Morgunblaðið - 01.07.2005, Side 10

10 C FÖSTUDAGUR 1. JÚLÍ 2005
bílar
MORGUNBLAÐIÐ
Morgunblaðið/Þorkell
Ökumennl
Þungaskattur er nú felldur inn í verð dísilolíu og þannig greiddur strax með bensínkaupunum í stað tvisvar til þrisvar á ári áður.
Dísilbílar nú samkeppnisfærir
á íslenskum bílamarkaði
Ný lög um olíugjald, sem
taka gildi í dag, hafa ýmsar
breytingar í för með sér
fyrir ökumenn og ekki síður
umhverfið eins og Geir A.
Guðsteinsson komst að
þegar hann kynnti sér málin.
dag, 1. júlí, taka í gildi lög um
olíugjald. En hvað er olíu-
gjald?
Með olíugjaldi er gjaldtaka
af dísilbifreiðum og bensínbif-
reiðum samræmd. Gjaldtakan
breytist frá því að vera gjald á ekna
kflómetra yfir í gjald á það elds-
nejdismagn sem notað er. Gjald-
skyldir aðilar verða þeir sem dreifa
eldsneytinu en ekki þeir sem aka
bifreiðunum. Þeir síðarnefndu bera
hins vegar gjaldið eins og þunga-
skatt en greiða það jafnóðum við
eldsneytiskaup í stað þess að greiða
tvær til þrjár háar fjárhæðir á ári.
Fjárhæð olíugjalds verður 41 króna
á hvern lítra af olíu frá 1. júlí 2005
til 31. desember 2005. Af olíugjaldi
ber að greiða virðisaukaskatt.
Runólfur Ólafsson, framkvæmda-
stjóri Félags íslenskra bifreiðaeig-
enda, segir fagnaðarefni að nú í
dag, 1. júlí, bjóðist íslenskum neyt-
endum loks að kaupa dísilolíu með
sama hætti og hefur verið við lýði í
nágrannalöndum okkar áratugum
saman. Þeir gangi nú frá sínum
kaupum á dísilolíu beint frá dælu í
stað þess að fá reikninga vegna
þungaskatts tvisvar á ári, og það
háar upphæðir sem vafist geti fyrir
mörgum að greiða hafi ekki verið
teknir frá peningar til þess að
mæta greiðslunum.
Allt að 30% minni eldsneytiseyðsla
„Þetta gerir fólki kleift að kaupa
eyðslugranna dísilfólksbíl a sem nú
eru í fyrsta sinn samkeppnisfærir á
Morgunblaðið/Ásdís
Gerir fólki kleift að kaupa eyðslugranna dísilbíla, segir
Runólfur Ólafsson, framkvæmdastjóri FÍB.
Erna Gísladóttir, forstjóri B&L, segir fyrirtækið ætla að
auka úrval dísilbílaf ramboðsins hægt og rólega.
íslenskum markaði. Þessir bflar
hafa sáralítið verið á götunum fram
að þessu, enda gerði þungaskatts-
kerfið það að verkum að þeir hafa
verið slæmur valkostur til þessa
fyrir almenning. Dísilbílar eyða í
dag allt að 30% minna eldsneyti en
bensínbflar af sambærilegri stærð.
Það skilar sér í minni koltvísýr-
ingsmengun og nýjustu dísilhreyfl-
arnir eru auk þess þannig í dag að
þeir skila frá sér mun minna af öðr-
um óæskilegum og mengandi efn-
um, eins og t.d. sótögnum. Margir
bílar eru í dag útbúnir sótvarnar-
síum en þessi útbúnaður er að
koma inn í Evrópureglugerðir.
Þjóðhagslega erum við að ná þeim
ávinningi með því að gera dísilbfl-
inn að raunverulegum valkosti að
olíureikningur samfélagsins mun
minnka umtalsvert. Það er auðvitað
gríðarlegur kostur í dag þegar við
verðum vitni að því að eldsneyti
hækkar dag frá degi. Það er því til
mikils að vinna að draga úr olíu-
kostnaði þjóðarinnar," segir Run-
ólfur Ólafsson, framkvæmdastjóri
Félags íslenskra bifreiðaeigenda, í
viðtali við bílablað Morgunblaðsins.
