
4. NÓVEMBER 2023
Í HÖLLINNI Í VESTMANNAEYJUM
Húsið opnar kl. 22.30 - Frítt inn!
Í B O Ð I
HREIMUR GUNNI ÓLABIGGI NIELSEN
Myndir frá Bleika boðinu: