Mímir - 01.12.2016, Blaðsíða 100

takmörkunum í málnotkun málhafa heldur hefur
þessi stefna orðið til þess að norður-kóreska hefur
ekki þróast síðan seinni heimsstyrjöldinni lauk.
Orwell spáði fyrir um það að Newspeak yrði algilt
tungumál í heiminum og þó sú spá hafi ekki enn
gengið eftir virðist það vera nokkuð algengt í póli-
tískri orðræðu. Sagan rennir styrkum stoðum undir
vangaveltur Orwells enda virðist hann hafa sótt
innblástur að Newspeak í þau gríðarlegu áhrif sem
tungumálið hafði á þeim ófriðartímum sem geisuðu
rétt áður en hann skrifaði 1984 (Orwell, 1948).
Hitler og nasistarnir eru mjög gott dæmi þegar
fjallað er um Newspeak í sögulegu samhengi. Þeir
notuðu tungumálið markvisst til þess að ná mark-
miðum sínum og til að ná almenningi á sitt band.
Bandaríkjamenn og Sovétríkin gerðust einnig sek
um spillingu málsins í kalda stríðinu en þeir beittu
tungumálinu á mjög meðvitaðan hátt í pólitískum
tilgangi (Theodore, 2011).
Blaðamaðurinn Rebecca Theodore skrifaði grein
árið 2011 þar sem hún ásakar stjórnmálamenn
um að beita meðvituðum skrauthvörfum sér til
hagnýtingar svo sannfæra megi almenning um að
þeirra hlið á umdeildum málum sé hin rétta hlið.
Hún talaði um þetta sem Newspeak nútímans
(Theodore, 2011). Theodore nefnir að það hafi
verið slík spillt orðræða sem knúði til haturs og
hræðslu Serba á þjóðunum í kring og leiddi til
styrjaldar innan Júgóslavíu á bilinu 1991 -1999.
Þessi dæmi sýna að augljóslega geti markviss
spilling tungumálsins haft gríðarleg áhrif og það á
heilu þjóðirnar.