Mímir - 01.12.2016, Blaðsíða 19

Klækir og karnival
17
lýsing gæti farið Þrándi vel, en væri þó helst til
lítið úr gert ef einskorða ætti persónu hans við
þær einkunnir. Ef til vill er betra að leiða hugann
að því hvað Þrándur er ekki.
Það er nokkuð skýrt að Þrándur fellur ekki inn í
hefðbundið sniðmót hetju, a.m.k. sé hann borinn
saman við andstæðing sinn, Sigmund Brestis-
son. Þrándur vegur ekki einn einasta mann upp
á eigin spýtur og ekki er þess getið að hann
standi í vopnaskaki; einnig hefur hann lítinn
áhuga á að drýgja dáðir í fjarlægum löndum.
Aðgerðir Þrándar í sögunni miða fyrst og fremst
að því að ná völdum yfir heimkynnum sínum,
Færeyjum, og aukinheldur að komast yfir lausa-
fé. Löngum hafa fé og völd haldist í hendur og
auðæfi Þrándar gera honum kleift að öðlast
mikil völd. Sllkt gerir hann I krafti vitsmuna sinna
og klókinda en ekki líkamlegs atgervis.
í Færeyinga sögu er frásögn af því hvernig
Þrándur eignast sitt mikla fé og er vert að
staldra þar við. Eina utanferð Þrándar í sögunni
er til Noregs og Danmerkur (Ólafur Halldórs-
son, 2006, bls. 5-8). Á Haleyri f Danmörku var
mikill markaður og átti Þrándur þangað erindi.
Á markaðnum voru staddir Haraldur konungur
Gormsson og menn hans. Tveir hirðmanna
konungs, bræður, höfðu í hyggju að kaupa sér
gullhring mikinn og safna þeirtil þess miklu
silfri. Þegar komið er að því að kaupa hringinn
réttir annar bróðirinn silfrið út um tjald þeirra
til einhvers sem hann telur vera bróður sinn.
Svo er alls ekki og má geta sér til að þarna
hafi Þrándur í Götu verið að verki, sem hefur
þá brugðið sér í líki eða hermt eftir öðrum
bróðurnum. í kjölfar þessa leggur konungur
farbann á alla markaðsgesti þar til silfrið finnst.
Þrándur fær þá Norðmenn sem staddir eru á