Runólfur segist hafa orðið var við
allnokkur viðbrögð frá almenningi
og mikið sé spurt um dísilbíla á
skrifstofu FIB. Ahugi á kaupum á
slíkum bilum hafi greinilega verið
vakinn undanfarin misseri og eins
hafi mörg bílaumboðanna búið sig
undir aukin kaup almennings á dís-
ilbflum og keypt dísilbfla á lager.
Runólfur segist þess fullviss að á
næstu mánuðum muni framboð á
dísilbílum aukast umtalsvert. En
bflaumboðin þurfi að fóta sig á
þessum markaði og reyna að kom-
ast að því hvernig þessi aukni áhugi
muni skila sér.
í Evrópu er þróunin sú að aldrei
íyrr hafa selst jafn margir nýir dís-
ilfólksbílar og á árinu 2003, en
markaðshlutdeild þeirra hefur tvö-
faldast á sl. 12 árum. A árinu 2004
var markaðshlutdeild dísilfólksbíla í
Evrópu komin upp í 44%, en í árs-
lok 2003 voru 11,5% fólksbíla á ís-
landi dísilknúnir en aðeins 9,55% á
höfuðborgarsvæðinu. Þeir sem hafa
ekið dísilknúnum fólksbflum hér-
lendis eru fyrst og fremst þeir sem
aka langt umfram meðalakstur á
ári.
Vegna þessarar litlu sölu á dís-
ilbílum undanfarin ár hérlendis,
sem m.a. orsakast af því að þeir eru
í grunninn dýrari, hefur dísilbíllinn
verið nánast óeðlilega dýr hérlendis
að mati Runólfs. Sá verðmunur
muni nú minnka. Væntanlega muni
dísilbflar einnig skila sér í hærra
verði í endursölu, líkt og raunin hafi
verið á hinum Norðurlöndunum
vegna þess að fólk sé að sækjast
eftir neyslugrennri bflum. Hærra
innkaupsverð þar hefur skilað sér
til baka, og oftast mun betur, í end-
ursöluverði. Það hafi reyndar þegar
mátt sjá á sölumarkaði dísiljeppa.
Gamla kerfið var ranglátt
- Það hefur verið þannig að bíl-
eigandi hefur þurft að aka a.m.k.
20.000 km á ári til þess að það
borgaði sig að reka dísilbfl sam-
anborið við samskonar jeppa með
bensínvél. Hverfur þetta „skilyrði“
nú?
„Kerfið hyglaði í raun þeim sem
óku mikið. Þeir sem eyddu minna á
kostnað samfélagsins voru látnir
borga fyrir þá sem voru að eyða og
sóa. Ranglætið var því algjört í
gamla kerfinu.
Ef við hugsum okkur bensínbfl
sem eyðir um 10 lítrum í 100 km
akstri og berum hann saman við
dísilbíl sem eyðir 7 lítrum i 100 km
akstri og báðir aka 15 þúsund km á
ári er kostnaður dísilbílseigandans
um 50 þúsund krónum minni miðað
við eldsneytisverðið í dag. Miðað
við verðmun á bensín- og dísilbilum
í dag skilar sá verðmunur sér til
baka á þremur árum miðað við 15
þúsund km akstur á ári auk þess
sem endursöluverð dísilbflsins er
hærra, og verður eflaust enn hærra
þegar dísilbflum fer að fjölga á
markaðnum. Dísilútgáfa eins vin-
sælasta jeppans á markaðnum hér
stendur mjög stutt við á endur-
sölumarkaðnum og er oft seldur á
yfirverði meðan bensínjeppinn
stendur eitthvað á markaðnum. Við
gætum verið að sjá svipaða þróun í
fólksbílum í framtíðinni," segir
Runólfur.
