Bæjarblaðið Jökull - 02.11.2023, Síða 4

Sunnudaginn 29. október var
haldin afmælisguðþjónusta á
Ingjaldshóli. Tilefnið var 120 ára
afmæli kirkjunnar. Dóra Sólrún
Kristinsdóttir og Ægir Örn Sveins­
son sóknarprestur leiddu stund­
ina. Tónlistaratriði voru í hönd­
um Kirkjukórs Ingjaldshólskirkju,
Elena Makeeva, Evgeny Makeev,
bræðranna Gabríels Góa og Oli­
vers Mar Jóhannssona ásamt Sig­
ríðar Eyrúnar Friðriksdóttur. Að
lokinni messu var veisluhlaðborð
á vegum Kvenfélags Hellissands.
Veðrið skartaði sínu fegursta og
var engu öðru líkt að almættið
sjálft fagnaði með gestum. Eins
og fram kom í upphafi þá er kirkj­
an 120 ára en hvergi er bilbug að
finna. Undanfarin ár hefur kirkjan
verið í stöðugu viðhaldi og hefur
það kostað skildinginn. Eins og
áður hefur komið fram skartar nýr
ljósakross og byggingarártal kirkj­
unnar á turni forkirkju og nú ný­
verið var flísalagður inngangur
kirkju. Sóknarnefnd Ingjaldshóls­
kirkju vill koma á framfæri sérs­
tökum þökkum til eftirfarandi að­
ila og allra þeirra sem hafa stutt
við kirkjuna í hvaða formi sem
það er.
Fyrir hönd sóknarnefndar,
Ari Bent Ómarsson.
100 ára afmæli Brimilsvalla­
kirkju var fagnað þann 28.
október með hátíðarmessu en
kirkjan var vígð þann 28. október
1923. Séra Ægir Örn þjónaði fyr­
ir altari í messunni og Kirkjukór
Ólafsvíkur leiddi safnaðarsönginn
við undirleik Nönnu Aðalheiðar
Þórðardóttur. Fyrr í haust voru
haldnir afmælistónleikar Brim­
ilsvallakirkju þar sem leikin var
tónlist, sungin lög og flutt erindi
sem tengdust Brimilsvallakirkju á
einn eða annan hátt. Í hátíðarmes­
sunni lokinni þann 28. október
var kirkjugestum boðið til kaffi­
samsætis í Safnaðarheimili Ólafs­
víkurkirkju og var það Kvenfélag
Ólafsvíkur sem sá um veglegar
veitingar fyrir gestina.
Í Safnaðarheimilinu hélt Ver­
onica Osterhammer, formaður af­
mælisnefndar Brimilsvallakirkju,
ræðu og fór yfir hvað hefur ver­
ið gert fyrir kirkjuna. Auk Ver­
onicu sátu Sigurbjörg Kristjáns­
dóttir, Hanna Metta Bjarnadóttir,
Séra Ægir Örn Sveinsson og Pétur
Bogason í afmælisnefndinni. Aðr­
ir gestir tóku einnig til máls í kaffi­
samsætinu og fóru með áhuga­
verð erindi en það voru þeir
Sturla Böðvarsson, Einar Svein­
björnsson og Séra Friðrik J. Hjart­
ar. Þorsteinn Jakobsson söng
einnig nokkur lög við undirleik
Valentinu Kay.
Veðrið lék við kirkjugesti sem
náðu að njóta afmælisdags Brim­
ilsvallakirkju til hins ýtrasta.
SJ
Ingjaldshólskirkja 120 ára
Brimilsvallakirkja
100 ára
Steinprent ehf.
Skarðsvík ehf.
Sandbrún ehf.
Breiðavík ehf.
Láarif ehf.
Fiskmarkaður Íslands hf.
Fiskmarkaður Snæfellsbæjar ehf.
KG Fiskverkun ehf.
Kristín Vigfúsdóttir
Guðmundur Kristjánsson
Guðbjartur ehf.
Hópferðabílar Svans Kristóferssonar ehf.
Snævélar ehf.
Smári Jónas Lúðvíksson og fjölskylda
Helga Hermannsdóttir og fjölskylda
Lionsklúbbur Nesþinga
Kristinn J. Friðþjófsson og fjölskylda