Vöruúrval dísilbíla eykst hjá B&L
Erna Gísladóttir, forstjóri Bif-
reiða- og landbúnaðarvéla og for-
maður Bílgreinasambandsins, segir
að verið sé að undirbúa einhverja
dísilvæðingu bílaflota landsmanna
og nú þegar sé aukning í innflutn-
ingi BMW-bfla með dísilvél og sami
undirbúningur sé hafinn í innflutn-
ingi Renault-bfla, þar sé verið að
taka inn tegundir og setja bíla inn á
verðlista með dísilvélar sem ekki
hefur verið áður.
„Við höfum auðvitað selt nokkuð
af jeppum með dísilvél, en það eru
fólksbílarnir sem verða helsta
breytingin. Eg fullyrði að Renault
sé með alveg frábærar dísilvélar og
sérstaklega hljóðlátar sem munu
henta mjög vel hér á markaðnum.
Við munum hægt og rólega auka
vöruúrvalið í dísilbflum og munum
fylgjast vel með á næstu misserum
hvemig markaðurinn tekur þessari
breytingu, þ.e. olíugjaldinu. Mér
finnst almenningur vera svolítið að
bíða og fylgjast með hvað gerist.
Þetta er tímabundin reglugerð
frá ríkisvaldinu og mörgum finnst
þetta ekki vera nógu sterk skilaboð
hvernig þessu verður háttað þegar
til lengi'i tíma er litið. Við þurfum
að sjá skýrari stefnu frá stjórnvöld-
um.
Það er því viss áhætta tekin með
kaup á dísilfólksbifreið, en það era
alltaf hinir nýjungagjörnu sem
byrja, ríða á vaðið. Hinn almenni
kaupandi mun fara hægt af stað, en
hann borgar milli 5 og 10% hærra
verð fyrir dísilbflinn. En ég tel að
endursöluverðið muni verða nokkuð
hærra á dísilbílum en bensínbflum
þannig að munurinn verður ekki
eins mikill og margir álíta í dag.
Svo er eyðslan allt að 25% minni.
Akveðinn hópur Islendinga hugs-
ar mjög umhverfisvænt og fagnar
þessari þróun, en sá hópur er minni
en víðast hvar erlendis. Auk þess
ökum við styttri leið í vinnuna en
víðast hvar tíðkast erlendis og þess
vegna kemur mengunarbúnaðurinn
oft að mjög litlum notum á köldum
vetrardögum vegna þess að bfllinn
nær því ekki að verða heitur. Auk
þess hitna dísilbílarnir hægar og
fólk á eftir að sjá hvernig það virk-
ar í fólksbílunum," segir Erna.
Dísilbílar á lager hjá Heklu
Hjá Heklu er horft með nokkrum
spenningi á þessa þróun sem er að
verða á bílamarkaðnum í kjölfar
þeirra breytinga sem nú eiga í stað,
þrátt fyrir að fyrst í stað verði ekki
mikill verðmunur á lítranum á
bensíni og dísilolíu. En dísilolían sé
umhverfisvænni og slíkar vélar eyði
minna og því horfi starfsmenn
Heklu með nokkurri eftirvæntingu
til þess hver viðbrögð markaðarins
verði.
Eitthvað hefur að undanförnu
verið keypt af dísilbílum á lager hjá
Heklu, en Volkswagen hefur verið
nokkuð leiðandi á markaðnum í
framleiðslu fólksbfla með dísilvél og
einnig í þróun dísilvéla. Verð fólks-
bíla með bensínvél er enn nokkuð
lægra en sams konar bfla með dís-
ilvél. Þannig kostar Volkswagen
Passat með 1600-vél um 2.275.000
krónur en með 1900-dísilvél
2.475.000 krónur, eða 200 þúsund
krónum meira. Auk þess eru að
koma Skoda-bflar með dísilvél og
þar er verðmunurinn eitthvað svip-
aður, t.d. í Skoda Octavia.